DUNGWVNC 23:13 - Hawa Naga Bible 2001

¹³ “Nuimshiq muex ngaz Yehowa rueq jungx vphaungx phvnx ruip saz kuex tay shuinz. Vganc tishox htenc kox wawc nauk thoz kaz; kvruex hez muingc htenc doc muinz nauk jungx kaz.

ASII LAKDAP Bible (BSI)

¹³ “Ngi, Tatiwe raq ümniima tsii ümchuwa chongkuq kang kra tiitsang tailaq. Laihin phra kong jaq wa achu naq jaüki. Tsangshiq mang thun kiimin achong maimak.

DUNGWVNC 23:13 Referencias Cruzadas

Tvtsvmc 16:4

Vganc tishox htenc kvnvp naungc jix htenc kuex tsuingshiq shauk pumz nuex kuilc daz lvmx paunghvlc rvhumc wvnc tuex. Tsuingshiq rueq shomc nawk kuq yaq kvyuq ngaz kuex lomx mauk; tsuingshiq tishox htenc kuex ngaz rueq nawk palx mauk.

Tvtsvmc 39:1

“Ngaz rueq shuimx shaungx yauk shuimc nuex honc maq httax taungx, ngvy tvlix maq mvrax tvshuimc mauk; honc bac jix miq vnyek nuex ngoz ruiux ngaz rueq yvmx muinz jungphvnx shauk rvmuq” ngoz tueq ngaz rueq jungx tauk.

DUNGWVNC 23:24

Tsuingshiq tishox htenc kuex bumx vtueq nauk nawk palx kaz, tsuingshiq htungx vlayx kuex nauk phvnx kaz. Tsuingshiq vsawc lunghtung htenc nuiyc tsuingshiq tishox htenc kuex tvbac tv-ngawk gay shuinz.

DUNGWVNC 23:32

Tsuingshiq rulc rvmuq ngoz ruiux tsuingshiq tishox htenc rulc nuimshiq nauk rungx raz naungx kaz.

JEREMIA 10:11

Raungx nuiyc ghaq kuex tvdung muq tishox htenc kuex tvbac gay rvhumc tuex. Tsuinghez kuex ghaq htauk vyuq mruex baung nuex muinz yauk lox saz httax lvp tuex rvmuq, ngoz tueq mmiqsaz htenc kvmac mnoz rueq jungx shuiuz.)

Hosea 2:17

Ngaz rueq piq muex Bala muingc kuex mkaq muinz tvjungc yek shaungx rvmuq.

JEKERIA 13:2

Kvkaq yac yuimx htenc muingc jungc kuex mungtan kvwawc tvhttot lvmz gay shuex, yix maq uraq muinz rvwvl yek shuex rvmuq shex. Shvmmax yaungc tvkoc jungc jix ukhaq muinz ngaz rueq lvmz gay ruiux, yac yuimx htenc nawk palx muex raungc raq thuinz htenc kuex lvmz gay shaungx.

WEAWEA 32:38

Nebo ghaq Bala Meon ghaq, (vruex ghaq muingc kuex vlayc rvgay tueq), nuiyc Sibma ghaq htenc kuex tvhvlc guirx wuez yek tueq. Tsuingshiq rueq tvhvlc guirx wvnc yek tueq ghaq htenc kuex ghaq muingc vnyalx muingc wuez tueq.

Ephesians 5:12

(Tsuingshiq rueq vguiuq vyumx maq vshuimx yauk shuimc htenc kuex tvkhic tvkoc pinhtumc yvlc svy juing rvtueq.)

Ephesians 5:15

Kvkhoc rvtueq nuimshiq yvmx khoc lac thuiuzthuic tvraungx httax vtuinx kuex vhvlx waq lawc shuinz. Tharc guez vngauk vngaz jix ikhoc rvmuit maq, wvtharc jix ikhoc khuemx wuez kuinz.

