Apha wan ranaiq na kiimaq ramiishi ngo ranaiq na hali namshiq ka shomnoqkai noqku na kai ratlo. Kra ranaiq thun bala namshiq raq minshiiqkai raamak. Shatmaq namshiq raq phaqsea kloliika amai.
DUNGWVNC 35:3 - ASII LAKDAP Bible (BSI) Asii Niitiitsak Ranaiq ka namshiq jam na pe awa chaq min maimak!” Hawa Naga Bible 2001 Vguilc Raungnuiyq kvkaq nuimshiq yuimx htenc kvyuq wvr doc muinz juiuz mvy muq,” ngoz tueq jungx tueq. |
Apha wan ranaiq na kiimaq ramiishi ngo ranaiq na hali namshiq ka shomnoqkai noqku na kai ratlo. Kra ranaiq thun bala namshiq raq minshiiqkai raamak. Shatmaq namshiq raq phaqsea kloliika amai.
Kiimaq apaiq raq tsangshiq ma nguto, “Tatiwe raq aming kuqto, anap ranaiq ka apii ranaiq, niitiitsak ahai chang. Arka apaiq ma akiinong kuq wan ranaiq. Namshiq winsii ako chang sitlaq ka ko ronglaq, kiimaq namshiq raq kham maq alum chang ka lum ronglaq. Jamlai wa chantlaq kriika anap ranaiq miitu pong na rai lanta thübaiq ronglaq.”
“Liipan shi wa ratrok na saüli min ka shiiqlaq. Shatmaq ramiishi ranaiq niika minshiiqkai maimak. Kra rii haütiq ümdise kong kiimaq pong mungti ümjaqshamti kra nai ümnyamse kong raq niitiitsak ahai miraq.
Namshiq raq minshiiq miitu liipanshi wa ratrok asi. Shatmaq ramiishi ranaiq kriika Ngi rii, Ngi miitu apii ranaiq nguta akiinongke wan kun she. Jurwa kra ranaiq na minshiiqtlaq kriiti ka atsea baiq raa dongdii.
Tatiwe raq ngutlo, “Namshiq raq Niitiitsak ranaiq ka asii ranaiq dea nguta shreng lantea langwan han jiila, kiimaq kra ranaiq na namshiq maiqmii miitu jaqsham man riihan jiila; kiimaq namshiq raq Ngi ma asii ranaiq kra athu atsin ma tiija hanla, kiimaq wanhiq na kiman maq, jaq shamki man maq, riimakla kra ranaiq hüti hiqli bom man riihanla,
Namshiq raq minshiiq miitu ka ratrok asi. Shatmaq ramiishi ranaiq ka tsan na tiitsang ronglaq. Kriika Asii Niitiitsak Ranaiq. Kra ranaiq ka niitiitsak ranaiq. Kra ranaiq jaq naqsham rongkiq. Shatmaq noqku na riitam lanta shomnoq ronglaq. Asii Niitiitsak Ranaiq ka Tatiwe rii. Namshiq ka ümriiba na sihan jiimin, arka Tatiwe rii.