ISAIA 12:1 - ASII LAKDAP Bible (BSI)

¹ Ranaiqshi akhing saü raüjaq nokwe raq akha mishinge, “Tatiwe lei, ngi raq ümnaq tiitsam tiikang! Ümniika ngi ma akhiq riilaü, shatmaq ümchaü ka ngi boqpumtlaü, kiimaq ngi rai tsan riikhiq maüshe.

Hawa Naga Bible 2001

¹ Miq htenc rueq, “Yehowa lex, ngaz rueq mnoz muex tvtsvmc phaungx! Mnoz kuex ngaz muex khaq vphux, yuq muinz majuiuc kuex mnoz rueq ngaz muex tvlenc lauk vtueq mkaq muinz khaq muq shex.

ISAIA 12:1 Referencias Cruzadas

NEHEMIA 8:10

“Riita, ümchaü min, namshiq ka maiqmii jam na wa rong laq. Lanta phaq asea chamtraq poi ajong klo rong laq. Poi klo wan miitu tü-adung nai spiqtai ka ju jaq niiwa ahü, kriiti miika asisiti raq kran kuq lanta, riiphea riinyin phaqsiq ronglaq. Ümchaü ranaiq arka Tatiwe ma asii ranaiq. Kra ningkhan, namshiq ka munjuk mijuk naqsi rongkiq. Tatiwe raq namshiq ma kuqtlaq chochi kriiraq, namshiq ningkun ka ajong ma mitiija,” nguta mungmaiqse ma chongkuqto.

YOBA 11:16

Raüla ümnaq chamchao litkot wan laü thun ka wiita jüchhang wawan tlaq ikha, ümtsan mong wa amaq she mirki tsan niimin dong mak she miraq.

YOBA 13:16

Jursap akha achaq awaq maq chapha jiika ngi tiiwong wan chang wa riila, jamkhano ngukla ashutwe ka Shiikeawe man na chap wa kham mak.

Tvtsvmc 30:5

Atsankhiq ka alose miituli, apaiq thuktsom ka rilung wiilü miitu. Makphai ka rawa na misa sham, shatmaq rawü wan raüla chochi she misaü.

Tvtsvmc 71:21

Ümniiraq ngi ka man niiwa nam ma jonghea she mitiijahaü; ümniiraq ngi ka aboqpum mirnonghaü.

Tvtsvmc 85:4

Manna jamkho arong awin sikai kiikha tiisi wan nonglaq, O Shiikeawe naishiq chhiitiwe lei, laüta naishiq ma ümtsan ka naq tiibikiq she!

Tvtsvmc 86:17

Ngi ma ümnaq thuktsom kra tiichhilaq, Tatiwe lei; ngi ngengtikong ka ajeasi miraq ümniiraq ngi boqpumtlaü nai khrumtlaü kra chhi raüta,

Tvtsvmc 9:1

Tsan nai mongjii wiita kuq lata ümnaq mitiitsamha, O Tatiwe lei; Ümniiraq ümchuwa awang chang jaqsham laü kra wiita michongha.

ISAIA 10:25

Ngi raq namshiq ma imo tiihotiikang arka jaqloli she mihohan. Kra jai miika, Ngi raq tsangshiq kriishe mishthenbaiqha.

ISAIA 10:4

Namshiq ka re na mitsaihan. Riimakla namshiq ka pongmung na munglu shumwi ma mihit wan. Kiitinkhan taü miimin Tati tsankhiq ka shimakli riishat shat miraq. Apaiq jaq ka ra na doshat namshiq ma motiiho miitu kheshat miraq.

ISAIA 11:16

Raüta Israilnok Asiria mung na aso atiichongkiti miitu Asiria mung maq Israil mung na laü wan miitu lamjong kaü ka jonghea ashi miraq. Arka man na tsangtitiim pat na Ejip mung maq laü wan miitu lamjong kaü tankuqtaq kiikha miraq.

