LEWI 23:2 - ASII LAKDAP Bible (BSI)

² Israilnok ma kuqlaq nguta arthun thungtri kuqto. Arka ümtiikiiwa Israilnok raq kamasham poi thun klo wantlaq akhing na noqku na riitamtlaq kiijaq lang wan chang.

Hawa Naga Bible 2001

² Israel miqsaz htenc vdvmz nuex rvtuimx nawk palx wuez shuex nuex, nawk palx htungx vlayx moalx htenc nuex phvnc juing tvrac htenc kuex kuq tueq.

LEWI 23:2 Referencias Cruzadas

2 HOKHVMX 10:20

Raütiishe Jehu raq akha aming kuqto, “Baal phra shomnoq miitu ranaiq akhing tiihong ronglaq. Lanta chiiriim lanea mungmaiqse ma tiitai ronglaq!” Krai mren, tsütsa ka hünong buk raüta tiitaito.

1 KAÜWA WERAÜ 23:31

Kiimaq Asii Niitiitsak ranaiq na ümtiikiiwa honglu wa na chaq chang kuq wan tlaq kra, kiimaq Jinye Dong Poi na, kiimaq laihin poi awii klo wan tlaq akhing na jaqsham thun kra tsangshiq arang riito. Kiimaq arthun jaqsham wan akhingtek na Lewinok ka maiq ümchuwe raq sham chang wa kra miitu tri ka hairaüta thüto. Kiimaq Lewinok raq Tatiwe shomnoq wan jaqsham ka pattup sham wan chang nguta arang kuqto.

2 KAÜWA WERAÜ 2:3

Solomon raq Tajar Hokhamwe Hiram ma tsütsa ka akha tiiwanto: “Ümniiraq iwe Hokhamwe Dawit rai apaiq hokham jamhai miitu maisak pepan lunkuq laü ikha, ngi rai min piikiilaq.

2 KAÜWA WERAÜ 30:5

Kra ningkhan tsangshiq raq Israilnok mungmaiqse ka hiqkhu nü mung na Dan chela ma riita hiq mai nü mung na Beersheba chela na saüli kra Jerusalem na Tiichhii Wan Poi ka Thungtri na chongtlaq kra phan phan lang wan rong i ngutiishe bom ka tiichong wanto. Kiimaq mungmaiqse ka man na nam ma apapa walanta lomwa rongkiq nguta tiichong hoto.

EJRA 3:5

Kiimaq, arthaq niimin, ara chongtiikai honglu kuqwan tlaq niimin, tsangshiq raq rahinjaq joli Shiikeawe shomnoq akhing na, atra nyamse ka wiipumtam maq, honglu wa na chaq wan tlaq, kiimaq hali Jinye Tsan Wan Poi akhing na alu kuq wantlaq, kiimaq rahinjaq joli akhing na mungmaiqse thung raüta, shomnoq wantlaq noqku akhing na, honglu ümchuwa kuq wantlaq, kiimaq hali, Tatiwe ma lungwii raüta maiqmii tsantsii maq kuq wan tlaq, kra thun ka kuq wan nongto.

Tvtsvmc 81:3

Poi miitu paison lerong tsü ronglaq, jiha dong wan pha na kiimaq jikham ranaiq na.

DUNGWVNC 32:5

Kiijiishe Aron raq saüla pongse sumla khaki na berong-wacha ashi haito. Raüta mungmaiqse ma akha tiitaito, “Anap ranaiq Tatiwe shreng poi ashi miklo rong i.”

ISAIA 33:20

Liimanta, Jajon chela ka. Nashiq raq Shiikeawe shomnoq poi klotiikai ira. Jerusalem ka liimanta! Pinthum khusang rakhang maq shong nga chang hiqshong ashi! Kriika tombutiip ashi, jangshi min tiisot mak phan, atiikha chan chang raülo khamchong khaiq thun ka hiq na ashong ka ümtiikiimin chatbaiq mak dongdii. Kiimaq achan chang raülo thun kiimin ümtiikiimin tiipan mak phan ikha miraq.

AJONJÜ 1:4

Ümchaü san asii ranaiq niimin, Noqku jam na jumin wamak she, Kiijaq shishunti jechakse re chamchaotlo. Ramwebi ümchaü hannyitlo. Tsangshiq kilamchong keathung kaiqshak kaiqshishe, Jajon chela ümchaü aho ajü.

EJEKIEL 44:24

Ümtiikiiwa maiqse liipan na khü akha dongkitlaq, ramwebi raq kha ka i thungtri maq kha ka riikhaqli phoke ratlo. Tsangshiq raq Shiikeawe raq akuq kuk amei, poi awii thun ka, Ngi raq akuqha thung nai lai kra phan phan lang wan ratlo. Kiimaq tsangshiq raq Asii Niitiitsak Ranaiq ka asii maq lang ratlo.

