Hosea 2:8 - ASII LAKDAP Bible (BSI)

⁸ Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.

Hawa Naga Bible 2001

⁸ Piq rueq Bala muex nawk palx shuex nuex shuimx yaq tuiz vtsvmz, svpiq tix, olip puiz, kuimphox nuiyc kuimshawx lotlaz kuy jix waz rvtauk kuex piq mkaq muinz kvjungc muq.

Hosea 2:8 Referencias Cruzadas

1 KAÜWA WERAÜ 29:16

O Tatiwe, naishiq Shiikeawe lei, naishiq raq arthun tsiiq nai nyam thun ara arjaq adam na phongkuq wan kai, ümmang asii kra shreng ma Shomjam ashi hai wan miitu. Shatmaq arthun arka ümniiraq atiidong haü siisaq, ümhupsam siisaqli.

YOBA 19:8

Shiikeawe raq lam ka ashang baiqwi she, ngi ka walot mang; apaiq raq ilam na ra tiinyaq baiqto.

ISAIA 1:3

Jam nyamsekong riika atati asap. Kiimaq kumtoq kong riimin atijongwe raq tsangshiq dung changba ka asap. Tsangshiq riika isenginok Israilnok raq Ngi saptlaq kriithaq na achan tsangshiq riimti ka saptlo. Shatmaq Israilnok raq Ngi ka akhiismin sapmak dongdii.”

ISAIA 46:6

Maiqse raq tsangshiq thongkhiiq kra lintlo; raüta chaq ngam ka raükhok khok raükuqtlo; raüta tsangshiq raq kampho ka tok na shintlo, raüta tsangshiq raq tiiqwe ka amaq kham na shiiptlo tisho sumla tiitiiq miitu; raütiishe tsangshiq ka hiq na bum raüta kra sumla ka noqtlo!

JEREMIA 7:18

Noserekong riika chin riichom thamtlo. Maiqwere riika wacha kra chaqtlo. Kiimaq jechakre riika winsii ka wa na kotlo, raüta jechak nyung phra kaü tsangshiq raq Ramungtan Hokhamnyung ngutlaq kriima kuqtlo. Kiimaq tsangshiq raq ngi tiichamchao miitu che ka sumla phra ahinti thun miimin tiibok kuqtlo.

EJEKIEL 23:41

Raüta tsangnai ka tsomhea ngachang changdü kiijaq ngatlo. Raüta tsangnai khaki na chamrii kiijaq phanrap phanrii phongtlo. Kiimaq homseng wa na chaq chang kiimin kiimaq olip petsi tsai, Ngi raq tsangnai ma akuqha kriimin phongtlo.

DANIEL 3:1

Hokhamwe Nebukadnejar raq chaq maq maiq sumla ashi tloto. Adiilu nü na mitar roqnai ri mitar miishi. Ajong nü na mitar tsam tin riito. Raüta apaiq raq kra sumla ka Bebilon mung na Dura tan na tiinga shongto.

DANIEL 5:23

Ümniiraq ramungtan na siti Shiikeawe shummii tlaü! Laüta apaiq Shomjam wa alam wan kok nai nüchhong winpin thun kra tlam wa laü. Laüta ümnaq nai ümsengi aki miikiimbi, ümchaktiim, kiimaq ümchakliip nyungtiim raq, kra kok thun kiijaq che tsüm nyang lanta, sumla phra kong; chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai sumla phra thun; amak maq chhimak; ani maq taimak; kiimaq jamlai min sap mak thun kra tiitsam kamtlan. Shatmaq, ümtsitsü phansangketi, ümtsitsü raü shamti, ümniiraq jamlai wa klo wantlaü kra kunkun peng raüta thapthiketi Shiikeawe ka shreng maü riilaü.

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

Hosea 13:1

Tatiwe raq ngutlo, “Man na richü pat na Ephraim phan raq, bom poshi chongraüli Israilnok maiqphan ahinti ka, aphiip ajiip khakii wali riitlo. Mungmaiqse ka Ephraim phan ma tlam raütli siwanto. Shatmaq Ephraim phan raq ngarai tang wanto. Tsangshiq raq Baal phra shomnoq wanto. Arkha na tsangshiq ka atsai she miraq.

Hosea 13:2

Tsangshiq riika ümchaü min ngarai tang wan ruqli. Kampho ngam maq maiqse khutsai na tiima dongtlaq kra phan phan, maiqse raq ajaq maq sumla thun tiiq wan raüta noq wantlo. Sumla thun kra tiiq raüta, ‘Mungmaiqse loi, ara phrakaü thun arma honglu kuq ronglaq!’” nguta tsangshiq raq ngutlo. Liironglaq, tsangshiq raq, minsaü pongwe sumla thun kra shomnoq wantlo!

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

Hosea 4:11

Tatiwe raq nguto, “Che riidea, che nai spiqtai bak nyang raüta, isenginok sung atsii wiita then wanto!

Hosea 8:4

“Tsangshiq raq hokhambi shong wanto. Shatmaq ngi rai riiwai mak. Tsangshiq ra welabi shong wanto. Shatmaq ngi ma chongmak. Tsangshiq raq kampho nai chaq ngam maq, phra sumla thun tiiq lowanto. Kriika tsangshiq then wan lamtan riito.

HABAKUK 1:16

Krai mren tsangshiq raq tsangshiq chiiq ka, shiikea ikha noq wan tlo. Kiimaq chiiqjong kiima honglu, kuq wan tlo. Jamkhano ngukla tsangshiq chiiq maq, ngiq khup wan lili raüta, tsangshiq ka chiithejong jawanto. Kiimaq winlü winshii miishe, tiipongpii wan raüta siwan tlo.

Luke 15:13

Kra pheake jai maq jaqlo miili, anowe raq apaiq la hup asam kra asha riito. Raüta, kra sha kampho ka hoho raüta, apaiq ka wanhiq na kihoto. Raüta, apaiq ka maiq mung ashi luhea na tre hoto. Raüta, kra mung na akampho kiimin pili piilii, tuwan piiwan shaphaqto.

Romans 1:28

Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.

TRI CHONGKE 8:18

Tsan na tiitsang ronglaq, Tatiwe namshiq Shiikeawe raq, namshiq ka chiithe ma jawan miitu ningkun kuqtlo. Apaiq raq ara jamkhano klo kuqtlaq ngukla, apaiq raq namtitiim rai tongshong wantaq kra ümchaü ranaiq na saüli tsapkapkap maq rüm wantlo kra ningkhan namshiq ka chiithe ma tiijatlo.

PHOWEBI 9:27

Kiimaq tsangshiq tarü maiqmiimii spiqro na spiqtsi pankai kihoto. Raüta spiqtsi maq spiqtai kloto. Raüta poi kloto. Raüta tsangshiq ka tsangshiq raq noq tlaq sumla phra shomjam kiina wawanto. Kiijaq tsangshiq ka chenyang dungsea peokhiq peoto. Raüta tsangshiq raq Abimelekh ma shummii laqpii she saisito.