DUNGWVNC 23:11 - Hawa Naga Bible 2001

¹¹ Yuq muinz wawc mvshix vngoz raungwawc kuex kvkhoc dvyx taq shuinz, kvruex yuq vkoz kemz wawc vthuey vngoz kuex nauk tvjomx kaz. Htemc saz jix rueq kvyuq koz kemz yaq kuex mphauk saq shueq, kvjungx yaq kuex yaruix ngvmx saz tvkoc m-yaungx kueq. Nuimshiq svpiq sunc nuiyc olip sunc wawc muinz kvkhoc jvnc ruez shuinz.

ASII LAKDAP Bible (BSI)

¹¹ Shatmaq wiimiishi she angu na kra wak ka naq shamsiq kiq. Kiikhiili thülaq. Kra rawii ka kiijaq jamlai wa dong mantlaq kriimin naq jut siq kiq. Miitsan maiqse raq mijut siqlaq. Kra bung tiichongtlaq kriika rum nyamse raq miphaq siqlaq. Üm spiqtsi ro nai olip tsiro kiimin kiikhiisii thülaq.

DUNGWVNC 23:11 Referencias Cruzadas

NEHEMIA 10:31

Pungnuk miqsaz htenc rueq naungshiq kuex Vguilc Raungnuiyq nuiyc vganc vsawc raungnuiyq nuex tuiuz vtsvmz nuiyc vganc phvnx shishiz vshaungc muex laq ruiux yuq, naungshiq rueq tsuingshiq kox wawc ruiyx shix rvmuq. Naungshiq rueq wawc mvshix httuiuc tuex tek wuik vnax kuex shuimx miq, htawz htuimc httax yaq lotlaz tv-nyingx tvmaq gay vshix.

NEHEMIA 10:32

Naungshiq rueq wawc tek vtueq Shomc Yuimx nuex shuimc lvmc tvkoc kuimphox sawx gram 5 kuex mvnz tvjvt wawc mvnz shiz htawc wuez vshix.

DUNGWVNC 23:10

“Nuimshiq rueq miqmac wuik nuex wawc tvruk tup khic yuingc shuinx wawc vthuey vngoz kuex tvjomx taq shuinz.

DUNGWVNC 23:12

“Nuimshiq rueq jepat shiz wawc raungx tvruk kuex yauk shuimx shuinz, yuq muinz raungx mvshix raungnuiyq yauk nauk shuimx kaz, nuimshiq dax hez nuiyc nuimshiq muex yauk shuimc kuy jix pungnuk phvnx htenc, nuimshiq nyvmx saz htenc tauk nyec tvkuiyq m-guilc kueq.

LEWI 25:20

Yuq muinz miq wvyvmc rueq wawc mvshix vngoz raungwawc kuex yvmx phuiuz svy juing lac? Wuik vnax nuex muinz khic yuingc miq, vthuey vngoz muinz tvjomx miq, ngoz tueq wiz shuinx.

LEWI 25:22

Nuimshiq rueq wawc tvjvt vngoz raungwawc wuik vnax kuex khic yuingc ruiux yuq, wawc tvruk vngoz raungwawc vyut taq vthuey vngoz kuex phauk saq shuinx, kvruex raungwawc khic yuingc shuinx thuey vngoz kuex max yut wawwawx nuimshiq muex phuiuz vsvy tvshoarc woarc kuq shuex.

WEAWEA 16:14

Mnoz rueq nuiyshiq kuex phuiuz vsvy rungwanx yaq mungx nuex tvhttuiuc kuq lot muq kvdvyx muinz rvmuq, nuiyshiq rueq lvp juing wuik vnax nuiyc svpiq sunc htenc muinz kuq lot muq, mnoz rueq nuiyshiq kuex laulawc svy muex kvmungx vshuiux. Nuiyshiq kaz miq!” ngoz tueq jungx wuez tueq.

TRI CHONGKE 15:11

Nuimshiq nuex htemz vrvmz jix Israel miqsaz kuex mkaq muinz httax tuex, kvkhoc ningkhvnc nuex tsuingshiq muex vkuy roc thuinz maq kuy tvkoc ngaz rueq nvr vphaungx.