Hosea 2:5 - ASII LAKDAP Bible (BSI)

⁵ Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

Hosea 2:5 Referencias Cruzadas

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

JEREMIA 11:13

Juda mungti sumla phra phong ka Juda mung na chela thun ümchuwa sitlaq kiichu sitlo. Kiimaq Jerusalemti raq maiqphai asi Baal shomnoq chang honglu take wan chang berong-wacha thun ka Jerusalem na chiiheawea lam ümchuwa sitlaq kiichu hai wan raüta shomnoqtlo.

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 2:20

Ajong Pinthum Tatiwe raq ngutlo, “Israil lei, rathup niiphü ümniiraq ngi arang ka no na tsuqbaiqlaü; ümniiraq ibom taimaü riilaü, Ngi shomnoq maü riilaü. Kin diilu aweatek na kiimaq pejaq nüm chong aweatek chongji na ümniiraq ase keti phra thun noq laü.

JEREMIA 6:8

Jerusalemti lei, arthun mra pinwan tlaq kriika namshiq ma tsii chhi wan lamlu mijalaq. Riimakla, Ngi raq ümniika miimbaiqtlii she mimiimbaiqha. Ngi raq ümchela ka rumnyangkhi kumtsaiphii miishe mitiija baiqha. Kriika hiqmiq changkhü ikha, maiqsi maimak she miraq.”

EJEKIEL 16:35

Riita ümchaü sanha, mephe nyung Jerusalem lei! Tailaq! Tatiwe raq jamlai wa chongtlaq kra.

EJEKIEL 16:39

Ngi raq ümniika tsangshiq jaqkhon mong niishe mikiinong kuqbaiqha. Kiimaq tsangshiq raq ümnaq mephe jawan chang jam thun nai sumla phra shomnoq wan laü jam thun ka wiita mitiithen baiq wan. Tsangshiq raq ümkhea thun kra nai huru longseng laktum thun kra wiita minyea wan. Raüta ümniika naiqhü ma she mibaiqthü.

EJEKIEL 16:4

Ümnaq rawüchhi ranaiq na, ümchhü raü hanketi maiq ka jumin ahü riito. Kiimaq kham maq hetseketi min ahü riito. Kiimaq ümhan na shum maq nyat keti min ahü riito. Kiimaq khea maq job raüta dopiti min ahü riito.

Hosea 1:2

Tatiwe raq Israilnok ma Hosea lümaq aphashaq shaq bomphahotaq akhing na, apaiq raq Hosea ma akha nguto, “Kilaq. Laüta ümchak ka lamkikiq. Ümjamti nyung ka mephe-nyung ma mija. Kiimaq ümsetiim kiimin anyung kiikhiisii miraq. Kra niqriri sii hali Israilnok kiimin iwokhong na simak, ipuk wa ahin niishe dongkito,” nguta Hosea ma nguto.

Hosea 2:2

Shiikeawe raq Israilnok ma ngutlo, “Isetiim lei, namnyung ma tsii chongkuq ronglaq. Namnyung ka ümchaü ichak riimak she. Kiimaq ngi min awese ka riimang she. Apaiq raq sethoq jasha kra thaqbaiq tlo raüjaq ahea miraq. Kiimaq mephe nyung miika jamak she nguraü jaq ahea miraq.”

Hosea 2:8

Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.

Hosea 3:1

Tatiwe raq ngi ma, “Ümniika kinong laq. Laüta, ümchak sethoq nyung phana sikikiq. Laüta apaiq shutphit heali jiimin lungwii nong laq. Arka Israilnok raq Ngi miimthü raüta, sumla phra shomnoq hotaq. Raüta honglu kuq wantlaq. Li jiimin, Ngi raq tsangshiq ka lungwii nong tiikang kiikhiisii lungwiilaq,” nguta thaüto.

Hosea 4:5

Namshiq ramwebi raq ranaiq rawa ashut kiimung tlan. Kiimaq shammibi min namshiq thaq na holi riimak. Namshiq ka adamdam. Arningkhan namnyung jong Israil ka mishthen baiqha.

Hosea 8:9

Tsangshiq raq Asiria tijong howanto, alii arki kumtoq kaü ikha, ashpuq wan maimak. Kiimaq maiqmung ahinti ma, retang kuq ronglaq nguta kampho kuqto.

Hosea 9:10

Israilnok ka rumnyangkhi kumtsaiphii na, spiqro achhi wan ikha, ngi ma rahea hum wan kang. Kiimaq tsipha shaqshaq phupmup chongtsi ikha, aphaqsea ma sumhea, namtitiim ka ngi raq, maiqlung ngamwii humwan kang, Shatmaq Peor pum na saü raüta, wuda pongwe ikha, Baal phra puk na nyap wanto Raüta tsangshiq jeangaü wanto. Raüta shekhiq miishe jawanto

AMO LUIK DVP (AMOS) 8:13

Kra akhing na junrii shamhea pinthum nyungre kiimin, kiimaq jero hongheabi thun kiimin, tsangletsi raq mihaü wan.

PHOWEBI 16:23

Philistain mung hokhambi thun ka adam na thung raüta, poi ajong klo raüta tsangshiq phra Dagon ma honglu ajong takuqto. Tsangshiq raq, “Nashiq na phra kaü raq nashiq jaqtiwe Samson ka tiitangkuqto!” nguta shitrangto.