Hosea 2:4 - ASII LAKDAP Bible (BSI)

⁴ Ngi raq asetiim kiimiimin, mangchan tiichhi kuqmang she mirha. Jamkhano ngukla tsangshiq ka siqphin sekong, anyung mephe jaki raüta ahum wan.

Hawa Naga Bible 2001

^4-5 Ngaz rueq piq sahez muex menjenc thuinz tvkhic shaungx rvmuq; tsuinghez kuex yvlc svy tuiuz muq mephex nyuiuz sahez rvtueq. Piq pumz maq ngoc, “Ngaz kuex ngvy lungwawc hez kox nuex kaz taungx, tsuinghez rueq ngaz muex phuiuz svy, yuix, khelbuenx mul nuiyc ruiynyel khvy, olip puiz nuiyc svpiq tix kuq yaq,” ngoz tueq jungx tueq.

Hosea 2:4 Referencias Cruzadas

2 HOKHVMX 9:22

“Ümniika wehea riihum kai shea kilaü?” nguta Joram raq apaiq ma waito. “Ümnyung Jejebel raq maiqwuq maiqlong jaqsham nai sumla phra shomnoq aphakuq wan thun kra namung na sishat wiiwii, nashiq ka mungtsing maq jamkho misi?” nguta Jehu raq treto.

ISAIA 27:11

Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

ISAIA 57:3

Ana warong ra, namshiq ngarai maiqsetiim, namshiq kha ka tiipho wa rongkiq! Namshiq ka maiqwuq maiqlongti nai achak sishat taü maq maiqchak rai sra kaitibi nai mephe nyungre ikhli sitlan.

JEREMIA 13:14

Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”

JEREMIA 16:5

“Ümniika maiq maaho manyi jam na düwa maimak. Maiq ka juli tsai raü min naqjokiq. Ngi raq isenginok ma hansang shiiman kuqmang she. Kiimaq tsangshiq ma lungwii tsü nai tiihang mangchan tiichhikuq mangshe.

EJEKIEL 23:25

Ngi ka ümniima itsankhiq kha maq, Ngi raq ümniika tsangshiq tsankhiqtlaq kra phan phan ümkha ka mitiiphoha. Tsangshiq raq ümkhüpo ka mihanbaiq. Kiimaq ümnilok ka mihanbaiq. Raüta ümsetiim thun ka mijiipbaiq. Ngohea. Tsangshiq raq ümsetiim maiqwese re nai jechakse re thun ka ümwokhong wa minyeaho. Raüta atra maq wa na michaqbaiq.

EJEKIEL 8:18

Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”

EJEKIEL 9:10

Shatmaq Ngi raq tsangshiq ma mangchan ka tiitsi mang she. Tsangshiq raq nanok ka jamkho riitaq kiikha, Ngi riimin tsangshiq ma mirha.”

Hosea 1:2

Tatiwe raq Israilnok ma Hosea lümaq aphashaq shaq bomphahotaq akhing na, apaiq raq Hosea ma akha nguto, “Kilaq. Laüta ümchak ka lamkikiq. Ümjamti nyung ka mephe-nyung ma mija. Kiimaq ümsetiim kiimin anyung kiikhiisii miraq. Kra niqriri sii hali Israilnok kiimin iwokhong na simak, ipuk wa ahin niishe dongkito,” nguta Hosea ma nguto.

Hosea 1:6

Kriijai maq, Gomar raq ase ashi hali hum nongto. Ara lak niika jechakse she humto. Tatiwe raq Hosea ma, “Ümse mang ka ‘Lungwiimak’ nguta mang laq, jamkhano ngukla, israilnok ma lungwiitsii ka thümang she. Kiimaq tsangshiq mra ka diikuq mang she.

Hosea 5:7

Tsangshiq raq Tatiwe kai shishe wanto. Tsangsetiim ka siqphinsekong howanto, tsangsetiim ka Tatiwe rü riimak she. Arkha na tsangshiq nai tsangmung ka Tatiwe raq ashthen she mirbaiq.

JEKERIA 1:12

Kiijiishe, “Ningkun Ajong Pinthum Tatiwe lei, ümniika Jerusalem ma, kiimaq Juda mung na chela thun ma, rawii wiiroq miishi ümtsankhiq jonghea thü wan laü. Ümniiraq tsangshiq ma tiihang wan mangchan tsii tiichhike ka ümtinchotiq wa miraq?” nguta rase raq waito.

John 8:41

Riita, ümchaü namshiq raq jamlai wa klo tlan kriika, namwe raq jamlai phan wa sham wantaq, kriili namshiq riimin sham nong tlan.” Kiijiishe, “Naishiq ma Awejong ka Shiikeawe kli,” nguta tsangshiq raq apaiq bom ka treto. “Kiimaq naishiq ka apaiq ma aseshaq kong nguta sitiikai. Naishiq ka siqphinsetiim ri riimai.”

Romans 11:22

Riita, ara shiiton bomtsi chongkuq tlaq arwiili, Shiikeawe raq mangchan tsii jonghea rüm tlaq kriishe chhi wan tiikai. Kiimahali, apaiq raq pinthum tri atsin maq lang wan raüta, kha ka phokuq wantlo, kriimin chhi wan tiikai. Apaiq raq ngarai tang wanti thaq niika, tri atsin maq kha phokuq wantlo. Shatmaq, namshiq miika mangchan tsii jonghea rüm wan tlo. Ara mangchan tsii arka, namshiq ka apaiq wokhong na siruq sitlan wiiwii, thü wan ruq mithü wan. Shatmaq, namshiq raq ngarai la tang wan han jiila, namshiq kiimin, chiisan akü ako thun daq baiq wantaq kiikhiisii hali midaq baiq wan.

Romans 9:18

Ara chong tiikai arkha miitiina, Shiikeawe raq maiqse ka, ümriitiwa apaiq raq atiihangke wan lungwii tlaq, kriiti ka atiihang riikuq wantlo. Kiimaq, ümriitiwa, apaiq raq lanlaqlaq tsantsii maq misi laq nguta thikuq wantlaq, kriiti ka lanlaqlaq tsantsii rümti ma, tiija baiq wan tlo.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.