MALAKI 1:2 - ASII LAKDAP Bible (BSI)

² Tati raq asenginok ma ngutlo, “Ngi raq namshiq wranaiqshe lungwii wan kang.” Shatmaq tsangshiq raq, “Ümniiraq naishiq ma lungwiitsii ka jamkho tiichhikuq laü?” nguta waitlo. Kiijiishe Tati raq tretlo, “Esau nai Jakob ka siphu. Shatmaq ngi raq Jakob nai asaü asetiim ka lungwii wan kang.

Hawa Naga Bible 2001

² Yehowa rueq vpiq miqsaz htenc muex, “Ngaz rueq nuimshiq kuex mkaq muinz lungwawx phaungx,” ngoz tueq jungx tueq. Yuq muinz tsuingshiq rueq, “Nuiyshiq muex mlungwawc kuex mkhoc maq lac tvkhic wvnc tonx?” ngoz tueq tvralc tueq. Yehowa rueq, “Esaw nuiyc Yaku kuex saqphuz rvtueq, yuq muinz ngaz rueq Yaku nuiyc piq suiuz vsaz phvnx htenc dvyx lungwawx tauk,

MALAKI 1:2 Referencias Cruzadas

RAPHA HIQWA LAK 25:23

Tatiwe raq apaiq ma chongto, “Ümwok na maiq mung anai sitlo; Ümniiraq ümse nai anai mihum haü, tsangnai ka riilong riiliiq mung anai miraq. Mungshiti ka mungshiti thaq na ningkun aheng lin miraq; Aphuwe raq anowe ka mishiili.”

RAPHA HIQWA LAK 25:25

Aphutiwe sham ka shiicham cham riito. Kiimaq ahan ka kheabin samtong kaü asam ikha abin pahea riito. Kra ningkhan no ka Esau nguta mangto.

RAPHA HIQWA LAK 25:26

Kra jai wa no ka Esau hokphi ka phataqtaq khon raüta dongkito. Kra ningkhan apaiq mang ka Jakob nguta mangto. Ara ase nai rawiichhi akhing na Isak ka wiiroqtrok maiq she riito.

RAPHA HIQWA LAK 27:33

Kiijiishe Isak ka atiikhai she riihoto. Raüta ahü ahan ka wiitashe tiikhai wanto. Kiimaq apaiq raq waito, “Riita ngam lamki raüta ngi ma ngamja lamke wanti irka juwa? Ümnaq misaü wa shaq na ngi raq aphaq kun she. Lata ngi raq apaiq ma atiithum achu shiiman ka kuq kang she. Krai mren kra achu shiiman ka pattup pat-sa apaiq miilishe miraq.”

RAPHA HIQWA LAK 48:4

Apaiq raq ngi ma akha nguto, ‘Ngi raq ümniima ümsetiim ka pahea mikuq kang. Krai mren ümsaü ümsetiim ka maiq phan pahea ma mipu wan. Ngi raq armung ara ümsaü ümsetiim ma pattup pat-sa tsangshiq tachong hupsam miitu mikuqha.’”

1 HOKHVMX 10:9

Üm Tatiwe üm Shiikeawe kli tiitsam i! Apaiq ka ümniima kai khoqriiqtlo, kriikha maq ümniika Israil mung thaq na hokham ma shongto. Jamkhano ngukla apaiq raq Israilnok mangchan tlaq kriika pattup pat-sa thumki mak phan. Krai mren apaiq raq ümniika tsangshiq hokhamwe ma shongto. Kriika ümniiraq mungmaiqse ka riikhaqli tri kappe maq shiiting shrai milang wan laq nguta shongto.”

2 HOKHVMX 3:8

Riita ümriilam maq kilaita khatkai chang wa miraq?” nguta tiichong wanto. “Nashiq ka lam alu nü Edom mung wa kumtsaiphii tan lam kiimaq miki rong i,” nguta Joram raq treto.

