ISAIA 12:4 - ASII LAKDAP Bible (BSI)

⁴ Ranaiqshi akhing misaü wan kiitiikaq nokwe akha mishi, “Tati tiitsam ronglaq! apaiq jaq wa khrum jaü rong laq! namshiq khrum miitu! Mangjong tlotli ma chong ronglaq, apaiq raq namshiq ma jaq sham kuqtaq kra! Tsangshiq ma chong ronglaq apaiq jonglu kra!

Hawa Naga Bible 2001

⁴ Miq htenc rueq, “Yehowa muex kejux vyungx! Mnoz muex romc kuy tvkoc vpiq kuex gvl shuiuz! Vpiq rueq shuimx wvnc tueq yauk shuimc kuex miqphvnx htenc muex jungx shuiuz! Vpiq mtanc lac yungx luz yaq nguinx kuex tsuingshiq muex jungx shuinz!

ISAIA 12:4 Referencias Cruzadas

1 KAÜWA WERAÜ 16:8

Tatiwe ma kechutum ronglaq, apaiq jonglu chiiriim lanta tiitai ronglaq; maiq phan thun ma apaiq raq jaqsham kuqtaq kra chong rong laq.

1 KAÜWA WERAÜ 29:11

Ümniika ajong pinthum kiimaq ningkun jonghea riimtiwe, khushü jonghea, achhai anyii, kiimaq maiqkha akii. Ramungtan na ümchuwa sitlaq kiimaq mangjong hiq na ümchuwa sitlaq kra ümrii siisaq. Kiimaq ümniika hokham, ajong thaq niimin ajong pinthum phanrap kunli riimtiwe.

NEHEMIA 9:5

Kra akhing na, mungmaiqse ma noqku lamsheati Lewinok ka arthun ara riito: Jeshua, Kadmiel, Bani, Hashabneiah, Sherebia, Hodia, Shebania, kiimaq Pethahia thun riito. Tsangshiq raq akha nguto: “Chap ronglaq, lanta namshiq Tati Shiikeawe ka shomnoq rong laq. Apaiq kli pattup pat-sa, tiitsam kam ronglaq! Apaiq mangchong khushü jonglu ka, hongtoshe nguta ahü; li jiimin, maiqse angu wiita raq, tiitsam kam ronglaq.”

Tvtsvmc 105:1

Tatiwe ma kechutum ronglaq, apaiq jonglu chiiriim lanta chongronglaq; apaiq raq jamlai jaq wa shamtaq kra maiq mung thun ma chong ronglaq.

Tvtsvmc 107:22

Tsangshiq raq apaiq ma honglu takuq raüta kechutum ratlo, raüta apaiq raq ümtinkhan wa jaqshamtaq kra ashi lam maq chong raüta shinge ratlo.

Tvtsvmc 113:5

Tati nashiq Shiikeawe khan jumin ahü she. Apaiq ka ratsan ramong nyang na tsaühea na sitlo.

Tvtsvmc 148:13

Tsangshiq kunli raq Tati mang tiitsam ronglaq! Apaiq mang ka tarü thaq na ajong; apaiq khushü ka hiq nai ramungtan thaq na.

Tvtsvmc 18:46

Tatiwe asi! Ngi tiiwongtiwe tiitsam laq! Ngi chhiiti Shiikeawe jonglu kra chiiriim laüta chonglaq.

Tvtsvmc 21:13

Naishiq raq ümnaq tiitsam tiikai, Tatiwe lei, ümningkun jonghea rümtlaü ningkhan! Naishiq mishingehai laita ümningkun ka mitiitsamhai.

Tvtsvmc 22:31

Rawii michhiki shaqti ma: “Tatiwe raq asenginok tiichhii kuqto,” nguta miphan kuq wan.

Tvtsvmc 34:3

Ngi rai Tatiwe jonglu kra chiiriim laita chongrong i; apaiq mang ka adam maq tiitsam rong i.

Tvtsvmc 40:5

Ümniiraq naishiq miitu pahea jaq shamkuq laü, O Tatiwe, naishiq Shiikeawe lei; ümniikhan ahin shiikea junim ahü! Ümniiraq naishiq miitu amao chang jaqsham pahea sürii wan laü. Ngi raq kriithun ka weawan lot mang kriika achong lot chang riimak pahea!

Tvtsvmc 46:10

“Tsaq ronglaq naq riikhat rongkiq,” nguta apaiq raq ngutlo, “kiimaq namshiq raq sap ronglaq, ngi ka Shiikeawe, maiqmung thun thaq na ajong pinthum; kiimaq mangjonghiq raikhü na ajong pinthum,”

Tvtsvmc 57:5

Ümningkun jonglu ka ramong nyang na tiichhikuqlaq, O, Shiikeawe lei, kiimaq ümkhushü ka mangjong hiq wiita na tiichhilaq.

Tvtsvmc 68:5

Shiikeawe, apaiq asii Shomjam na sitiwe raq, jechisere rümtlo kiimaq manti nyungre tiiwongkuqtlo.

