DUNGWVNC 23:13 - ASII LAKDAP Bible (BSI)

¹³ “Ngi, Tatiwe raq ümniima tsii ümchuwa chongkuq kang kra tiitsang tailaq. Laihin phra kong jaq wa achu naq jaüki. Tsangshiq mang thun kiimin achong maimak.

Hawa Naga Bible 2001

¹³ “Nuimshiq muex ngaz Yehowa rueq jungx vphaungx phvnx ruip saz kuex tay shuinz. Vganc tishox htenc kox wawc nauk thoz kaz; kvruex hez muingc htenc doc muinz nauk jungx kaz.

DUNGWVNC 23:13 Referencias Cruzadas

Tvtsvmc 16:4

Juwa laihin phra thun tijong hokai pintrang tlaq tsangshiq maiqmii khuthaq na chamchao holai pahea tiisaütlo. Ngi ka tsangshiq raq honglu thun takuqtlaq kiijaq lomdam mang; Ngi raq tsangshiq tiikea thun ka shomnoq mang.

Tvtsvmc 39:1

Ngi raq ngukang, “Ngi raq jamlai wa shamtiikang kra honkamshat mirha kiimaq itili lümaq ngi ngarai tang mang mirha; itho na abi maiq kong sishat na ngi raq inübok ka asuk lata mithüha.”

DUNGWVNC 23:24

Tsangshiqnok phra kong khaki na naq bumkiq. Riimakla kriithun ka naq noqkiq. Kiimaq tsangshiqnok miikam miisham thunglai ka naq lang kiq. Tsangshiq phra kong ka wiita tiithenbaiqlaq. Laüta tsangshiq raq asii longkham thun ashong ka wiita tiibun baiqlaq.

DUNGWVNC 23:32

Tsangshiq rai jamphan niimin naq pong damkiq. Riimakla tsangshiq phra thun rai min naq pong damkiq.

JEREMIA 10:11

(Namshiq mungmaiqse raq tsangshiq ma chongke ratlo kra phra sumla thun, tsangshiq riika ra nai hiq ka tiiq wan mak dea. Tsangshiq thun ka wiita mishthenbaiq. Tsangshiq ka mangjong hiq na ümba niimin simak she miraq.)

Hosea 2:17

Jamkhano ngukla kra akhing na, Ngi raq anübok wa Baal phra mang thun ka alamshe mirbaiqha. Krai mren Baal phra mang thun ka tsangshiq nübok maq dongmak she miraq.

JEKERIA 13:2

Kra akhing na, ngi raq armung wa phra mang thun wiita mitiithumbaiqha. Kriithun ka jai na jurmin tiimaki mak she. Ngi raq arot shammibi wiita milambaiqha. Kiimaq phra sumla noqpi tsantsii ka wiita milambaiqha.

WEAWEA 32:38

Nebo chela, Baal Meon chela (armang ka aklai riito), kiimaq Sibma chela thun kra tiihea haito. Tsangshiq raq chela thun tiihea haitaq kriika anye she mangto.

Ephesians 5:12

Tsangshiq raq ranyaq nyang maq, jamlai wa sham tlaq, kriika achong ma nü min kimak. Jeasi miari.

Ephesians 5:15

Ara chongtiikai arai mren, ümchaü sanha, namshiq ka honkam shat maq si ronglaq. Angok angi kong ikha naqsi wan rongkiq she. Setsang setsii ma ja lantiishe si ronglaq.

TRI CHONGKE 12:3

Tsangshiq berong-wacha thun kra wiita runbaiq ronglaq. Kiimaq tsangshiq raq maiqwe Baal phra ma akiinongkuq long berong kham thun kra wiita bunlak buncha tiibun baiq ronglaq. Tsangshiq raq jechak phra Ashera ma akiinongkuq berong kham thun kra wiita wa maq chaq baiq ronglaq. Kiimaq tsangshiq sumla phra phong kra wiita bunlak buncha chumbaiq ronglaq. Krai mren kriithun sumla ka kra hiq ba thun na ümtiikiimin shomnoq mak she mirlaq.

TRI CHONGKE 4:15

“Ümtiikiiwa Tatiwe raq namshiq rai Sinai Pum maq walü mong maq riibomtaq akhing na, namshiq raq apaiq sham ka chhi man dea. Riita namshiq maiqmii ma ahea miitu, tsan na atsi dada thü ronglaq,

TRI CHONGKE 4:23

Namtsan na pharang rang tiitsang ronglaq Tatiwe namshiq Shiikeawe raq namshiq rai tongshong wantaq kra laqbaiq raamak. Apaiq raq namshiq rii jamlai phan sumla min haihun maimak nguta aming kuqtaq kra lang ronglaq.

TRI CHONGKE 4:9

Namshiq ka hon kamshat maq sironglaq! Namshiq raq maiqmii mak maq jamlai wa chhi wan lan thun kra, namshiq ka atra sitlan wiiwii, arka ümtiikiimin naqlaq rongkiq. Namsetiim ma kiimaq namsaütiim ma arthun ara chongkuq lili ronglaq.

TRI CHONGKE 6:1

“Arthun thungtri raütu ara Tatiwe namshiq Shiikeawe raq namshiq ma shrinkuq laq nguta aming kuqto. Namshiq ka mung ashi na saü wan lanta hiq ka jiiwantlan kiijaq ara thungtri ara lang lanta siwan ronglaq.

1 Timothy 4:16

Ümbom ümsa na, ümrong ümrai na, maiqla ashi nguta kamto maq silaq. Asii bomtsi shrinkuq tlaü kra, jaqkhon ka tiiphashat maq, shrinkuq laq. Laüta ümrilung na tsapkapkap maq lang laüta silaq. Kra ümrilung jaqsham kra lü miitiq, ümkhum kra mitiichhii wan haü. Kiimaq nanok ümbom tai wantibi rilung kiimin mitiichhü wan.

Hebrews 12:15

Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.

JOSHUA 22:5

Mosheq raq namshiq ma aming tri raütu kuqtaq kra tsapkapkap maq lang ronglaq: Tatiwe nam Shiikeawe ka lungwii ronglaq, apaiq raq thimitlaq kra sham ronglaq, apaiq aming thun kra lang ronglaq, apaiq wokhong na phaqchii nichii maq sironglaq, kiimaq tsan nai mongjii wiita kuq lanta apaiq ka shiili lii ronglaq.”

JOSHUA 23:11

Arningkhan, namshiq raq Tatiwe nam Shiikeawe ka, honkam shat maq lungwii ronglaq.

JOSHUA 23:7

Kiimahali, namshiqnok phong na tsangshiqnok abung tiichongkitaq kra rai, adam na shongnga maimak, kiimaq tsangshiqnok phra kong kra mang chong lanta sinkiitiq bomkham maimak, kiimaq kra phra thun ka shomnoq raamak, riimakla tsangshiq khaki na anoq bumkai maimak.