Hosea 2:10 - ASII LAKDAP Bible (BSI)

¹⁰ Lata Ngi raq apaiq ka akongtiwetiim makki na, adü wa akhu akhea thun ka chhut baiq lata, apaiq ka naiqhü she mitiingaha. Kiimaq kra akhing na apaiq ka ijaqkhon mong wa juwe riimin tiichhiikuq lot mak she miraq.

Hawa Naga Bible 2001

¹⁰ Ngaz rueq piq rvlungwawc yaq hez htumc nuex sawkumx put gay shaungx, uraq muinz piq kuex ngvy luimc vkawc mungx wawc palc wvnc lot shuex rvmuq.

Hosea 2:10 Referencias Cruzadas

2 KAÜWA WERAÜ 24:7

(Athalia, ashut nyung kra sengi raq Shomjam ka tiithento. Kiimaq asii hupsam thun pahea ka Baal phra shomnoq ma langto.)

Tvtsvmc 50:22

“Ara tai ronglaq, namshiq ngi shipoqtibi raq, riimakla ngi raq namshiq ka mishthen baiqha, kiimaq namshiq tiichhiiketi ka jumin ahüshe miraq.

TAKSU LAK 11:21

Kamto maq khelaüta silaq, ajiq kloti ka mitsa sha wan dongdii. Shatmaq kechu maiqse ka, khup wongkuq shat miraq.

ISAIA 3:17

Shatmaq Ngi raq tsangshiq ma mo she mitiihoha. Ngi raq tsangshiq khupo ka loktam misibaiqha. Lata kealoklok she mithüha.”

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 13:26

Tatiwe apaiq jaq maq ümkhum wa khu akhea ka michhut baiq. Raüta ümniika naiqhü maq jea mitiingaü.

EJEKIEL 16:16

Kiimaq ümniiraq ümkhea wiijam ka lam laüta sumla phra thun shomnoq chang jam thun kra tiimmiikhiiq wan laü. Laüta ümkhum ka mephe nyung ikha maiq juwa ümphana saü watlaqti kriiti loweatek rai kiicham wan laü.

EJEKIEL 16:19

Ngi raq ümniima phaq nai sea ahea pinthum bunwong win, olip tai kra kuqkang. Kiimaq ngiq ngu ahea pinthun kra ümniima kuqkang. Shatmaq kriithun ka ümniiraq sumla phra thun jaq wa achu shiiman lap wan ma nguta honglu na kuq wanlaü.” Arka Tati Rakaü Hiqwe raq ngutlo.

EJEKIEL 23:29

Kiimaq tsangshiq raq ümniika ngengtlo, kra ningkhan tsangshiq raq ümjaq wa ümchuwa tsiiq nai nyan tum rümtlaü thun ka wiita mitsuq wan, raüta ümniika naiqhü ma she mephe nyung ikha kheahü ma mibaiqthü. Ümsethoq ja sükhatsi nai üm mephe ja rilung riishe

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

Hosea 13:1

Tatiwe raq ngutlo, “Man na richü pat na Ephraim phan raq, bom poshi chongraüli Israilnok maiqphan ahinti ka, aphiip ajiip khakii wali riitlo. Mungmaiqse ka Ephraim phan ma tlam raütli siwanto. Shatmaq Ephraim phan raq ngarai tang wanto. Tsangshiq raq Baal phra shomnoq wanto. Arkha na tsangshiq ka atsai she miraq.

Hosea 2:3

Kiimaq apaiq mephe ja ka tsaqmak, jaruq li ja raü la, ngi raq anaiq ka wiita chhut baiq lata, kheahü miishe, anyung wok mong maq, rawiichhi ranaiq na kheahü riitaq, kiikha anaiq ka michhut baiqha. Ngi raq apaiq ka wakram shinram shinriiq kealoklok, jamlai chhijang wanchang min riimak ikhiishe, mishthen baiqha. Raüta apaiq ka akhamnyangtsi raq mitsai.

Hosea 6:9

Thiimeaqkong raq thiimeaq tek tlaq ikha, ramwebi raq thiimeaq tektlo. Asii Shekhem chela lam wa, bom hairaüta maiqtsattlo. Tsangshiq raq abi pinthum ngarai tangtlo.

Mikha 5:8

Israilnok pongmung na atiichongki thun ka, Rum na hangsi raq rum ngamse riimakla, skukong sangphii rü na atsam phaq wa, chaiham chaihiiq jom phaq wan tlaq ikha, tsangshiq tiichhii kewanti junim ahüshe miraq.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.