DANIEL 6:23 - ASII LAKDAP Bible (BSI)

²³ Hokhamwe ka pinthum khoqriiqto. Kiimaq Daniel ka khobok mong wa tiidong hitlo ronglaq nguta aming kuqto. Krai mren tsangshiq raq apaiq ka khobok mong kiiwa ra niishe tiidong hitto. Raüta tsangshiq raq akhum na liikiita jamlai ami atsi min ahü riito. Jamkhano ngukla apaiq raq akhum ka Shiikeawe ma kiinong kuqto.

Hawa Naga Bible 2001

²³ Hokhvmx waz kuex pinhtumc kokez vtueq Daniel kuex ghaqkhurx wawc tvdungc tvkoc nvr tueq. Tsuinghez rueq tvdungc het lot yix, Tishox muex tvluimc ningkhvnc nuex piq nuex raungluingx saz muinz mac tsac muq lvmz khiz wuez tueq.

DANIEL 6:23 Referencias Cruzadas

1 HOKHVMX 5:7

Hiram raq Solomon tsütsa kra lapraüta apaiq ka kai khoqriiqto. Kiimaq apaiq raq nguto, “Ümchaü ranaiq Tatiwe ka tiitsam ronglaq, apaiq raq Dawit ma apum songti ase taksmawe ka mungtan ajong pinthum kra peng wan miitu hokham ma shongto!”

1 KAÜWA WERAÜ 5:20

Tsangshiq kamtsantsii ka Shiikeawe ma kuqto. Raüta Shiikeawe jaq wa khrum lap miitu achu jaüto. Krai mren Shiikeawe riimin tsangshiq achu jaü ka treto. Raüta tsangshiq ma rekhat ka tiitang kuqto. Tsangshiq raq Hagraiqnok nai tsangshiq raq ashun renok ahin thun ka wiita tangto.

2 KAÜWA WERAÜ 20:20

Kriimaq napjai ranap na mungmaiqse ka Tekoa hiqshong tho na rumnyangkhi wang kiiniishe kihoto. Tsangshiq ka kiim tiido wan she kiijaq Jehoshaphat raq mungmaiqse ma akha trahoto: “Juda mungti nai Jerusalemti lei! Namshiq kamtsan tsü ka Tatiwe namshiq Shiikeawe ma thü rong laq. Hanla namshiq ka pharang rang maq michap han. Ashammibi raq namshiq ma jam lai wa chongkuqtaq kriima kamrong laq. Hanla namshiq raq mi ong han.”

Tvtsvmc 18:21

Ngi raq Tatiwe thungtri ka lang wan kang; ngi ka i Shiikeawe wokhong wa juho mang dea.

Tvtsvmc 37:40

Apaiq raq tsangshiq ka khrum kuqtlo kiimaq tiiwongkuqtlo; apaiq raq tsangshiq ka abi kloti jaqkhon wa tiichhiitlo, jamkhano ngukla tsangshiq mitiiwongkuq laq nguta tsangshiq ka apaiq phana watlo.

DUNGWVNC 18:9

Riita Jethro raq arthun tsütsa ka tai raüta apaiq ka kai khoqriiqto.

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

ISAIA 26:3

Tatiwe, ümniiraq hansang maq riimtlaü; jurwa tsangshiq miitung pharang rang thütlaq; raüta tsang kamtsantsii ümniima thütlaq.

DANIEL 3:17

Riita, ümchaü min, naishiq raq shomnoq tiikai Shiikeawe raq, naishiq ka ara watum mong wa michhiilot, kiimaq ümjaq khon mong wa mitiichhii lot jiika, apaiq raq mitiichhiikuq.

DANIEL 3:25

“Riita ikhiijiika, ngi raq maiq weblai jongri watum mong na akhumsea chhitiikang ahata?” nguta apaiq raq waito. “Tsangshiq ka khahü. Kiimaq tsangshiq khum na wakhiim tsi min ahü. Kiimaq weblai ngojawe ka rase ngochang chang ikha tiichhitlo.”

DANIEL 6:14

Riita, ümtiikiiwa hokhamwe raq kra taitaq, atsan ka kai bito. Kiimaq apaiq raq Daniel ka tiichhiike miitu lamlu ka kai shiikut raüta ritto. Apaiq raq raji rashe nyap wan na saüli, lamlu ritto.

DANIEL 6:18

Kra raütiishe, hokhamwe ka apaiq sichang hokhamwe jam niishe jang wanto. Raüta kra rawa ka rawa waru akon min konmak riito, kiimaq jamlai phan min phaqsiq mak, kiimaq laihin polosea chang phan kiimin klo mak maq riito.

Mark 9:23

Jesuq raq treto, “Tengto, ümniiraq Shiikeawe ma kam haü jiila! Ümniiraq kam haü jiila, phanrap milot haü!”

Hebrews 11:33

Tsangshiq raq, kamtsantsii maq, ara maiqmung ümchuwa sitlaq ka khat wanto. Raüta, tang wanto. Tsangshiq raq, jamlai wa tang tlaq lamlu ka, klo wanto. Krai mren, Shiikeawe riimin, tsangshiq jaqsham ka thukto dea nguta tre wanto. Kiimaq, apaiq raq jamlai wa mikuq ha nguta sinkham kuqtaq, kriika kuqto dea. Tsangshiq ka hangsi kong nübok kiidea min, aphup riibaiqto.