DUNGWVNC 23:12 - ASII LAKDAP Bible (BSI)

¹² “Liipan shi wa ratrok na saüli min ka shiiqlaq. Shatmaq ramiishi ranaiq niika minshiiqkai maimak. Kra rii haütiq ümdise kong kiimaq pong mungti ümjaqshamti kra nai ümnyamse kong raq niitiitsak ahai miraq.

Hawa Naga Bible 2001

¹² “Nuimshiq rueq jepat shiz wawc raungx tvruk kuex yauk shuimx shuinz, yuq muinz raungx mvshix raungnuiyq yauk nauk shuimx kaz, nuimshiq dax hez nuiyc nuimshiq muex yauk shuimc kuy jix pungnuk phvnx htenc, nuimshiq nyvmx saz htenc tauk nyec tvkuiyq m-guilc kueq.

DUNGWVNC 23:12 Referencias Cruzadas

NEHEMIA 13:16

Tajar chela wa aki, maiq wiijamti laopanbi ka Jerusalem na siraüta piikiiti asi riito. Tsangshiq raq ngiq, kiimaq laihin hupsam phanphan kra, Jerusalem na hoholili raüta, naishiqnok ma Asii Niitiitsak Ranaiq ranaiq na shakuqho tlo.

DUNGWVNC 16:23

Kiimaq apaiq raq tsangshiq ma nguto, “Tatiwe raq aming kuqto, anap ranaiq ka apii ranaiq, niitiitsak ahai chang. Arka apaiq ma akiinong kuq wan ranaiq. Namshiq winsii ako chang sitlaq ka ko ronglaq, kiimaq namshiq raq kham maq alum chang ka lum ronglaq. Jamlai wa chantlaq kriika anap ranaiq miitu pong na rai lanta thübaiq ronglaq.”

DUNGWVNC 23:11

Shatmaq wiimiishi she angu na kra wak ka naq shamsiq kiq. Kiikhiili thülaq. Kra rawii ka kiijaq jamlai wa dong mantlaq kriimin naq jut siq kiq. Miitsan maiqse raq mijut siqlaq. Kra bung tiichongtlaq kriika rum nyamse raq miphaq siqlaq. Üm spiqtsi ro nai olip tsiro kiimin kiikhiisii thülaq.

DUNGWVNC 34:21

“Namshiq ma minshiiq sea miitu liipan shi wa ratrok asi. Shatmaq ramiishi ngo ranaiq na jaqsham kai maimak. Arka nithechoji niimin kiimaq tsamjut choji niimin jaqsham kai maimak.

DUNGWVNC 35:2

Namshiq raq minshiiq miitu ka ratrok asi. Shatmaq ramiishi ngo ranaiq ka asii. Kriika Ngi Tatiwe ma ramram raüta akiinongkuq niitiitsak ranaiq. Jurwa kra ranaiq na phanshi ra jaq sham raüla kriiti ka atsea baiq chang.

DUNGWVNC 35:3

Asii Niitiitsak Ranaiq ka namshiq jam na pe awa chaq min maimak!”

ISAIA 58:3

Mungmaiqse raq waitlo, “Nashiq raq atu na amang maq achu jaramli wa mijaü, Tatiwe raq chhimak jiika? Nashiq ka dung seahü amang maq jaramli wa misi i, apaiq raq atsantsii kuqmak jiika?” Tatiwe raq tsangshiq ma ngutlo, “Riikhaq tengteng bomtsi ka ara. Namshiq raq amang maq achujaü tlan akhing na, namshiq riika maiqmii miitu kli tiimatlan. Kiimaq namshiq jaqshamtibi ka ahaihii riitlan.

LEWI 23:3

Namshiq raq minshiiq miitu ka ratrok asi. Shatmaq ramiishi ranaiq ka tsan na tiitsang ronglaq. Kriika Asii Niitiitsak Ranaiq. Kra ranaiq ka niitiitsak ranaiq. Kra ranaiq jaq naqsham rongkiq. Shatmaq noqku na riitam lanta shomnoq ronglaq. Asii Niitiitsak Ranaiq ka Tatiwe rii. Namshiq ka ümriiba na sihan jiimin, arka Tatiwe rii.

Mark 2:27

Kra ngu raütiishe, Jesuq raq abom ka akha shatto, “Asii Niitiitsak ranaiq kriika maiqse ma hansang maq siwan miitu atiihong kuq. Maiqse sitlaq kriika Asii Niitiitsak ranaiq miitu ka riimak.

Luke 13:14

Shatmaq, kra chhi raüta sinagok wa maiqla we ka, Jesuq raq Asii Niitiitsak ranaiq atsi asi tiihea kuqtlo nguta akhiq riito. Kra ningkhan, apaiq raq nokwe ka akha sonto, “Namshiq ma jaqsham miitu ka liipan shi na rahiq ka ratrok asi. Namshiq raq jaqsham chang ka, ara ratrok liipan na walanta, atsi asi ka tiihea walili rong laq. Shatmaq, Asii Niitiitsak ranaiq niika, atsi asi tiihea ka ra mak!”