ISAIA 12:3 - ASII LAKDAP Bible (BSI)

³ Khangriri kham nyang raüla letsiti ma peohea, ikha Shiikeawe raq asenginok chhiikuq raüjaq chochitlo.”

Hawa Naga Bible 2001

³ Yuix vkhuing rueq khvmx svy jix muex tvkokez kuq yaq ikhoc, vpiq rueq tsuingshiq palc wvnc tueq nuex Tishox miqsaz htenc vkokez rvwuez tueq,” ngoz tueq shic vkhing httuiuc wvnc yaq.

ISAIA 12:3 Referencias Cruzadas

Tvtsvmc 36:9

Ümniika wiita atra phan ma tsitsü khamrai, kiimaq ümrawüli si kha maq naishiq raq rawüli chhitiikai.

Tvtsvmc 87:7

Tsangshiq raq wiinum shewa lam maq, “Jajon chela ka nashiq raq achu shiiman lapchang jüraikuk,” nguta shitrangtlo.

ASHICHONG 2:3

Shepe chong ikha langmong nyang na. Lungwii kongtiwe sham tsomhea jerobi phong na. Kra chong nyam maiqnga seachang. Kra tsi ka ngi ma sumhea.

ISAIA 41:18

Ngi raq kin thun shinriiqriiq na jürai phong mitiikiha, kiimaq hiqthungtan thun na jüse raisetiim mitiidongha. Ngi raq rumnyangkhi kumtsaiphii na thamchum tonglong mitiidongha, kiimaq shinriiqriiq binjü ka tsiimserai tonglong mitiijaha.

ISAIA 49:10

Tsangshiq ka ümtiikiimin aramtsi riimakla khamnyangtsi chamchao mak she miraq. Rashekiitsi nai kumtsaiphii hiqke raq tiichamchao mak she miraq. Jamkhano ngukla tsangshiq lungwiitiwe riishe tsangshiq ka miriim wan. Apaiq raq tsangshiq ka tsiimse raisetiim na misheaho.

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

EJEKIEL 47:9

Kra jürai ka ümbano kihotlaq, kiijiika phanrap phanrii ngam saü ngiqse tonglong lishe miraq. Ara khamrai kitlaq ariiraq Amaa Khamjong chum kham ka khamhea miishe mitiija wan. Kiimaq ara jürai ka ümbano kihotlaq kiijaq ngamsaü ngiqse tonglong li she miraq.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

John 1:16

Apaiq kaphap mangchan tsii ka jürai ikha tümlüm tümli sitlo. Krai mren, apaiq raq nashiq ma, achu shiiman ramram jaqshamke ka tangwa jüchhang khamkai ikha, raükuqtlo.

Revelation 22:1

Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”

1 SAMUEL 2:1

Hanna raq akha achu jaüto: “Tatiwe raq imongjii na, chochi asho awo kuqto; ngi ka kai chochi, apaiq raq ngi ma klo kuqto! Ngi raq ijaqtibi naikü tiikang, ngi ka pinthum khoqriiq tiikang, Shiikeawe raq ngi khrum kuqto!