Tvtsvmc 73:28

Shatmaq ngi ma riiwe kla, Shiikeawe wokhong na siwankli pinthum amao chang, Ajong Pinthum Tatiwe tiiwong na siwan kli she kiimaq apaiq raq ümtinkhan wa jaq shamkuq wantaq kra chiiriim lata chongke wan kriili she amao chang.

Tvtsvmc 9:11

Tatiwe tiitsamkam shi ronglaq, apaiq raq Jajon chela maq pentlo! Apaiq raq jamlai jaq wa shamtaq kra mungtek ma chongrong laq!

Tvtsvmc 96:3

Chiiriim lanta apaiq khushü jong ka maiq mung thun na chong ronglaq, apaiq raq ningkun henghea maq jaq shamtaq thun kra maiq phan tlotli ma chong ronglaq.

Tvtsvmc 97:9

Tati Ningkun Ajongwe lei, ümniika mangjong tlotli pengti; ümniika ahin tisho kong thaq na jonghea pinthum.

DUNGWVNC 15:2

Tatiwe ka ningkun aheng ngi tiiwongti; apaiq raq ngi khupwongto. Apaiq ka ngi Shiikeawe, kiimaq ngi raq apaiq mitiitsamha, iwe ma Shiikeawe, kiimaq ngi raq apaiq jonglu mishiha.

DUNGWVNC 33:19

Kiijiishe Tatiwe raq treto, “Ngi raq wiita ikhushü jonghea chhainyii ka üm makki na alea wan mitiichhikuq kang. Kiimaq ümmiki na Ngi raq imang chong asii kra michong kang. Ngi ka Tatiwe. Kiimaq Ngi raq juwa tsea tsiiq wan kang kriiti ma mangchan tsii tiichhi kuq tiikang. Kiimaq Ngi raq tsea wan kangti ma mangchan tiitsi kuqtiikang.

ISAIA 12:1

Ranaiqshi akhing saü raüjaq nokwe raq akha mishinge, “Tatiwe lei, ngi raq ümnaq tiitsam tiikang! Ümniika ngi ma akhiq riilaü, shatmaq ümchaü ka ngi boqpumtlaü, kiimaq ngi rai tsan riikhiq maüshe.

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 2:17

Maiqse shiikong longtlaq thun kra athum she mirki kiimaq maiqse lanphan doqdit siqtlaq thun kra wiita atiithen mirbaiq wan. Sumla phra phong thun kriika tiisiirai she mimoki. Kiimaq kra ranaiq akhing na Tati lamlam kli she mitiijong wan.

ISAIA 24:15

Kiimaq shedong mung na siti raq apaiq ka mitiitsam. Khamjong chumkii wang na siti raq Tatiwe raq, Israilnok Shiikeawe ka mitiitsam.

ISAIA 25:1

Tatiwe, ümniika i Shiikeawe; Ngi raq ümnaq mishrengha, lata ümmang mitiitsamha. Ümniiraq amao chang pahea shamlaü; ümniiraq man niiphü jaqsham chang thun sürii wan ka kunkun tsapkapkap klo wan laü.

ISAIA 26:8

Naishiq ka ümniiraq athithi kriili phantiikai, laita naishiq rantsii ka ümniima thütiikai, naishiq miika ümniikli ratlo.

ISAIA 33:5

Tatiwe ka pinthum jonglu! Apaiq raq phanrap kunli pengtlo. Apaiq raq Jerusalem ka tingting jaqsham kaiwa maq nai athuk atsom jaqsham maq mitiima wan.

ISAIA 42:12

Ratho rapha mung thun na siti raq, Tatiwe ka tiitsam ronglaq, kiimaq Tatiwe khushü tiijong ronglaq!

ISAIA 48:20

Bebilon mung wa wawantlo ronglaq, wase ma jalanta wawan ronglaq! Arü ariiq chochikhiq tsütsa ka tiitai ronglaq! Tsütsa ka barapse na tiitai ronglaq: “Tatiwe raq ajaqshi se Israil chhiikuqto she!”

ISAIA 66:19

Krai mren, tsangshiq raq Ngi riidea tsangshiq ma imo tiiho tiikang nguta misap. “Shatmaq Ngi raq tsangshiq phong wa maiq wiijam ka atiihang mirha. Lata tsangshiq ka maiq mung thun na kiimaq maiq mung thun luhea na siti thun kiina, jurwa imang chong tsaki taimak dea riimakla ngi jonglu kiimaq iningkun heng michhishaqtibi mung thun na mitiiwaha: Kriithun ka Spen mung, Libia mung, kiimaq Lidia mung, tsangmungti liq sreabi rai mitiiwaha. Kiimaq Tubal mung na kiimaq Gris mung na mitiiwaha. Armung thun na tsangshiq raq imang chong jonglu tsütsa kra chiiriim raüta michongkuq.

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

John 17:26

Ngi raq tsangshiq ma, ümmang ka triisap kuq wan kang she. Kiimaq, arthaq niimin ngi raq ümmang ka tsangshiq ma, atsaü maq triisap kuq wan ruq li mirha. Krai mren, ümniiraq ngi lungwii tlaü, ümmang chan tsantsii ka tsangshiq tsan mong na misi wan. Krai mren, ngi min tsangshiq rai tsanshi mongshi maq misi wan dam ha.”