Hosea 2:11

Ngi raq apaiq raq poi thun klotlaq kra, rawiitek nai jipitek poi klotlaq thun kra, kiimaq apaiq raq Asii Niitiitsak Ranaiq poi klotlaq kra, kiimaq apaiq raq Shiikeawe shomnoq akhing poi klotlaq thun kra, wiitashe mitiithen baiqha.

Yoel 1:14

Amang maq achujaü wan miitu aming kuq ronglaq. Lanta mungmaiqse ka adam na thung ronglaq! Juda mungti welabi thun wiita adam na riitam ronglaq. Namshiq Tatiwe Shiikeawe Shomjam na, riitam wan ronglaq. Lanta Tati jaq wa aholülü maq tiitai jaü ronglaq.

Yoel 2:15

Jajon hiqlam maq lerong tsürong laq. Lanta mungmaiqse ka adam mirtam laq, dungsea tlea achu jaü aming kuq ronglaq!

LEWI 23:1

Tatiwe raq Mosheq ma

LEWI 23:21

Kra ranaiq namshiq phong wa jurmin maiqmii joli jaqsham ka shamkai maimak. Shatmaq adam na riitam lanta noqku na shomnoq ronglaq. Namsaü namsetiim raq pattup miitu tsangshiq ka ümriiba na shong nga raü min ara poi ka klo wanruq ratlo.

LEWI 23:37

(Arthun arka akam alam poi thun siisaq. Arthun poi akhing na namshiq ka adam na riitam lanta noqku maq shomnoq wan akhing, kiimaq phaqsea-honglu, chaqtlii-honglu, wong-honglu, nyamse take honglu, kiimaq spiqtai-honglu ke wan thungtri na chongtlaq kra phan phan kewan akhing.

LEWI 23:4

Arthun poi ara akhing riikhaqli na lang wan miitu chiiriim lanta mungmaiqse ma chongkuq ronglaq.

LEWI 23:44

Riita Mosheq raq Israilnok ma kamasham poi thun ka akha lang wan raüta Tatiwe ka shreng chang nguta thungtri ka tsangshiq ma kuqto.

NAHUM 1:15

Liirong laq! Pum na ahea tsasoqtiwe watlo. Apaiq ka tangkai she nguta tsütsa tiitai kai kitlo! Juda mungti lei poi she klo rong laq! Namshiq raq Tatiwe ma, sinkham bomtsi khakuq lan kriishe, kuq rong laq. Ümchaü san maiq abi mungti raq, nammung ka jai na longliiq wa mak she miraq. Tsangshiq ka laimiq tiithen baiqto she.

WEAWEA 10:10

Kiimahali poi awii chojong chise sitlan akhing niimin, namshiq raq Jinye Dong Poi akhing na kiimaq laihin kamasham poi akhing na, namshiq raq chaqtlii-honglu takuq tlan akhing na, kiimaq namshiq raq rintii-honglu kuqtlan akhing na, lerong ka tsü ronglaq. Raüla Ngi raq namshiq ka mikhrum kuqha. Ngi ka Tatiwe namshiq Shiikeawe.”

WEAWEA 29:39

Arthun thungtri ara lang laüta ümniiraq chaqtlii-honglu thun, wong-honglu thun, spiqtai-honglu thun, kiimaq rintii-honglu thun kra Tatiwe ma kechang. Arka rahiq jipi akhing khaqkhaq na poi klotlan na lang chang. Arthun arka namshiq raq sinkham shiikhoi honglu riimakla maiqmii tsanro honglu thun kuqtlan kriithaq na achan ke wan chang honglu thun kra chongtiikai.

John 5:1

Arjai maq, Jesuq ka Jerusalem na Shiikeawe shomnoq Poi lomkai kihoto.

Colossians 2:1

Ngi chongpha. Ngi raq namshiq miitu pinthum rokngoq riingoq jaqsham wan kang. Kiimaq Laodesia na siti Phungmaiqse miitu kiimaq nanok ahinti wiitarü, juwa ngi rai mang mirsap shaqti thun miitu kai hunnii wan kang.

Colossians 2:16

Ara chongtiikang Khristo raq thawe kharü ka adii baiq kun she kha maq, ümchaü sanha, maiq raq namshiq ma arphan arka aphaq asea mimai, arphan arka aphaq asea maimak, apii chang nguta tri raü arun baiq wishe kra thongshiri hali, namshiq ma khakuq tlaq kriika, naq tiikha nong rongkiq. Rahiq jipi kiimin, arka jihea ranaiq, arka jibi ranaiq nguho. Kiimaq Jinye Dong Poi ka alang chang nguho. Asii Niitiitsak ranaiq ka alang chang maa nguho.