ISAIA 43:4

Ngi raq maiq mung ashi wiimungtam, ümkhum dokda miitu mikuqbaiqha. Jamkhano ngukla ümniika Ngi ma pinthum rahea, kiimaq Ngi raq ümnaq lungwiitiikang, kiimaq ümniika shreng tiikang.

ISAIA 63:1

“Edom mung wa Bojra chela maq waraitlaq ka juwa? Ara kheashii miirii sam raü arang ajong kiimaq ningkun ajong ho raüta warai tlaq ka juwa?” “Arka Tatiwe, ningkun jonghea hoti tiichhiiketi, apaiq raq rekhat tang kangshe nguta tsütsa tiitaikai kitlo.”

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

JEREMIA 2:5

Tatiwe raq akha ngutlo: “Namtitiim raq ngi tiishutphit chang mra jamlai wa humta? Tsangshiq ka iwokhong wa jam nguto juhota? Tsangshiq raq thiihü sumla phra thun noqto; raüta tsangshiq kiimin thiihü ma jakito.

JEREMIA 31:3

Ngi ka luhea maq tsangshiq rai sham riichhiki kang. Israilnok lei, Ngi raq namshiq ka wranaiqshe lungwii wankang. Kra ningkhan, Ngi raq namshiq ma imangchan ka tiipitmang phan maq tiichhi kuqtiikang.

AMO LUIK DVP (AMOS) 1:11

Tatiwe raq ngutlo, Edom mungti raq atang wan ngarai ma, hiq ma ra ma she tangwanto. Arningkhan ngi raq tsangshiq tiijoq mang. Jamkhano ngukla tsangshiq raq, tsangphuno Israilnok tiikot mrot joraüta, wiita tsat wanto. Tsangshiq tsankhiq wa maq, chaq wan ruq chaq wanto.

MALAKI 2:17

Namshiq bomtsi kriimiili Tatiwe ni tiibiili bom tlan. Shatmaq namshiq raq, “Naishiq raq apaiq ni ka jamkho tiibiibaiq kai?” nguta ngutlan. Namshiq raq, “Tati Ningkun Ajong Pinthumwe miika ümchuwa ashut kloti wiita ka ahea siisaq. Riikhaqli miika, Tatiwe apaiq miika apeowiqli,” nguta ngutlan. Riimak la namshiq raq, “Riita, tingting Shiikeawe ka ümbano?” nguta bom lanta Tatiwe ni tiibii tlan.

Luke 10:29

Shatmaq, Thungtri shrinketi we raq, apaiq ra lap ma bom ka akha waito, “Riita, i jamthoti ka juwa?”

John 15:12

Riita ngi raq namshiq ma aming kuq tiikang bomtsi ka ara: Ngi raq namshiq jamkho lungwii tiikang, kiikhiisii, namshiq liipan niimin, riilung riiwii si ronglaq.

TRI CHONGKE 10:15

Shatmaq namtitiim miitu Tatiwe lungwiitsii ka pinthum jonghea kha maq, nanok maiq mung ahinti ka tsea wan la na apaiq raq namshiq ka tseatsiiq wanto. Krai mren, ümchaü li jiimin namshiq ka apaiq raq atsea wan asenginok sitlan.

TRI CHONGKE 23:5

Shatmaq Tatiwe üm Shiikeawe raq Balaam bom ka tremak riito. Kra rii na Shiikeawe raq Balaam manson ka ram ram ke ma tiija baiqto. Jamkhano ngukla apaiq raq ümniika lungwiitlo.

TRI CHONGKE 33:3

Tatiwe raq asenginok lungwiitlo, kiimaq awokhong na siti ka khup wong kuqtlo. Kra ningkhan nashiq ka ajichong na bumtiikai kiimaq apaiq aming thun kra langtiikai.

TRI CHONGKE 4:37

Apaiq raq namtitiim kra lungwii kha maq, apaiq raq namshiq ka tseatsiiq wanto. Kiimaq apaiq ningkun aheng kriimaq apaiq raq apumsii maq kiraüta namshiq ka Ejip mung kriiwa tsuq wanto.