ISAIA 14:3

Tatiwe raq Israilnok ka chamchao litkot walü mong wa kiimaq tsangshiq ka di ma tiija raüta ningkun maq jaq tiisham shiinüm shatlaq kriiwa mitiichhiikuq wan.

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 25:1

Tatiwe, ümniika i Shiikeawe; Ngi raq ümnaq mishrengha, lata ümmang mitiitsamha. Ümniiraq amao chang pahea shamlaü; ümniiraq man niiphü jaqsham chang thun sürii wan ka kunkun tsapkapkap klo wan laü.

ISAIA 25:9

Kriishe kupi wan raüla, maiqse wiitarü raq akha mingu, “Apaiq ka nashiq Shiikeawe! Nashiq raq apaiq ma kamwankai, kiimaq apaiq raq nashiq tiiwongkuqto. Apaiq ka Tatiwe! Nashiq apaiq ma kamtiikai. Krai mren ümchaü naishiq ka chochikhiq she sitiikai. Kiimaq khoqriiq shishiiq she sitiikai. Jamkhano ngukla apaiq raq naishiq ka tiichhiikuqto.”

ISAIA 26:1

Ranaiqshi akhing misaü wan, kra akhing na Juda mungti raq ara mishinge: Nachela ka ningkun aheng! Shiikeawe apaiq raq chela tro ruk thun kra tiiwongtlo!

ISAIA 35:10

Tsangshiq ka Jerusalem na chojong chise misaü wan, khoqriiq shishiiq ashi ange kiimaq arü ariiq watrangla. Tsangshiq ka pattup pat-sa chochikhiqli she misi, pattup pat-sa aho ajü nai acha apa ahü she miraq.

ISAIA 49:13

Shi ronglaq, ramungtan thun! Chojong chise gitrang ronglaq, mangjong hiqraikhü lei! Pum thun raq ashi ange phoktrang ronglaq! Tatiwe raq asenginok miboqpum; apaiq raq asenginok chamchao chhi raüta mimang chankuq.

ISAIA 51:3

“Ngi raq Jerusalem ma mangchan mitiitsiha, apaiq riimraitlaq mong na siti maiq wiita ma. Apaiq mungtan ka hiqmiq changkhü, Li jiimin Ngi raq kriika bagan ashi mitiijaha, Ngi raq Eden bagan na chhijang kang kiikha mikloha. Chojong chise apeo aleo lishe kiijaq mishong nga wan, kiimaq Ngi ma tiitsamkam shi nai kechutum shi mishinge wan.

ISAIA 54:7

“Jaqlose miitu Ngi raq ümniika miimthükang; mangchan tsihea maq ümniika mishea wan nongha.

ISAIA 54:8

Ngi ka itsankhiqtsi ma jaqlose ümtho wa kihokang, shatmaq Ngi raq ümniika pattup pat-sa she milungwii kang.” Akha Tatiwe ümnaq tiichhiiketi raq ngutlo.

ISAIA 54:9

“Nowaq pat na Ngi raq kiq khamkang, mangjong hiq ka kham maq tlümbaiq nong mang she nguta. Ümchaü Ngi raq ümniima itsan tiikhiq nong mang she nguta kiqkham tiikang; Ngi raq ümniika tsat mang she riimakla sintsang maq tsatnong mang she.

ISAIA 60:10

Tatiwe raq Jerusalem ma ngutlo, “Pongmungti raq ümchela tro ruk ka mitiihea haikuq, Kiimaq tsang hokhambi raq ümnaq mishkumpan, Itsankhiqtsi ma Ngi raq ümniima mo tiihokang, Shatmaq ümchaü Ngi raq ümniima lungwii mitiichhikuqha, Kiimaq atiihang mirkuqha.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

ISAIA 64:5

Jurwa tingting jaqsham ka chochikhiq maq shamtlaq kriiti ka ümniiraq ümwokhong na si miitu tao wan tlaü. Kiimaq ümniiraq lungwii tlaü kra phan phan chap nga wanti kra tao wan tlaü. Ümniika naishiq ma akhiq ariq siwan laü. Shatmaq naishiq raq ngarai ka klo wan ruqli siwankai. Ümtsankhiq wa kra chhitai shat shat taü miimin, man na richüpat miiphü naishiq ka ashut aphit klo wan ruqli siwankai.

