Hosea 2:9 - ASII LAKDAP Bible (BSI) Arningkhan ümchaü ngi raq, itii itsam apaiq ma ashiiman kuqha kra, akhing hongto angu na alam she mirwan nongha, kiimaq skurai nai raihi-nairai thun, akhea taqsam chang, kra wiita milam wan ha. Hawa Naga Bible 2001 Kvkhoc rvtueq tsvmz yut jauz ngvy yauk noalc htenc rvtueq tuiz vtsvmz nuiyc svpiq tix, piq rueq svmx yaq khoz vkhvy tvkoc ngaz rueq kuq tauk khelbuenx mul nuiyc ruiynyel khvy htenc kuex tvyez lvmz wvnc yek shaungx. |
“Ümchaü sanha, Ngi raq ümniima mo tiiho miitu ijaq ka ra niishe dotiikang. Kiimaq ümnaq rii achu shiiman ümchuwa sitlaq kra wiita she milam wanha. Ngi raq ümniika ümnaq ngengti kiimaq üm sethoq jaqsham kra chhi raüta pinthum saisi wanti Philistainnok jaq na kiinong kuqbaiq wan kang.
Ngi raq ümniika tsangshiq jaqkhon mong niishe mikiinong kuqbaiqha. Kiimaq tsangshiq raq ümnaq mephe jawan chang jam thun nai sumla phra shomnoq wan laü jam thun ka wiita mitiithen baiq wan. Tsangshiq raq ümkhea thun kra nai huru longseng laktum thun kra wiita minyea wan. Raüta ümniika naiqhü ma she mibaiqthü.
Tsangshiq raq ümdü wa ümkhea thun michai baiq. Raüta ümlongseng laktum thun kra minyeaho.
“Siria mung hokhamwe ka tsang mung na hali mijang wan nong. Raüta aphenlabi ka kongkhulak wa kriithaq niimin achan pahea she hali mirchom nong. Raüta akhing hongtoshe angu na, apaiq raq asengi phenlabi ka kongkhulak na sheahotaq kriithaq na apa, pahea she sheaho raüta, kiimaq rekhat chang hupsam chamtraq hoho raütiishe rekhatkai mijangki nong.
Kiimaq apaiq mephe ja ka tsaqmak, jaruq li ja raü la, ngi raq anaiq ka wiita chhut baiq lata, kheahü miishe, anyung wok mong maq, rawiichhi ranaiq na kheahü riitaq, kiikha anaiq ka michhut baiqha. Ngi raq apaiq ka wakram shinram shinriiq kealoklok, jamlai chhijang wanchang min riimak ikhiishe, mishthen baiqha. Raüta apaiq ka akhamnyangtsi raq mitsai.
Tsangshiq raq alai ka rahai na wan wanto. Krai mren, rathaiq rahai tsi she mijut wan! Piiwong rü ka atsi ango ahü, ajaq lamlam li chaptlo. Tsingo wan raüli jiimin, Pongmungti riili michiiq phaq wan.
Shatmaq jaqlo liipan niili, namshiq tsamtiip na tsam ka ahü she miraq. Olip petsi tiikitchang min ahü she miraq. Kiimaq namshiq nyangchang chenye kiimin ahü she miraq.
Jursap namshiq Tati Shiikeawe raq, apaiq tsantsii kiiwa klai wan jiiq riila, Raüta namshiq ka rongboq jawan miitu, ramram jaqsham misham kuq wan. Kriishe nguraü ka namshiq raq apaiq ma, tü atsam honglu mikuq wan han.
Tsangtsiiq tsang-nyam tum thun, wiita mirun wan; tsangshiq jam thun kiimin, wiita mitiithen baiq; tsangshiq raq jamhai tlaq kiijiimin, silumak miraq. Kiimaq spiqro chhi tlaq kiimin, spiqtai nyanglu mak miraq.”
Kiimaq Esau saüsetiim, Edom mungti raq, “Naishiq hiqshong chela thun wiita shiithen baiq wanto. Shatmaq naishiq raq atiihea mirnong hai,” nguta tsangshiq raq mingu. Kiijiishe, Tatiwe raq hali mitre nong, “Tsangshiq raq bamtiihea laq. Ngi raq tsangshiq chela thun ka thongshi ri hali mirun baiq nongha. Kra chhi raüta nanok ahinti raq, ‘Armungti ka abi. Tsangshiq rai ka Tatiwe tsankhiq ka pattup siruq li miraq,’ nguta mirchong.”
Isenginok raq thongshi ri hali, kechu maiqse nai ashut maiqse, jurwa ngi shomnoq tlaq kiimaq jurwa ngi shomnoq mak, kra liipan na ahea abi trairii wan tlaq kra tsangshiq raq mak michhi wan,” nguta Tatiwe raq ngutlo.