DANIEL 6:22 - ASII LAKDAP Bible (BSI)

²² Shiikeawe raq arase tiiki raüta hangsikong nübok ka wiita phupbaiqto. Krai mren tsangshiq raq ngi ka kaqlot mak riito. Apaiq raq akha tiikhup wongkuqtaq arka, apaiq raq ngi ka maiqsang nguta asap. Kiimaq Chao lei, ngi raq ümniima jammin ashut klo mang.”

Hawa Naga Bible 2001

²² Tishox rueq hangsic nuix htenc kuex puingc gay tvkoc vpiq raungkamx bix kuex tvkaz tueq ningkhvnc nuex ngaz tvthuiuz sac muq. Taungjix hokhvmx waz lex, ngaz kuex mvrax vguez nuiyc mnoz muex muinz yaq mauk kuex vpiq rueq tuiuz yaq ningkhvnc nuex vpiq rueq vkhoc shuimx wvnc tueq,” ngoz tueq tvralc tueq.

DANIEL 6:22 Referencias Cruzadas

RAPHA HIQWA LAK 40:15

Jamkhano ngukla, ngi ka naishiq Hibrunok mung wa maiq raq alap-ho. Kiimaq ara Ejip mung miimin, ngi raq thong na shaqli chang jamlai khü akha min tangmang shatmaq phaqtek na shaqtlo.”

2 SAMUEL 22:7

Chamchao mong maq Tatiwe hea kang; Ngi raq i Shiikeawe jaq wa khrum jaükang. Apaiq shomjam mong maq ngi ho trang taito; apaiq raq ngi hoqsii wan kang kra taito.

1 HOKHVMX 13:28

Krai mren apaiq ka kumtoq kaü thaq na ngaraüta kihoto. Raüta kra shammiwe maa ka lam na weraü chhihoto. Kiimaq kumtoq kaü nai hangsikaü kiimin kiijaq chap shat li lohoto. Hangsikaü raq kra maiq maa ka phaq mak dea. Kiimaq kumtoq kaü kiimin kaq mak dea riito.

2 KAÜWA WERAÜ 32:21

Krai mren, Tatiwe raq rase ashi tiikito. Raüta Asiria mungti phentu nai phentubi thun ka jiip baiqto. Krai mren she Asiria mung pengti ajong hokhamwe ka jeasi kongtam shi ho raü tiishe tsang mung na jang wanto. Raüta ranaiqshi apaiq ka aphra kaü shomjam na riito. Kriiwa asetiim wiijamti raq apaiq ka nepjasai maq sebaiqto.

Tvtsvmc 118:28

Ümniika i Shiikea, krai mren ngi raq ümniima kechu pahea tumtiikang; Ngi raq ümnaq jonglu kra chii riimlata michongha.

Tvtsvmc 26:6

Tatiwe lei, ngi raq ijaq ka kham maq ahea riikang ngi ka chiisan nguta tiichhike miitu lata ümnaq shomnoq berong-wacha tro na khumtiikang.

Tvtsvmc 31:14

Shatmaq ngi ka ümniima kamtiikang, O Tatiwe lei; ümniika i Shiikeawe.

Tvtsvmc 34:7

Apaiq rase raq Tatiwe shrengtibi ka kheshat tiiwongtlo kiimaq akhlaq chang wa tsangshiq ka tiichhiikuqtlo.

Tvtsvmc 38:21

Ngi ka naq tiishaübaiqkiq, O Tatiwe lei; alu na naq sikiq, i Shiikeawe lei!

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

ISAIA 3:10

Kechu maiqse thun ka chochikhiq miraq. Kiimaq tsangshiq miitu ka phanrap lam na ahea miraq. Tsangshiq ka tsangshiq jaq maq jamlai min wa shiiq wantaq kra tsingo ka chochikhiq maq miphaq siq wan.

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

JEREMIA 37:18

Kiijiishe ngi raq waikang, “Riita ngi raq ümniima, lo ümsengi ajong alabi ma, lo riimakla ara mungmaiqse ma, jamlai khü akha wa tangkang, ümniiraq ngi ka phaqtek mong na shaqli chang ka?”

DANIEL 3:28

Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.

DANIEL 6:20

Apaiq ka kiijaq saü wa raütiishe, kiinyiikhiq maq, “Daniel, atra Shiikeawe jaqshise lei! Ümniiraq apaiq rai tiipumtlii laüta shomnoq tlaü Shiikeawe raq ümniika hangsikong nübok wa tiichhiikuqto dea nya?” nguta Daniel ma riimto.

DANIEL 6:23

Hokhamwe ka pinthum khoqriiqto. Kiimaq Daniel ka khobok mong wa tiidong hitlo ronglaq nguta aming kuqto. Krai mren tsangshiq raq apaiq ka khobok mong kiiwa ra niishe tiidong hitto. Raüta tsangshiq raq akhum na liikiita jamlai ami atsi min ahü riito. Jamkhano ngukla apaiq raq akhum ka Shiikeawe ma kiinong kuqto.

