DUNGWVNC 35:3 - Hawa Naga Bible 2001

³ Vguilc Raungnuiyq kvkaq nuimshiq yuimx htenc kvyuq wvr doc muinz juiuz mvy muq,” ngoz tueq jungx tueq.

ASII LAKDAP Bible (BSI)

³ Asii Niitiitsak Ranaiq ka namshiq jam na pe awa chaq min maimak!”

DUNGWVNC 35:3 Referencias Cruzadas

DUNGWVNC 12:16

Vphaungc raungnuiyq kvkaq nuiyc raungx mvshix raungnuiyq kvkaq nuimshiq rvtuimx vtueq nawk palx wuez shuinz. Kvruex raungnuiyq phuiuz svy tvkoc tvhungx htaungx shuinx maq lvy vtueq vganc kuex shuimc kay mvy muq.

DUNGWVNC 16:23

piq rueq, “Yehowa rueq ngoc invp raungnuiyq kuex vsawc nyec tvkuiyq raungnuiyq, vpiq muex lekuy rax ngoz tueq. Majuiuc raungnuiyq wanx shoay juing httax ruiux muinz shuz shuinz, vshungc vlumc juing httax ruiux muinz shunglumc shuinz. Phuiuz svy lot yix kvjungx yaq kuex invp raungnuiyq tvkoc taq shuinz, kvkhoc ruec tvkoc Yehowa rueq nvr yaq,” ngoz tueq.

DUNGWVNC 20:9

Mnoz rueq raungx tvruk tup m-yauk shuimc shuimx shuiux,

DUNGWVNC 23:12

“Nuimshiq rueq jepat shiz wawc raungx tvruk kuex yauk shuimx shuinz, yuq muinz raungx mvshix raungnuiyq yauk nauk shuimx kaz, nuimshiq dax hez nuiyc nuimshiq muex yauk shuimc kuy jix pungnuk phvnx htenc, nuimshiq nyvmx saz htenc tauk nyec tvkuiyq m-guilc kueq.

DUNGWVNC 31:15

Nuimshiq rueq raungx tvruk nuex httuiuc laz miqmac yauk shuimc kuex shuimc mvy yaq, yuq muinz raungx mvshix raungnuiyq kuex Yehowa muex vlekuq nyec tvkuiyq juing raungnuiyq rvtueq, kvruex raungnuiyq yauk shuimc jix waz kuex vthueyc rulc rvhumc tuex.

DUNGWVNC 35:4

Moshe rueq Israel miqsaz lotlaz muex, “Vruex kuex Yehowa rueq nvrc bomc rvtueq:

ISAIA 58:13

Yehowa rueq, “Vguilc Raungnuiyq kuex vsawc rvtueq ikhoc mnoz rueq tvtsanc ruiux, kvruex raungnuiyq pvkac vlap thuiyx muq maq, ngvy vsawc raungnuiyq kuex mnoz rueq tvtsanc nganc ruiux, kvruex raungnuiyq mnuex muinz khuemx shamx muq, yauk shuimx muq, vjungc vphvnc aungx muq kvjaz htenc kvjak muit ngoz ruiux yuq,

LEWI 23:3

Nuimshiq rueq raungx tvruk miqmac yauk shuimx shuinz, yuq muinz raungx mvshix kuex Vguilc Raungnuiyq rvtueq, nyec tvkuiyq guilc wuez kuinz. Kvruex raungnuiyq yauk nauk shuimx kaz, yuq muinz vdvmz nuex rvtuimx vtueq nawk palx wuez shuinz. Nuimshiq httax tuinx baung ruip saz nuex kvruex raungnuiyq kuex Yehowa tvkoc Vguilc Raungnuiyq rvtueq.