LEWI 23:3 - ASII LAKDAP Bible (BSI)

³ Namshiq raq minshiiq miitu ka ratrok asi. Shatmaq ramiishi ranaiq ka tsan na tiitsang ronglaq. Kriika Asii Niitiitsak Ranaiq. Kra ranaiq ka niitiitsak ranaiq. Kra ranaiq jaq naqsham rongkiq. Shatmaq noqku na riitam lanta shomnoq ronglaq. Asii Niitiitsak Ranaiq ka Tatiwe rii. Namshiq ka ümriiba na sihan jiimin, arka Tatiwe rii.

Hawa Naga Bible 2001

³ Nuimshiq rueq raungx tvruk miqmac yauk shuimx shuinz, yuq muinz raungx mvshix kuex Vguilc Raungnuiyq rvtueq, nyec tvkuiyq guilc wuez kuinz. Kvruex raungnuiyq yauk nauk shuimx kaz, yuq muinz vdvmz nuex rvtuimx vtueq nawk palx wuez shuinz. Nuimshiq httax tuinx baung ruip saz nuex kvruex raungnuiyq kuex Yehowa tvkoc Vguilc Raungnuiyq rvtueq.

LEWI 23:3 Referencias Cruzadas

DUNGWVNC 16:23

Kiimaq apaiq raq tsangshiq ma nguto, “Tatiwe raq aming kuqto, anap ranaiq ka apii ranaiq, niitiitsak ahai chang. Arka apaiq ma akiinong kuq wan ranaiq. Namshiq winsii ako chang sitlaq ka ko ronglaq, kiimaq namshiq raq kham maq alum chang ka lum ronglaq. Jamlai wa chantlaq kriika anap ranaiq miitu pong na rai lanta thübaiq ronglaq.”

DUNGWVNC 16:29

Tsan na tiitsang ronglaq, Ngi, Tatiwe raq namshiq ma ranaiq shi ka niitiitsak ahai miitu kuqkang. Kra ningkhan tiina Ngi raq ratrok ranaiq angu na namshiq ma aphaq sea chang dung ka ranaiq nai miitu hongli chang jang wraptek kuq tiikang. Krai mren ramiishi angu niika maiq loweatek maiqmii ümbano sitlan kriijaq li siraatlo. Apaiq ka jam wa kinphai na dongkai maimak.”

DUNGWVNC 16:30

Krai mren mungmaiqse raq ramiishi ranaiq na jamlai phan jaq min sham mak haito.

DUNGWVNC 23:12

“Liipan shi wa ratrok na saüli min ka shiiqlaq. Shatmaq ramiishi ranaiq niika minshiiqkai maimak. Kra rii haütiq ümdise kong kiimaq pong mungti ümjaqshamti kra nai ümnyamse kong raq niitiitsak ahai miraq.

DUNGWVNC 34:21

“Namshiq ma minshiiq sea miitu liipan shi wa ratrok asi. Shatmaq ramiishi ngo ranaiq na jaqsham kai maimak. Arka nithechoji niimin kiimaq tsamjut choji niimin jaqsham kai maimak.

ISAIA 56:2

Ngi raq Niitiitsak ranaiq ka akhingtek na tri riikhaqli maq lang wanti, kra ranaiq ka tiisheshi makti ma achu mishman kuqha. Jurwa ashut klo makti ka Ngi raq achu mishman kuqha.”

ISAIA 56:6

Kiimaq Tatiwe raq pongmungti thun, ümriitiwa asenginok rai pong wan damtaq, jurwa apaiq lungwiitlaq, raüta apaiq ka shomnoq tlaq, raüta Asii Niitiitsak ranaiq ka aheawiq maq langtlaq, raüta tsapkapkap ma apaiq tongshong tri langtlaqti ma ngutlo:

ISAIA 58:13

Tatiwe raq ngutlo, “Namshiq raq Niitiitsak ranaiq ka asii ranaiq dea nguta shreng lantea langwan han jiila, kiimaq kra ranaiq na namshiq maiqmii miitu jaqsham man riihan jiila; kiimaq namshiq raq Ngi ma asii ranaiq kra athu atsin ma tiija hanla, kiimaq wanhiq na kiman maq, jaq shamki man maq, riimakla kra ranaiq hüti hiqli bom man riihanla,

LEWI 19:3

Namshiq loweatek raq anyung nai awe ka shreng raa dongdii. Kiimaq Asii Niitiitsak Ranaiq ka Ngi raq namshiq ma aming kuq kang kra phan phan lang wan ratlo. Ngi ka Tatiwe namshiq Shiikeawe.

Luke 13:14

Shatmaq, kra chhi raüta sinagok wa maiqla we ka, Jesuq raq Asii Niitiitsak ranaiq atsi asi tiihea kuqtlo nguta akhiq riito. Kra ningkhan, apaiq raq nokwe ka akha sonto, “Namshiq ma jaqsham miitu ka liipan shi na rahiq ka ratrok asi. Namshiq raq jaqsham chang ka, ara ratrok liipan na walanta, atsi asi ka tiihea walili rong laq. Shatmaq, Asii Niitiitsak ranaiq niika, atsi asi tiihea ka ra mak!”

Luke 23:56

Raütiishe, tsangshiq ka jam niishe jang wanto. Kiimaq maiq ma na nyat kai miitu, süse tapan nai homseng win ka tiije rit thüto. Thungri na chongtlaq kra phanphan, Asii Niitiitsak ranaiq ka apii haito.

Acts 15:21

Ara jamkhano chongtiikai ngukla, Mosheq Thungtri bomtsi ka pat-achat miiphü Asii Niitiitsak ranaiqtek sinagok na phatkuq wan ruq kata. Kiimaq Mosheq bomchong kra chelatek na nokmaiqse ma phanchan kuq wan ruq riitlo,” nguta Jakob raq bom ka chongkuqto.

Revelation 1:10

TATIWE ranaiq na, Wenyi raq ngi ka kunli rom wanto. Kiimaq ngi raq i jai nü na lerong tsüwa trang ikha, nirang chat-hit-hit maiq bom kra taikang.