DANIEL 3:17 - ASII LAKDAP Bible (BSI)

¹⁷ Riita, ümchaü min, naishiq raq shomnoq tiikai Shiikeawe raq, naishiq ka ara watum mong wa michhiilot, kiimaq ümjaq khon mong wa mitiichhii lot jiika, apaiq raq mitiichhiikuq.

Hawa Naga Bible 2001

¹⁷ Nuiyhez rueq nawk vshix Tishox rueq wvrluic yaq mungx wawc nuiyhez kuex palc wvnc phuex, vpiq rueq mluimc vkawc wawc muinz palc wvnc phuex.

DANIEL 3:17 Referencias Cruzadas

RAPHA HIQWA LAK 17:1

Abram ka arawii wiiroq tiikaü ri wiitiikaü she angu na, Tatiwe ka apaiq rai riihumto. Raüta akha nguto, “Ngi ka Ningkun Ajong Shiikeawe. Ibom tailaq. Kiimaq wranaiqshe riikhaqli kli klolaq.

RAPHA HIQWA LAK 18:14

Tatiwe raq lot mang chang phan ka asi shea? Ngi ngutiikang ara phan han, ümchaü armaq jipi lütiikaü silata Ngi ka ana mijangkiha. Kiimaq Sara raq ase maiqwe se ashi mihum.”

YOBA 34:29

Kiimaq Shiikeawe riishe brorii mang nguta thapthi hotaq jiika, juro apaiq ka mithuchopki lot.

YOBA 5:19

Apaiq raq ümniika tiijangkiki chamchao thiikho wa mitiichhii kuq;

Tvtsvmc 115:3

Nashiq Shiikeawe ka ramungtan thun na sitlo; apaiq raq jamlaiwa thapthitlaq kra phanphan shamtlo.

Tvtsvmc 37:39

Tatiwe raq kechu maiqsetiim ka tiichhiikuqtlo kiimaq tsangshiq ka chamchao wa tiiwongkuqtlo.

Tvtsvmc 37:40

Apaiq raq tsangshiq ka khrum kuqtlo kiimaq tiiwongkuqtlo; apaiq raq tsangshiq ka abi kloti jaqkhon wa tiichhiitlo, jamkhano ngukla tsangshiq mitiiwongkuq laq nguta tsangshiq ka apaiq phana watlo.

Tvtsvmc 73:20

Tsangshiq ka rawama chhitiikai ikhli ranap na samki haijaq mokitlaq ikha; ümtiikiiwa ümnaq tiido tlaü, O Shiikeawe lei, tsangshiq ka mokisaqli mokitlo.

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 54:14

Tingting tri kappe shamtlaü kriiraq kiimaq tri khaqkhaq shamtlaü kriiraq ümniika achet alet ma mitiija wan. Ümniika mungtsing miishe misihaü kiimaq notshotshot tiiphiipjiip mak she miraq.

JEREMIA 1:8

Ümniika tsangshiq ma naqhaikiq. Ngi ka ümnaq tiiwongke ümniirai nongshnong misiha. Ngi Tatiwe raq ngutiikang!”

JEREMIA 15:20

Ngi raq ümniika tsangshiq makki na miiki gam maq ahai khetuk ma mitiija baiqha. Tsangshiq raq ümniika mikhat. Shatmaq tsangshiq raq ümniika tang mak miraq. Ngi ka ümnaq rai adam sishat mirha. Lata ümkhum ka mitiichhiikuqha kiimaq ümniika khusang maq mithüha.

JEREMIA 15:21

Ngi raq ümniika abi maiqse nai jasam piqsii maiqse jaq khon mong wa mikhup wongkuqha. Arka Ngi, Tatiwe raq ngutiikang.”

