MALAKI 1:4 - ASII LAKDAP Bible (BSI)

⁴ Kiimaq Esau saüsetiim, Edom mungti raq, “Naishiq hiqshong chela thun wiita shiithen baiq wanto. Shatmaq naishiq raq atiihea mirnong hai,” nguta tsangshiq raq mingu. Kiijiishe, Tatiwe raq hali mitre nong, “Tsangshiq raq bamtiihea laq. Ngi raq tsangshiq chela thun ka thongshi ri hali mirun baiq nongha. Kra chhi raüta nanok ahinti raq, ‘Armungti ka abi. Tsangshiq rai ka Tatiwe tsankhiq ka pattup siruq li miraq,’ nguta mirchong.”

Hawa Naga Bible 2001

⁴ Esaw suiuz vsaz phvnx Edom miqsaz rueq, “Naungshiq ghaq htenc kuex tvbac gay tueq, yuq muinz naungshiq rueq guirx yek vshix,” ngoz tueq mkhoc shoc maq jungx ruiux yuq, Yehowa rueq, “Tsuingshiq rueq m-guirx yek shueq, kvruex htenc kuex ngaz rueq httak tvrul gay shaungx. Miq htenc rueq tsuingshiq muex ‘Honc vbac mungtan’ nuiyc ‘Yehowa pattup khaq yaq miqphvnx,’” ngoz tueq ngoz shuex.

MALAKI 1:4 Referencias Cruzadas

YOBA 12:14

Maiqse rilung ka Shiikeawe riishe siiqbaiq raü ka jurshe wa mihaihun lot, kiimaq Shiikeawe riishe maiqse ka thong na shaqbaiq raü jaq jurshe wa mitiidong kuq lot?

YOBA 34:29

Kiimaq Shiikeawe riishe brorii mang nguta thapthi hotaq jiika, juro apaiq ka mithuchopki lot.

YOBA 9:4

Shiikeawe ka pinthum taksma kiimaq ningkun jonghea; apaiq man na jumin chaplot mak.

Tvtsvmc 127:1

Tatiwe raq jamkun haimak raüla, jamhaitibi raq haitlaq ka atuli miraq; Tati raq chela ka tiiwongkuq mak raüla, kintsongtibi raq kheraü min amiili miraq.

Tvtsvmc 137:7

Tsan na tiitsanglaq, Tatiwe lei, Edom mung raq Jerusalem ka re raq jiiwantaq ranaiq jamlaiwa riita. Tsan na tiitsanglaq akha slaito. “Runbaiq ronglaq hiqrai shotbaiqtlii!”

Tvtsvmc 33:10

Tatiwe raq maiqmung thun raq kiimung wantlaq kra tiibibaiqtlo; apaiq raq tsangshiq jaqsham sürii wantlaq thun kra tiisham mak tangtabaiqtlo.

TAKSU LAK 21:30

Tatiwe raq ümniishe ngengho raüla, maiqse taksu tsii, nyan phaqchi, taksma tsii thun ka ümniima amiinu ahü.

ISAIA 10:4

Namshiq ka re na mitsaihan. Riimakla namshiq ka pongmung na munglu shumwi ma mihit wan. Kiitinkhan taü miimin Tati tsankhiq ka shimakli riishat shat miraq. Apaiq jaq ka ra na doshat namshiq ma motiiho miitu kheshat miraq.

ISAIA 11:14

Tsangnai wiita adam na pong raüta shenyap mung nü wa Philistain mung kra mikhat. Kiimaq shedong mung na sitinok kra khat raüta tsiiq nai nyam ka mirut wan. Tsangshiq raq Edom mungti nai Mob mungti kra mikhat. Raüta mitang. Kiimaq Ammon mungti ka tsangshiq puk na minyap wan.

ISAIA 34:10

Kriika ranaiq rawa nyai wan ruqli she minyai wan. Kiiwa wakhuk mong wan ka pattup mong wanruqli she miraq. Kra mung hiqraikhü ka maiqpat patshi maq riita patshi na athen she mirki. Kra lam maq wanwe ka jumin khumki mak she miraq.

ISAIA 34:5

Tatiwe raq anep jasaikaü ka ramungtan maq tiije thüto she. Kiimaq ümchaü sanha kriiraq Edom mung ka mijiipbaiq. Maiq thun ümchuwa apaiq raq tiishutbaiqtaq thun kra mijiipbaiq.

JEREMIA 31:17

Rawiichii miitu ümniima aran chang asi; ümsetiim ka jam na mijang wan nong. Arka Ngi, Tatiwe raq toqtan tiikang.

JEREMIA 49:20

Arningkhan Ngi raq Edom mungti tiithenbaiq miitu mat kha toqtan wankang kra tiitsang tairong laq. Kiimaq Teman chelati tiithen baiq wan miitu toqtan wan kang kra tai rong laq. Tsangsetiim nonosetiim kra dongdii min wiita mihit phaqho. Krai mren, maiqse angu kunli ka phiip raq mitsai.

JEREMIA 49:7

Tati Ningkun Ajongwe raq Edom mung miitu akha nguto: “Edom mungti raq tsang khutsai wa lairap ahea abi shinron tsii ka atiimo she sha riibaiqta? Tsangshiq danhonketi aki miikiimbi thun raq tsangshiq ma tsii chongkuq tsü mak she sha? Tsangshiq taksu phaqchi ka wiita amo she sha riikita?

JEREMIA 49:8

Dedan chelati lei, pin ronglaq. Lanta jurong laq! Tiipaü rong laq! Ngi raq Esau saüse phan ka wiita she mitiithen baiqha. Ngi raq tsangshiq ma mo tiiho akhing ka saü wato she.

