DUNGWVNC 32:8 - ASII LAKDAP Bible (BSI) Ngi raq tsangshiq ma aming kuq lata lamphan tiichhikuq kang kriika phan mak she miimbaiqto. Tsangshiq raq chaq maq saüla pongse ashi loto, raüta kriishe shomnoq hoto. Raüta kriima honglu thun takuqto. Tsangshiq raq arka tsangshiq phra kaü, tsangshiq ka Ejip mungwa shea wanti nguta ngutlo. Hawa Naga Bible 2001 Tsuingshiq kuex ngaz rueq nvr tauk lvmx kvwawc rv-phvlc wvnc wuez vtuex; tsuingshiq rueq kuimshawx tvyuimx vtueq vlauz manx yac kuex guirx tvhungx ruiux, kvruex mac shomc nawk kuy shomc kuq vtueq nawk palx wuez yaq. Tsuingshiq rueq ngoc vruex kuex Ejip mungx wawc naungshiq tvdungc shvlc lvy jix tishox rvtueq, ngoz tueq ngoz wuez yaq. |
Apaiq kra bomtsi khu thaq na heashi asha puq shiwea wan raütiishe, apaiq raq chaq maq minsaü pongse nai anai sumla loto. Raütiishe apaiq asenginok mungmaiqse ma akhiishe nguto, “Namshiq ka lam luhea kilili lantea Jerusalem na Shiikeawe shomnoqkai kitlan. O Israilnok singmung maiqse lei, liimanta arjaq ahata namshiq phrakaütiim, namshiq ka Ejip mung wa shea wanti!”
Tsangshiq raq minsaü pongwe sumla hai wanto. Raüta, ‘Ahata Ejip mung wa nashiq shea wanti phra kaü ira!’ nguta, noq wanto. O, Tatiwe lei, tsangshiq raq ümniika pinthum, tairai wanto!
Shatmaq tsangnübok maq jamlai wa bomtlaq kriika arotli riitlo; tsangshiq raq jamlai wa bomtaq thun kriika tsan mong maq tengteng abom ka riimak.
Namshiq Ngi tiitsuq ma shomnoq wan miitu phra thun ka kampho maq riimakla chaq maq naq klo rongkiq.
“Jurwa Ngi Tatiwe ara tlea raüta laihin phra ma honglu takuqtlaq apaiq ka atsea baiq ratlo.
Kiimaq apaiq raq niti thun ka jaüto, raüta wa na tiijamto. Raüta chaq ka thang na loto. Raüta chaq maq saüla pongse sumla ashi loto. Kra chhi raüta mungmaiqse raq nguto, “Israilnok lei, ahata nashiq phra kaü, Ejip mung wa nashiq sheawanti!”
Kra mungti rai namshiq raq wehea riija tongshong raamak. Jamkhano ngukla tsangshiq raq tsangshiqnok thatsang phra kong kra shomnoq tlaq akhing na kiimaq honglu takuq tlaq akhing na, tsangshiq raq namshiq min lomki dam rongkiq nguta, namshiq ka mihea, kiimaq namshiq ka tsangshiqnok phra kong ma honglu na ataakuq phaqsea kra lomdam chang she mijaki.
Maiqse raq tsangshiq thongkhiiq kra lintlo; raüta chaq ngam ka raükhok khok raükuqtlo; raüta tsangshiq raq kampho ka tok na shintlo, raüta tsangshiq raq tiiqwe ka amaq kham na shiiptlo tisho sumla tiitiiq miitu; raütiishe tsangshiq ka hiq na bum raüta kra sumla ka noqtlo!
Kriika Ngi raq tsangtitiim ka Ejip mung wa Ijaq maq hit lata sheawan kang akhing na tongshong chü shong wan kang kiikhiika riimak she miraq. Kra pat na Ngi ka tsangshiq ma awese ikha siwan kang. Shatmaq tsangshiq raq itongshong tri raütu ka lang wan mak riito.
Israilnok raq man na tsangshiq raq nyamse thun ka chhechhi tsak kaü ma wak ram hiqsii thung na honglu takuq tlaq kiikha take wan ka maimak dongdii she. Israilnok raq ara thungtri ka pattup lang wan ratlo.
Tsangshiq arot phrakong ma honglu takuqto, tsangtitiim raq sap mak dongdii anye phra kong, Israil raq noq wan mak phra kong noqto.
“Kiitiikaq Tatiwe raq ngi ma nguto, ‘Ümniika tiidolaq. Laüta pumji na jaqlo thit sat kikiq. Jamkhano ngukla, ümsenginok, ümniiraq Ejip mung wa atsuq wan thun ka ashut she jakito. Raüta abi she kloto. Ngi raq tsangshiq ma aming akuqha kra jin raüta lamjiq niishe kihoto. Raüta tsangshiq raq tsangshiq miitu sumla phra she tiiqto.’
Ngi raq namshiq ka Tatiwe namshiq Shiikeawe raq namshiq ma aming kuqtaq kra ajinbaiq wishe chhihokang. Kiimaq namshiq raq maiqmii miitu jin ngam phan maq minsaü pongse sumla ashi apaiq ngeng ma tiiq lanta ngarai tanglan.
Raüta tsangshiq ka Gilead wang na, Reuben phan, Gad phan kiimaq Shedong nü na siti Manase phan phana riihum wato.
Shatmaq Israilnok raq tsangwelabi bom ka taimak riito. Israilnok raq Tatiwe ka tsapkap mak shisheto. Kiimaq laihin phrakong khoti shomnoqhoto. Tsangwetiim riikaq Tatiwe aming thun lang wanto. Shatmaq ara senye pat raq kra lamphan ka jaqloli athaq she riibaiqto.
Shatmaq apaiq raq akha hali ngunongto, “Ikhiijiika, ngi raq namshiq ma bom poshi chong pha. Namshiq khumtek raq sepat lopi tsiiq niti thun lam wan lan riiwe kli ana ijaq na kuq rong laq.” (Kumtsaiphii wang na shongtinok thun riika chaq niti laktum laktlo).