DANIEL 3:26

Kiijiishe, Nebukadnejar ka watum khok nyairaitlaq kilü kiina ra na wato. Raüta tiihong raüta, “Shadrakh! Meshakh! Abednego! Ajong Pinthum Shiikeawe sengi! Kinphai na dongki rongkiq!” nguta heato. Kiimaq tsangtsam ka watum mong wa donghosaqli dongkito.

DANIEL 4:35

Apaiq maklii na mangjong maiqse ka, hiqtilise ikhli liitlo; ramungtan na siti rasetiim nai, mangjong hiq na siti maiqse, apaiq jaqkhon mong na thütlo. Apaiq raq jamlai wa thapthi tlaq, juwe riimin tangta lot mak, kiimaq jurmin apaiq ma wailot mak.

DANIEL 6:16

Krai mren she hokhamwe raq Daniel lapwa miitu aming kuqto. Raüta apaiq ka hangsikong khok mong kiijaq tiidea baiqto. Apaiq raq Daniel ma akha nguto, “Riita ümniika ümniiraq apaiq rai tiipumtlii laüta shomnoq tlaü Shiikeawe riitiq she dea mitiichhiikuq laq.”

DANIEL 6:23

Hokhamwe ka pinthum khoqriiqto. Kiimaq Daniel ka khobok mong wa tiidong hitlo ronglaq nguta aming kuqto. Krai mren tsangshiq raq apaiq ka khobok mong kiiwa ra niishe tiidong hitto. Raüta tsangshiq raq akhum na liikiita jamlai ami atsi min ahü riito. Jamkhano ngukla apaiq raq akhum ka Shiikeawe ma kiinong kuqto.

DANIEL 6:27

Apaiq raq khupwongtlo kiimaq chhiikuqtlo; Apaiq raq ramungtan na nai mangjong hiq na, amao chang nai awang chang jaqshamtlo. Apaiq raq Daniel ka hangsikong nübok wa, tiikaq mak tiichhiikuqto.”

Mikha 7:7

Shatmaq, ngi kla, Tatiwe kli khetiikang. Ngi ka kamto maq Shiikeawe raq, mitiichhii kuq wan dongdii nguta asapha. I Shiikeawe raq ngi achu jaü mitre kuq.

Luke 1:37

Krai mren, Shiikeawe raq lot mak chang ngutiika, jamlai phan min ahü.”

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 21:13

Shatmaq, Paul raq tsangshiq ma, “Namtsam ka akha jamkho ngi rai tlan? Aho anyi trang lanta, i tsan ara tiibun baiq sha dan tlan? Ngi ka Jerusalem na shumraü kharü maq tiikha lamlamse li ka riimak! Tati Jesuq miitu, Jerusalem na atsai ma kham tiikang,” nguta tsangshiq bom ka treto.

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

2 Corinthians 1:10

Riita apaiq raq naishiq ka atinkhan atsai chang chamchao walü mong wa tiichhii kuqto. Kiimaq apaiq raq, jai miili jiimin tiikhup wongkuq wan ruq miraq. Kiimaq naishiq raq apaiq ma naishiq kamtsantsii ka thü wan kai she. Apaiq raq naishiq ka tiikhup wongkuq wanruq miraq nguta kamtiikai.

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

1 SAMUEL 17:37

Tatiwe raq ngi ka hangsikaü thun nai chapbikaü thun nübok wa tiichhiikuqto. Krai mren sii hali, ara Philistainwe jaq wiimin mitiichhiikuq!” Kiijiishe Saul raq treto, “Ahea ikhiijiiha. Kilaq. Tatiwe ümniirai asi miraq.”

1 SAMUEL 17:46

Ümchaü ranaiq akhing na, ümniika Tatiwe raq ijaq khon mong niishe mikiinong kuqbaiq. Ngi raq ümniika mitang ha. Lata ümkhupo ka mitap baiqha. Kiimaq, Philistainnok rewe maa thun ka wushikong nai rum ngam kong ma mitiiphaqha. Raüla mangjong maiqse wiitarü raq, Israilnok Shiikeawe ka asi dea nguta misap.