ISAIA 65:18

Ngi raq jamlai wa anye tiiqwan kang kra miitu chochi ronglaq kiimaq pattup pat-sa khoqriiq shishiiq si ronglaq. Ngi raq anye Jerusalem tiiqwan tiikang kriika chojong chiseli she misi wan. Kiimaq asenginok ka khoqriiq shishiiq she miraq.

ISAIA 66:13

Ngi raq ümniika Jerusalem na anyung raq ase noshiise chuntlaq ikhiishe michhunha.

JEREMIA 30:19

Kiijaq shongti mungmaiqse raq tiitsam shi mishi; tsangshiq ka chojong chise miriiriiq wan. Ngi raq shiimantiikang kha maq, tsangshiq ka pahea mipu wan; Ngi raq shiiman tiikang kha maq, tsangshiq khushü mijong wan.

JEREMIA 31:13

Kiitiikaq jechaksere ka chojong chise wiinum sheawa she miraq, kiimaq maiqwere, jerobi, nai nyungwere ka khoriiq shishiiq she miraq. Ngi raq tsangshiq ka boqpum lata achun mirha, tsangshiq maaho maajü ka chochi miishe mitiijaha, tsangshiq shiri chapa ka khoqriiq shishiiq miishe mitiijaha.

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

Hosea 6:1

Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?

JEKERIA 1:16

Arkha niishe, ngi ka Jerusalem na imangchan tiichhikekai she saüki kang. I Shomjam ka atiihea mihai nong. Kiimaq Jerusalem kiimin, atiihea mihai nong,” nguta Tatiwe raq chongto.

JEKERIA 14:20

Kra akhing na kumrang dang na apaqkuq sengreng posetiim kiijaq dongdii min, “Arka Tatiwe ma kiinong keje she,” nguta waiq raüta mitlak. Shomjam na ashong lumchang hamliitak thun kiimin berong-wacha na lang chang pincho thun jamkhiiwa asii, kiikha asii siisaq she miraq.

JEKERIA 14:9

Kiijiishe Tatiwe ka mangjong tlotli na hokham ma mija. Maiqse angu tarü raq apaiq kiidea Shiikeawe nguta mishomnoq wan. Kiimaq apaiq kiidea Shiikeawe nguta sap raüta minoq wan.

JEKERIA 8:11

Shatmaq ümchaü armungti abung aso thun ka ngi raq pongmaklii miishe liitiikang.

JEKERIA 8:19

Juda mungti raq jipi lüblai ngoja, jipi lübiingi ngoja, jipi lümiishi ngoja kiimaq jipi lüroqshi ngoja na amang maq achu jaü wan tlaq kra, Juda mungti ma chojong chise nai khoqriiq shishiiq maq poi klo miishe mija. Arningkhan namshiq raq tingting lam nai hansang lam kli lungwii ratlo.

Romans 11:15

Ara jamkhano chong tiikang ngukla, Shiikeawe raq tsangshiq tiishaü baiq wan taq, kriikha na santla mangjong maiqse angu wiita ka, Shiikeawe rai wesang ralii kong wa, Shiikeawe khi alu nok miishe tiija wantaq. Riita, ikhiijiika, tsangshiq Jehudinok phan ka, wiitarü thum thum she, Shiikeawe wokhong na siwan raü jiika, mangjong maiqse angu ma achu shiiman ka ümtinkhan jonglu kewan chang she wa riila? Kriishe ngu raü jiika mangjong maiqse angu thun wiita ma, amaa wa atra siwan lamlu lishe misi wan!