Hosea 2:3 - ASII LAKDAP Bible (BSI)

³ Kiimaq apaiq mephe ja ka tsaqmak, jaruq li ja raü la, ngi raq anaiq ka wiita chhut baiq lata, kheahü miishe, anyung wok mong maq, rawiichhi ranaiq na kheahü riitaq, kiikha anaiq ka michhut baiqha. Ngi raq apaiq ka wakram shinram shinriiq kealoklok, jamlai chhijang wanchang min riimak ikhiishe, mishthen baiqha. Raüta apaiq ka akhamnyangtsi raq mitsai.

Hawa Naga Bible 2001

³ Kvruex yauk shuimc kuex piq rueq httvr muq ngoz ruiux yuq, ngaz rueq piq khoz vkhvy kuex put gay ruiux piq jawx tueq raungnuiyq ikhoc sawkumx ruez kuq shaungx. Ngaz rueq piq kuex httuiz rawk yaq ghaq sawc htungx ikhoc tvyaungc gay shaungx, piq kuex khvmx svy rueq thueyc wvnc tuex.

Hosea 2:3 Referencias Cruzadas

DUNGWVNC 17:3

Shatmaq mungmaiqse ka khamnyang tsihea riito. Kiimaq tsangshiq raq Mosheq ma bot wan ruqli riito. Tsangshiq raq nguto, “Ümniiraq naishiq ka Ejip mung wa jam nguto tsuq wan laü? Naishiq ka kiimaq naisetiim ka kiimaq nai nyamse kong ka kham nyangtsi ma tiijiim baiq miitu sha tsuq wan laü?”

ISAIA 33:9

Armung ka hiqmii she. Jaqshamseati maiq min ahü she. Lebanon wang wa rum thun ka wiitashe jungkito. Hiqpo hiqwin Sharon tan kiimin kumtsaiphii ikhli she jakito. Kiimaq Bashan wang nai Karmel Pum wa pejaq thun ka achong wa wiita rok wanto.

ISAIA 47:3

Maiq raq ümniika naiqhü ma she michhi; tsangshiq raq ümniika jea ngaü laüta munjuk mijuk she michhi. Ngi raq phuk milamha, kiimaq jurmin Ngi ka shiikhinglot mak.”

ISAIA 64:10

Asii ümchela thun ka rumnyangkhi kumtsaiphii miishe jakito. Jerusalem ka hiqmiq changkhü ikhiishe tiithen baiqto.

JEREMIA 12:10

Pong mungti hokhambi pahea wa raüta ispiq ro ka tiithen baiqto; tsangshiq raq iwak thun ji maq nibaiqto; tsangshiq raq imung tsomhea ka rumnyangkhi kumtsaiphii ma tiijabaiqto.

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 13:26

Tatiwe apaiq jaq maq ümkhum wa khu akhea ka michhut baiq. Raüta ümniika naiqhü maq jea mitiingaü.

JEREMIA 14:3

Chiithe maiqse raq tsangjaq shisekong kham tiithiikai tiikito; tsangshiq ka khappong thun kiina khamthiikai kitlo, shatmaq kham ka ahü süpotpot; tsangshiq hamliitak shaqmii jang wantlo. Tsiim jüshushu kiimaq sunghü tsiihü ümkha ijasiq, tsangtok hiq na kuraqraq.

JEREMIA 17:6

Apaiq ka rumnyangkhi kumtsaiphii binjü na, shinriiq rumnyangkhi mung na rumtamse chamtlaq ikha, shumphong hiq na laihin pe awii chamlot makchang hiq na chamtlaq ikha. Jamlai pu apot sukkai chang min riimak thiihü.

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

JEREMIA 2:6

Tsangshiq raq ngi bro riimak, ngi raq tsangshiq ka Ejip mung wa chhii wan kang, lata tsangshiq ka rumnyangkhi binjü maq shea wan kang: bintang jüngi nai kumtsaiphii phong lam maq, shinriiqriiq kiimaq maiqhai asi bin lam maq, kiijaq maiq jumin silot mak, kiimaq maiq jumin khumki mak lam maq.

JEREMIA 22:6

“Ngi ma Juda mung hokhamta jam ka Gilead wang rum jamkho tsomsiqtlaq kiikha tsomhea. Kiimaq Lebanon pum ka jamkho tsomtlaq kiikha tsomhea. Shatmaq Ngi raq arka maiqsi maiqnga maimak hiqmiq changkhü ma mitiija baiqha.

JEREMIA 4:26

Hiqpo hiqwin mung ka kumtsaiphii phong miishe jakito; kra mung wa chela thun ka wiita athenkai kun she, Tatiwe tsankhiq henghea kha na.

JEREMIA 51:43

Chela thun ka wiita thento. Raüta maklii jai na tiijangphat maiqphiip maiqjiip sitlo. Raüta khamhü mung rumnyangkhi kumtsaiphii mung ikha maiq sikai min maimak kiimaq akhumkai dongdii min maimak she thento.

JEREMIA 51:5

Ngi, Tati Shiikeawe, Ningkun Ajongwe raq Israil mungti nai Juda mungti ka, Ngi Israilnok Ma Asiiwe, makki na ngarai pahea tang wanto. Li jiimin, Ngi, raq tsangshiq ka shubaiqtlii ka shubaiq mang.

EJEKIEL 16:22

Ümniika ümrilung wiilü mephe nyung ma jawan laüta, maiqphai asi rilung siwan laü liipan na ümniiraq ümnaq noseji wa ümrilung ka jamkho siwan laü kriika— ümniika kheahü ma, ümrawü chhi nochhü tiijai thaq na riinyat laüta, akap atsea phe laü kra jangshi ra dongdii min ümtsan na riiwea wan maü riilaü.”

EJEKIEL 19:13

Ümchaü ka kumtsaiphii rumnyangkhi na chhihoto, shinriiqriiq khamhü binjü na.

Hosea 13:15

Israilnok ka sangphii rü ikha nümrai raü min, shedong mung kumtsaiphii rahai kehea mitiisaüha. Tsangshiq khamnyang rai thun wiita mitrübaiqha. Tsangshiq khamchum süphut mitiisübaiqha. Ahea awa phanrap thumthum mishthen baiqha.

Hosea 2:10

Lata Ngi raq apaiq ka akongtiwetiim makki na, adü wa akhu akhea thun ka chhut baiq lata, apaiq ka naiqhü she mitiingaha. Kiimaq kra akhing na apaiq ka ijaqkhon mong wa juwe riimin tiichhiikuq lot mak she miraq.

Revelation 17:16

Ümchaü ümniiraq chhi tlaü arong roqshi kriiraq nai ngamthaiq kaü kriiraq, mephe nyung kriishe mishu lii wan. Raüta, tsangshiq raq jechak nyung jaq na ümtinkhan wa tsiiq nai nyam rüm tlaq kriika, tiisii rai she run raüta minyeaho. Raüta, apaiq ka naiqhü she mitiinga baiq. Tsangshiq raq apaiq ngam kriishe miphaq. Raüta, apaiq ka wa maq miishe mitiikhiim chaq baiq.

PHOWEBI 15:18

Kiijiishe Samson ka pinthum kham nyangtsi hea riito. Kra ningkhan, apaiq raq Tatiwe jaq wa akha achu jaüto, “Ümniiraq ngi ma ara rekhat jonghea tiitang kuq laü. Riita, ümchaü ngi ka khamnyangtsi riili she shea mitsaiha? Kiimaq ara thatsang maiqse Philistainnok riishea milap wan?”