TRI CHONGKE 12:3

Tsuingshiq shomrawx htenc kuex httak gay ruiux, vsawc lunghtung htenc kvmuinz tv-ngawk wung gay shuinz. Tsuingshiq Ashera tishox nyuiuz yac kuex jauk gay ruiux, kvruex baung htenc kvyuq tsuingshiq rueq mkaq muinz nawk palx yek muq laz juing, tsuingshiq tishox yac htenc kuex soalc tawk gay shuinz.

TRI CHONGKE 4:15

“Yehowa rueq Sinai Kanx htauk wvr mungx maq nuimshiq rulc kvjak tueq nuex nuimshiq rueq vpiq shvmx vrvmx kuex raungluingx muinz khiz muit rvtuit rulc rv-ngvlc,

TRI CHONGKE 4:23

Kvkhoc rvtueq Yehowa nuimshiq Tishox rueq taq shec tueq bomkhvrc kuex lauk gay ruiux raz tueq, vpiq rueq vtvwanc taq hup vsvmx shvmx vrvmx rulc rv-ngvlc laz guirx yaq yac yuimx kuex nauk tvhungx kaz, miqmac mac rueq honc lvmz wuez shuinz.

TRI CHONGKE 4:9

Nuimshiq honc lvmz wuez shuinz! Miqmac muik maq khiz wvnc tuit htenc kuex lauk gay muit tvkoc tvmaung hvt rvshuinz. Kvruex lvmz kuex nuimsaz hez nuiyc nuimsuiuz hez muex jungx kuq wuez shuinz:

TRI CHONGKE 6:1

“Vruex htenc kuex nuimshiq muex tvluingc kuy tvkoc Yehowa nuimshiq Tishox rueq ngaz muex nvr phuex tvrac lotlaz rvtueq. Nuimshiq nyuip vtueq lvp khvt wvnc shuinx mungtan maq vruex tvrac htenc kuex phvnx wuez shuinz.

1 Timothy 4:16

Mshauk pumz kvmuinz mnoz rueq tvluing kuq vshuiux lvmx kvmuinz honc maq bvmc shuiuz. Mnoz rueq vruex phvnx htenc kuex shuimx shuiuz, yvmx khoc lac ngoz ruiux lec kvkhoc shuimx kaz ruiux yuq kuex mshauk pumz muinz, mkvjaz tay wvnc jix htenc kvmuinz palc wvnc lvp shuiux rvtueq.

Hebrews 12:15

Tishox kejux wawc kvyez wvnc jix yaungx muq mruez kueq, tvwungx wuez shuinz. Vkhuip pulx ruingx kuex peluz wvnc vtueq piq vyangx maq kuilc daz paunghvlc tvrvhumc kuq yaq ikhoc, nuimshiq ukhaq nuex muinz kvkhoc yaungx muq mruez kueq, honc lvmz wuez shuinz.

JOSHUA 22:5

Moshe rueq nvr kv-phuinx tvrac kuex phvnx wuez shuinz: Yehowa nuimshiq Tishox muex lungwawx shuinz, vpiq thuinroc shuimx kaz vtueq, vpiq tvrac htenc kuex phvnx shuinz, vpiq nuex tvmtuing httax vtueq nuimshiq thuinz vmungx lotlaz maq nuiyc rullungx lotlaz maq vpiq muex nawk palx kuq shuinz,” ngoz tueq jungx tueq.

JOSHUA 23:11

Kvkhoc rvtueq honc lvmz hvt maq, Yehowa nuimshiq Tishox muex lungwawx wuez shuinz.

JOSHUA 23:7

kvmaq nuimshiq rulc kvjungx yaq miqsaz htenc kvrulc rvshot shauk httax muit tvkoc muinz, tsuingshiq tishox htenc muingc kuex jungx muit, kvruex muingc maq kvtuemc muit nuiyc kvruex tishox htenc kuex bumx vtueq nawk palx mvy muq.