DANIEL 6:4

Kiijiishe ngongwebi nai wanghuptibi raq Daniel tiideabaiq miitu, apaiq raq mung peng wan jaqsham tlaq kiijaq apaiq tiishut chang lampu she ritto. Shatmaq tsangshiq raq hummak dea. Jamkhano ngukla Daniel ka maiqkam sea chang kiimaq apaiq raq jamphan niimin shutphit mak kiimaq arot akiq klomak phan.

DANIEL 6:7

Naishiq tarü, ümmungtan kra pengti ngongwebi, wanghuptibi, wanghupti jaqthütibi, kiimaq ahin siihiipjongbi tarü kiqshi maq rilaita, bom ka akha riichong kai. Chaü lei, ümniiraq aming ashi tat laq. Laüta kra aming ka atsin maq mungmaiqse tarü raq lang raa nguta aming tat laq. Raroqtsam liipan na ümniika tlea raüta, maiq juwe riimin laihin phra shiikea jaq wa riimakla, maiq ahinti juwe jaq wiimin, achu jaü maimak. Jurwa ara aming jin jiiq, kriiti ka hangsikong bumchang khok mong kiijaq tiidea baiq ratlo.

Mikha 7:7

Shatmaq, ngi kla, Tatiwe kli khetiikang. Ngi ka kamto maq Shiikeawe raq, mitiichhii kuq wan dongdii nguta asapha. I Shiikeawe raq ngi achu jaü mitre kuq.

WEAWEA 20:16

Kiimaq naishiq ka Tatiwe man na khrum jaü hoqtrangkai. Apaiq raq naishiq hotrang ka taito. Raüta naishiq khrumti rase ashi tiikito. Apaiq raq naishiq ka Ejip mung wa tsuq wanto. Ümchaü naishiq ka Kadesh wang na. Üm mung hiqrai tho chela na.

Matthew 27:46

Raji nari tsam tin khan niishe Jesuq ka tiihong raüta, “Eli, Eli lema sabakthani?” nguta gito. Kra liichum ka, “I Shiikeawe lei, i Shiikeawe lei, ümniiraq ngi ka jam nguto tiishaü baiq laü?” nguta ngo riito.

Acts 12:11

Kiijiishe Petar raq apaiq ka rase raq phaqtek mong wa tiidong kuq wanto dea ngutiishe tsang wanto. Kiimaq atsan na akha bomto, “Ngi ka ümchaü tiq tsang tiikang! Arka riisham makchhi ka riimak dea. Riikhaqli rawümi jaqsham dea. Shiikeawe raq apaiq rase ka tiiki raüta, ngi ara Herod kharü mong wa tiichhii kuq wanto. Kiimaq Jehudinok raq, ngi ka pinthum mitiichamchao rong i nguta thiikho athu kra mong wa tiichhii kuqto.”

Acts 24:16

Riita, ara kam tiikang arai mren, ngi raq, i tsan i tsii ka khangriri hea maq, ranaiqtek Shiikeawe man na nai maiqse man na, athuk atsom maq shiiting shrai lata siwan miitu shiikut chaq tiikang.

Acts 27:23

Ara jamkhano chongtiikang ngukla, ümwa rawa ngi raq shomnoq tiikang Shiikeawe rase ashi ka ngi phana kito. Kiimaq ngi ma bom ka akha chongkuqto,

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

Hebrews 11:33

Tsangshiq raq, kamtsantsii maq, ara maiqmung ümchuwa sitlaq ka khat wanto. Raüta, tang wanto. Tsangshiq raq, jamlai wa tang tlaq lamlu ka, klo wanto. Krai mren, Shiikeawe riimin, tsangshiq jaqsham ka thukto dea nguta tre wanto. Kiimaq, apaiq raq jamlai wa mikuq ha nguta sinkham kuqtaq, kriika kuqto dea. Tsangshiq ka hangsi kong nübok kiidea min, aphup riibaiqto.

1 SAMUEL 17:37

Tatiwe raq ngi ka hangsikaü thun nai chapbikaü thun nübok wa tiichhiikuqto. Krai mren sii hali, ara Philistainwe jaq wiimin mitiichhiikuq!” Kiijiishe Saul raq treto, “Ahea ikhiijiiha. Kilaq. Tatiwe ümniirai asi miraq.”

1 SAMUEL 26:18

Kiimaq Dawit raq, “Chaü lei, riita ümniiraq ngi ümjaqshise arka ümchaü niitaq tiikot mrot ka jam lai nguto josiqho laü? Ngi raq jamlai phan wa tiibiti kang? Ngi raq jamlai phan khü akha wa tang kang?