DUNGWVNC 23:11 - ASII LAKDAP Bible (BSI)

¹¹ Shatmaq wiimiishi she angu na kra wak ka naq shamsiq kiq. Kiikhiili thülaq. Kra rawii ka kiijaq jamlai wa dong mantlaq kriimin naq jut siq kiq. Miitsan maiqse raq mijut siqlaq. Kra bung tiichongtlaq kriika rum nyamse raq miphaq siqlaq. Üm spiqtsi ro nai olip tsiro kiimin kiikhiisii thülaq.

Hawa Naga Bible 2001

¹¹ Yuq muinz wawc mvshix vngoz raungwawc kuex kvkhoc dvyx taq shuinz, kvruex yuq vkoz kemz wawc vthuey vngoz kuex nauk tvjomx kaz. Htemc saz jix rueq kvyuq koz kemz yaq kuex mphauk saq shueq, kvjungx yaq kuex yaruix ngvmx saz tvkoc m-yaungx kueq. Nuimshiq svpiq sunc nuiyc olip sunc wawc muinz kvkhoc jvnc ruez shuinz.

DUNGWVNC 23:11 Referencias Cruzadas

NEHEMIA 10:31

Ümchaü sanha, Asii Niitiitsak Ranaiq ranaiq lo, laihin apii ranaiq niilo, nashiq phana pongmung maiqse raq hai awong, kiimaq huk asam howan raüta shawa raü la, rimai she. Kiimaq, rawii wiimiishi apaiq tumwan tlaq rawii akhing na, wak ka shamsiq mai she. Kiimaq thamtham thiilam, alap wan chang ümchuwa sitlaq, kra thiitham athü wan kriimin, wiita adüshe mirbaiq rong i.

NEHEMIA 10:32

Kiimaq, rawiitek Shomjam na khoro khosha raa tlaq kra chomke wan miitu, nashiq maiq loweatek raq, kampho sii ka shekel ashi wa, mantsam na tiikho laita, manshi rii kra kuq wan lili mirii rong i.

DUNGWVNC 23:10

“Wiitrok na saüli ümwak ka shamsiqlaq. Laüta wak na jamlai phan wa chhi jangtlaü kra jut laüta phaqsiqlaq.

DUNGWVNC 23:12

“Liipan shi wa ratrok na saüli min ka shiiqlaq. Shatmaq ramiishi ranaiq niika minshiiqkai maimak. Kra rii haütiq ümdise kong kiimaq pong mungti ümjaqshamti kra nai ümnyamse kong raq niitiitsak ahai miraq.

LEWI 25:20

Shatmaq maiq ashi ra raq, riita wiimiishi rawii ka jambawo miphaqsiq, wak na jaq shamsea hü maq kiimaq tsam jut kai hü miika nguta bom ka miwai.

LEWI 25:22

Krai mren, namshiq raq wiitiichat she angu rawii wak jaqsham siq tlan akhing niimin, namshiq riika wiitrok rawii na alap rat han tsamchü tumwa kra phaqsiq lantli misi han. Kiimaq namshiq wak shamki tlan wiinye akhing na tsam nye sea raq lowantlaq akhing niimin tsam chü kra phaqsiq lantli misi han. Tsamchü siq lantli tsamnye ka mijut han.

WEAWEA 16:14

Ümniiraq naishiq ka hiq po hiq win mung na shea wan maü shaq li. Riimakla naishiq ma wak ajam kiimaq spiqtsi ro sunruk thun ka naishiq ma tachong hupsam kuq maü shaq li. Kiimaq ümchaü ümniiraq naishiq ka alao riiha jaq nguta dan tlaü. Naishiq ka ümphana wamai!”

TRI CHONGKE 15:11

Israilnok phong wa miitsan maiqse ka siruq miraq. Kiimaq athüm alitti ka siruq miraq. Kra ningkhan Ngi raq ümniima tsangshiq ka jaqchii jichii maq khrum kuqlaq nguta aming kuq tiikang.