JEREMIA 5:17

Tsangshiq raq namshiq tü atsam nai tsamtum thun ka wiita miphaq siq wan. Tsangshiq raq namse maiq wese kong thun nai jechak sekong thun kra wiita mijiip baiq wan. Tsangshiq raq namshiq nyamsekong skukong nai chhechhi minsaü kong thun wiita mijiipbaiq. Kiimaq namshiq spiqro thun nai phupmupro thun kra wiita mishthenbaiq. Namshiq kamsea chang kiitelong maq trotam maq rukje chela thun ka tsangshiqnok phenlabi raq mitiithenbaiq.

AJONJÜ 3:37

Tatiwe raq thapthi tlaq kriili, wranaiqtek klo wan tlo.

EJEKIEL 11:10

Krai mren, namshiq ka nam mung na re raq khat raüta mijiimhan. Kiijiishetiq maiq loweatek raq Ngi ardea Tatiwe ngutiishe misap.

EJEKIEL 25:13

Ümchaü Ngi raq Edom mung ma mo mitiihoha nguta bom ka tiitaitiikang. Lata kiijaq siti maiqse kiimaq nyamse thun loweatek mijiipbaiqha. Ngi raq kra mung ka Teman chela maq phaho lata Dedan chela na saüli botkhulai rai mishot baiqha kiimaq maiq nai nyamse thun ka re ma wiita mitiijiipbaiqha.

EJEKIEL 25:14

Isengi Israilnok raq iphuk lam Edom mung ka mikhat baiq. Raüta tsangshiq raq Edom mungti ma itsankhiq walü hengtlaq kra mitiisap kuq. Edom mungti raq i phuk lam walü nyai raq khiim kriishe misap wan.” Arka Tati Rakaü Hiqwe raq toqtanto.

EJEKIEL 26:14

Ngi raq long kaü raikhü kli she mitiichong thüha. Kiijaq ngiq lamtinok raq tsangshiq chiiq ka rashekii na mitiiwe lam. Kra chela ka ümtiikiimin thongshi haiki nong mak she miraq. Arka Ngi, Tati Rakaü Hiqwe raq toqtan tiikang.”

EJEKIEL 35:4

Ngi raq ümchela thun ka botkhulai rai mishot baiqha; Kiimaq ümmung ka chongthum ma mitiijabaiqha. Kiijiishetiq ümniiraq Ngi ardea Tatiwe nguta misap haü.

EJEKIEL 35:9

Ngi raq ümniika pattup pat-sa hiqmiq changkhü ma mitiija baiqha. Kiimaq ümchela thun na maiq ka jumin siki nong mak she miraq. Kiijiishetiq ümniiraq, Ngi ardea Tatiwe nguta misap haü.

AMO LUIK DVP (AMOS) 1:11

Tatiwe raq ngutlo, Edom mungti raq atang wan ngarai ma, hiq ma ra ma she tangwanto. Arningkhan ngi raq tsangshiq tiijoq mang. Jamkhano ngukla tsangshiq raq, tsangphuno Israilnok tiikot mrot joraüta, wiita tsat wanto. Tsangshiq tsankhiq wa maq, chaq wan ruq chaq wanto.

AMO LUIK DVP (AMOS) 3:15

Kiijahali, ngi raq diwinji jam nai, Ralamji jam kiimin, wiita mirunbaiq ha. Lata, chiiwi jam nai jamjong wiita, mirun baiqha,” nguta Tatiwe raq chongtlo.

AMO LUIK DVP (AMOS) 5:11

Miitsan miijanti nanshanshan riiwan, tsangshiq tsamte nyeasiq wan. Arningkhan kiitelong jam hai lan, kiijaq namshiq silu man. Nam spiq tsiro tsomhea, shatmaq spiqtai nyanglu man she mirhan.

AMO LUIK DVP (AMOS) 6:11

Liironglaq, Tatiwe raq aming kuqtlo. Jamjong kaütiim thun ka bunlak buncha mibuk baiq. Jamransetiim thun ka apun min ahü mishthen baiq.

AMO LUIK DVP (AMOS) 6:2

Kalne chela kra liiwa rongkiq, lanta kriimaq Hamath chela jonghea kra, liiki rongkiq. Lanta Philistain mung na Gath chela kra, liiki rongkiq. Riita armung thun thaq na Israil mung nai Juda mung ka, holi ajong chiithe shea? Israil mung nai Juda mungti hiq ka armungti thaq na, ajong lin shea?

Obadia 1:1

Arka Ajong Thaq Na Ajong Pinthum Tatiwe raq Edom mungti miitu shammiwe Obadia ma atiichhikuq riisham bomchong. Tatiwe raq atsasoqti weshi mangjong hiq thun na tiikito. Naishiq raq apaiq tsütsa ka akha taikai: “Chap rong laq, singmung maiqse lei! Edom mung kra khatki rong i!”

Obadia 1:10

“Jamkhano ngukla ümniiraq, Jakob saüse thun ka khat laüta, jiipbaiq laü. Ümniika mitiijiipbaiq, raüta pattup miitu jea mingaü haü.

MALAKI 1:3

Kiimaq Esau nai asaü asetiim ka ashulii riiwan kang. Ngi raq Esau hiqshong ku akin ka tiithenbaiq wan kang. Lata tsanghiqshong rahai kra miikakoi ma kuqbaiq thükang.”

Matthew 12:30

“Juwa ngi rai pong mak, kriiti ka ngi ngengti. Jurwa ngi rai adam maq maiqse ka Shiikeawe wokhong na shun shea wan dam mak, kriiti raq maiqse ka alu na khoti jobaiq wan tlo ngushat.