Hosea 2:2 - ASII LAKDAP Bible (BSI)

² Shiikeawe raq Israilnok ma ngutlo, “Isetiim lei, namnyung ma tsii chongkuq ronglaq. Namnyung ka ümchaü ichak riimak she. Kiimaq ngi min awese ka riimang she. Apaiq raq sethoq jasha kra thaqbaiq tlo raüjaq ahea miraq. Kiimaq mephe nyung miika jamak she nguraü jaq ahea miraq.”

Hawa Naga Bible 2001

² Isaz hez lex, nuimnyuiuz muex kvpiq nvyx kuinz, piq kuex itaungx nyuiuz rvmuq shex, ngaz muinz piq taungwaz rvmuq shex. Piq rueq miq taungwaz senc laq vtueq mephex muex yaungx yaq kuex httvrc gay tvkoc kvpiq nvyx kuinz.

Hosea 2:2 Referencias Cruzadas

ISAIA 11:12

Tati raq tanglap ashi ra na doraüta misham. Raüta miithii ma mishong. Arka apaiq raq maiqmung thun ma, Israil mungti nai Juda mungti ka, mangjong tlotli na, shedong shenyap kiimaq shekhu shemai mung na, anyin baiqrat kiiwa adam niishe triichom wan nong tiikang nguta tiichhike wan saqse.

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

ISAIA 58:1

Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!

JEREMIA 19:3

Tatiwe raq ngi ma akha chonglaq nguto, “Juda mung hokhambi kiimaq Jerusalem chelati lei, tairong laq, Ngi Tati Ningkun Ajongwe, Israilnok Shiikeawe raq jamlai bom wa chongtiikang kra taironglaq. Ngi raq arhiq ara tiibunlak mitiithenbaiqha. Kra thenjen wan mra pin tsütsa ka taitibi maiq loweatek ka abom min lot mak tarü phiip raq mitsai.

JEREMIA 2:2

ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,

JEREMIA 3:1

Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

JEREMIA 3:18

Israil kiimin Juda rai adam na pong wan raütiishe tsangnai ka kongshi miishe shekhu nü mung na munglu shumwi asiwa kiiwa miki raüta, ngi raq namtitiim ma pattup pat-sa miitu tachong hupsam ma akuqha mungtan kiijiishe mijang wan.”

EJEKIEL 16:20

“Kriithun kra laütiishe, Ngi miitu ümsetiim maiq wesere kiimaq jechak sere thun hum wan laü kra, ümniiraq sumla phra thun kiima honglu na takuq wan laü. Riita atinkhan ümniiraq Ngi shummii wan laü arka abi pinthum riimak sha? Kra hongmak dea sha?

EJEKIEL 16:25

Ümniiraq ümshamhea tsomwa ka boq chum na bumlaüta tiihitsiq wan laü. Laüta maiq wanlea wanti ümchuwa lea wan tlaq kriiti loweatek ma ümkhum ka kiinongkuq laüta kiicham wan laü. Laüta diikiq deawan wan riilaü.

EJEKIEL 20:4

“Riita, maiqse lei, ümniiraq tsangshiq kha ka pholaüta tiishutbaiq miitu kamto sha ngatlaü? Ikhla kriq. Tiishutbaiq laq. Tsangwetiim raq maiqphai asi ashe klowantaq thun kra tsangshiq tsan na tiitsang chongkuqlaq.

EJEKIEL 23:43

Kiimaq Ngi raq Ngi nai Ngi kli tiingokang, tsangshiq riika mephe nyung, awese sishat taü maq maiqrai srakaiti nyung ariimkai kun she apaq she shanshiiqtlaq ikha shanshiiqtlo nya nguta liikang.

EJEKIEL 23:45

Kechu maiqsetiim raq tsangnai ka awese sishat taü maq maiqrai sethoq jakai khana kiimaq maiq tseabaiq mat kha na mitiishut baiq. Jamkhano ngukla tsangnai sethoq ngarai klo wanto kiimaq tsangnai jaq ka maiqtsat raüta tiijai maq anyat shiiroro.”

Hosea 1:2

Tatiwe raq Israilnok ma Hosea lümaq aphashaq shaq bomphahotaq akhing na, apaiq raq Hosea ma akha nguto, “Kilaq. Laüta ümchak ka lamkikiq. Ümjamti nyung ka mephe-nyung ma mija. Kiimaq ümsetiim kiimin anyung kiikhiisii miraq. Kra niqriri sii hali Israilnok kiimin iwokhong na simak, ipuk wa ahin niishe dongkito,” nguta Hosea ma nguto.

Hosea 2:1

Kriikha na namphu namno Israilnok ka “Shiikeawe sengi” kiimaq “Tatiwe raq Lungwiiheanok” ngutiishe mingu wan.

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

Hosea 4:5

Namshiq ramwebi raq ranaiq rawa ashut kiimung tlan. Kiimaq shammibi min namshiq thaq na holi riimak. Namshiq ka adamdam. Arningkhan namnyung jong Israil ka mishthen baiqha.

Mikha 2:13

Shiikeawe raq tsangshiq dong wan chang kilü mirkuq, Raüta pongmung wa tsangmung na mitsuq wan, Tsangshiq ka chela kilü thun linwan raüta, wase miishe mijawan. Tsangshiq hokham Tatiwe raq Lamshea raüta re mung wa, tsangmung niishe mi laü wan.

2 Corinthians 5:16

Riita ümchaü ka naishiq Jesuq miishe kam tiikai. Krai mren, naishiq raq maiq jumin mangjong han-ngam tri maq shin mai she. Man na lea wantaq akhing na riiwe kla, naishiq riimin Jesuq Khristo ka han-ngam tri miili dea shin rat wankai. Shatmaq ümchaü sanha han-ngam tri miika shin mai she.