MALAKI 1:3 - ASII LAKDAP Bible (BSI)

³ Kiimaq Esau nai asaü asetiim ka ashulii riiwan kang. Ngi raq Esau hiqshong ku akin ka tiithenbaiq wan kang. Lata tsanghiqshong rahai kra miikakoi ma kuqbaiq thükang.”

Hawa Naga Bible 2001

³ Esaw nuiyc piq suiuz vsaz phvnx htenc kuex shuiuc vshaungx. Ngaz rueq Esaw httax yaq kuz hong kuex kuiyqshuik kuiyq khvmx tvyaungc gay ruiux, kvruex ghaq vraungx kuex yaruix guyhex muex lekuq gay tauk,” ngoz tueq tvralc tueq.

MALAKI 1:3 Referencias Cruzadas

RAPHA HIQWA LAK 25:23

Tatiwe raq apaiq ma chongto, “Ümwok na maiq mung anai sitlo; Ümniiraq ümse nai anai mihum haü, tsangnai ka riilong riiliiq mung anai miraq. Mungshiti ka mungshiti thaq na ningkun aheng lin miraq; Aphuwe raq anowe ka mishiili.”

ISAIA 35:7

Kumtsaiphii wang wake ikha khiimtlaq thun ka, nongtham chum kaü miishe mija wan. Kiimaq shinram shinriiq wang ka tsiimseraisetiim tonglong she midong wan. Miikakoi kong sichang hong ka, boq thamchum nong thung miishe mija wan, raüta sangphii rü nai tingjang ro tonglong she midong wan.

JEREMIA 49:10

Shatmaq Ngi raq Esau saüse phan ka tiisiirai she rutbaiq kang. Kiimaq tsangshiq tiipaü shanchang hiq ba thun kiimin wiita she khea baiq kang. Krai mren tsangshiq tiipaü chang ka ahüshe. Edom mungti tlotli jiipbaiq wanto. Weshi ra dongdii min tiichong mak she.

JEREMIA 49:20

Arningkhan Ngi raq Edom mungti tiithenbaiq miitu mat kha toqtan wankang kra tiitsang tairong laq. Kiimaq Teman chelati tiithen baiq wan miitu toqtan wan kang kra tai rong laq. Tsangsetiim nonosetiim kra dongdii min wiita mihit phaqho. Krai mren, maiqse angu kunli ka phiip raq mitsai.

JEREMIA 49:33

Hajor ka Ngi raq pattup miitu botkhulai rai mishot baiqha. Kiijaq miika koi kongli she misi, maiq ka siwa mak she miraq. Arka Ngi, Tatiwe raq toqtan tiikang.”

JEREMIA 49:7

Tati Ningkun Ajongwe raq Edom mung miitu akha nguto: “Edom mungti raq tsang khutsai wa lairap ahea abi shinron tsii ka atiimo she sha riibaiqta? Tsangshiq danhonketi aki miikiimbi thun raq tsangshiq ma tsii chongkuq tsü mak she sha? Tsangshiq taksu phaqchi ka wiita amo she sha riikita?

JEREMIA 49:8

Dedan chelati lei, pin ronglaq. Lanta jurong laq! Tiipaü rong laq! Ngi raq Esau saüse phan ka wiita she mitiithen baiqha. Ngi raq tsangshiq ma mo tiiho akhing ka saü wato she.

JEREMIA 51:37

Kra mung ka hiqmiq changkhü miishe mijaki. Kiijaq rumngam phongli she misi wan. Kriika aliilot chang riimak miraq. Maklii jai na tiijang phat miraq. Kiijaq maiq ka simak she. Kiimaq kra mung ka chhiti maiqse kunli ka phiipraq mitsai.

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

AJONJÜ 4:22

Jajon chela raq apaiq ngarai tham ka, athii tsinhea maq dokda wanto, Tatiwe raq nashiq ka pongmung na, shumwi ma rahiq luhea tiisimak she. Shatmaq Edom mungti lei, Tatiwe raq namshiq ka mitiichamchao. Apaiq raq ümngarai bu ka, wiita mitiichhikuq wan. Raüta mitiichamchao wan.

EJEKIEL 36:7

Ngi, Tati Rakaü Hiqwe raq, atiitum lata ngutiikang atro na siti maiq mung thun raq jea ka mingaü dongdii.

EJEKIEL 36:9

Ngi ka namshiq rai pongdam tiikang. Ngi raq namshiq wak thun kra shamsea miitu lam midi kuqha. Tü atsam kra mitiijangha.

Yoel 3:19

“Kra akhing na Ejip mung ka athenshe mirki. Raüta kumtsaiphii miishe mijaki. Kiimaq Edom mung ka wiita athen mirki. Raüta hiqmiq changkhü miishe mijaki. Jamkhano ngukla tsangshiq raq, Shiikeawe sengi Juda mungti khatto. Raüta tsangshiq maiqsang mungmaiqse, pahea jiipbaiqto.

Obadia 1:10

“Jamkhano ngukla ümniiraq, Jakob saüse thun ka khat laüta, jiipbaiq laü. Ümniika mitiijiipbaiq, raüta pattup miitu jea mingaü haü.

Luke 14:26

“Juwa i jaqshi ma jawan ro tlaq, kriiti raq ngi ka anyung nai awe, achak nai asetiim, aphu nai anotiim, ashea nyungtiim, kiimaq apaiq khum thaq niimin, ngi ka apa lungwii mak jiila, apaiq ka i jaqshise ma jawanlot mak.