DUNGWVNC 32:8 - Hawa Naga Bible 2001

⁸ Tsuingshiq kuex ngaz rueq nvr tauk lvmx kvwawc rv-phvlc wvnc wuez vtuex; tsuingshiq rueq kuimshawx tvyuimx vtueq vlauz manx yac kuex guirx tvhungx ruiux, kvruex mac shomc nawk kuy shomc kuq vtueq nawk palx wuez yaq. Tsuingshiq rueq ngoc vruex kuex Ejip mungx wawc naungshiq tvdungc shvlc lvy jix tishox rvtueq, ngoz tueq ngoz wuez yaq.

ASII LAKDAP Bible (BSI)

⁸ Ngi raq tsangshiq ma aming kuq lata lamphan tiichhikuq kang kriika phan mak she miimbaiqto. Tsangshiq raq chaq maq saüla pongse ashi loto, raüta kriishe shomnoq hoto. Raüta kriima honglu thun takuqto. Tsangshiq raq arka tsangshiq phra kaü, tsangshiq ka Ejip mungwa shea wanti nguta ngutlo.

DUNGWVNC 32:8 Referencias Cruzadas

1 HOKHVMX 12:28

Kvruex lvmz kuex tvmaung lot yix, kuimshawx maq manx pung vnueyc yac kuex tvyuimx lauz vtueq piq miq htenc muex ngoc, “Yerusalem nuex kaz vtueq nawk palx muex nuimshiq tvkoc lvmx vluz khuemc juing yaungx yaq. Kvkhoc rvtueq Israel miqsaz htenc lex, Ejip mungx wawc nuimshiq tvdungc shvlc wvnc jix nuimshiq tishox htenc kuex vruex yuq httax yaq!” ngoz tueq jungx tueq.

NEHEMIA 9:18

Tsuingshiq rueq manx saz yac yuimx kuex tvhungx guirx ruiux, vruex tishox vraq Ejip mungx wawc tvdung shvlx wvnc phuex ngoz tueq ngoz wuez yaq! Yehowa lex, tsuingshiq rueq mnoz muex pinhtumc yomnamc wuez yaq!

Tvtsvmc 106:19

Tsuingshiq rueq Sinai maq kuim- shawx manx pung vshiz yac yuimx kuex tvhungx vtueq nawk palx wuez tueq.

Tvtsvmc 78:36

Yuq muinz tsuingshiq rueq jungphvnx yaq htenc kuex vrot vkaq kvjaz jvnc dvyx rvtueq; tsuingshiq rueq jungphvnx yaq lvmx htenc thuinz vlanx rvmuq.

DUNGWVNC 20:23

Nuimshiq rueq ngaz maq lvy vtueq kuimphox, rvmuq ngoz ruiux kuimshawx maq tishox htenc yac kuex tvhungx mvy muq, nuimshiq rueq ngaz vruex dvyx nawk palx rax.

DUNGWVNC 22:20

“Ngaz, Yehowa maq lvy vtueq vganc tishox muex shomc kuy jix waz kuex vthueyc murx tvgurc rax.

DUNGWVNC 32:4

Piq rueq kuimshawx nac jic htenc kuex tvyuimx shuz vtueq, manx saz vshiz kuex tvhungx tueq. Miq htenc kvraq, “Israel miqsaz lex tishox vruex kuex Ejip mungx wawc nuimshiq tvdungc shvlc lvy jix naungshiq tishox rvtueq!” ngoz tueq jungx tueq.

DUNGWVNC 34:15

Nuimshiq rueq kvruex mungx wawc miqsaz rulc kungjix bomkhvmc nauk rvtvy kaz, yvmx khoc lac ngoz ruiux lec tsuingshiq rueq tsuingshiq tishox htenc muex nawk palx vtueq shomc nawk kuq shuex nuex nuimshiq kuex gvl ruiux, tsuingshiq tishox htenc muex vshomc kuq phuiuz vsvy maq laulawc rvhumc tuinx rvtueq.

ISAIA 46:6

Miq htenc rueq tsuingshiq khak lanx vtueq kuimshawx kuex ruiuc htawc tueq; tsuingshiq rueq kuimphox htenc muinz tawk nuex shenc tueq. Tsuingshiq rueq tishox yac tvjek muex jek waz kuex shap tueq; kvruex yimaq tsuingshiq rueq bumx vtueq nawk palx wuez yaq.

JEREMIA 31:32

Kvruex bomkhvrc kuex ngaz rueq tsuingshiq kuex Ejip mungx wawc yauk maq het vtueq shvlx wvnc tauk nuex, tsuingshiq jix vwaz tamx rulc vtaq ikhoc rvmuq. Ngaz kuex tsuingshiq tvkoc vtaungx waz ikhoc yaungx vtaungx rvhvt maq tsuingshiq rueq bomkhvrc kuex phvnx muq.

LEWI 17:7

Israel miqsaz htenc rueq yaruix nuex tsuingshiq nyvmx saz htenc kuex thvt vtueq khelkhix htaungc htenc muex shomc nawk wvnc tueq kvkhoc maq Yehowa nuex tvmtuing vguez yaungx tuinx rvmuq. Vruex tvrac kuex Israel miqsaz htenc rueq pattup phvnc tvy juing rvtueq.

TRI CHONGKE 32:17

Tsuingshiq rueq tishox rvkhauk laz rvmuq htenc kvmuinz, tsuingshiq jix vwaz tamx rueq mkaq muinz tuiuz muq tishox vnyalx htenc muinz, Israel miqsaz rueq mkaq muinz phvnx muq shauk, tishox htenc muex shomc nawk kuq wuez yaq.

TRI CHONGKE 9:12

“Kvruex yimaq Yehowa rueq ngaz muex ngoc, ‘Ejip mungx wawc mnoz rueq shvlx wvnc toq mmiq htenc rueq miqsuirc vsac yauk shuimc htenc shuimx wuez yaq ningkhvnc nuex kanx vmaq lvmx lvy svt kaz kuiuz. Tsuingshiq rueq shuimc kay tvkoc ngaz rueq nvr tauk kvwawc kvroz wvnc vtueq, tsuingshiq tvkoc yac yuimx kuex tvhungx guirx wuez yaq ningkhvnc nuex kanx maq yauk lox svt kaz kuiuz,’ ngoz tueq jungx phuex.

TRI CHONGKE 9:16

Nuimshiq kuex Yehowa nuimshiq Tishox rueq nuimshiq muex vkuq vpiq rueq vnvr kvjaz kuex tay muit maq, nuimshiq rueq nawk palx tvkoc manx saz yac yuimx kuex tvhungx guirc ningkhvnc nuex vpiq muex yaq wuez vtuinx kuex ngaz rueq khiz vphaungx.

JOSHUA 22:15

Ruben, Gad nuiyc Shaldungc Manase phvnx htenc httax yaq Gilead mungx nuex httuiuc kaz vtueq,

PHOWEBI 2:17

Yuq muinz Israel miqsaz rueq tsuingshiq nuk vyungx vlaungx bix kvjaz kuex tay muq. Israel miqsaz kuex Yehowa nuex tvmtuing vguez ningkhvnc nuex vganc tishox htenc kuex nawk palx wuez tueq. Yehowa rueq nvr tueq htenc kuex tsuingshiq jix vwaz tamx rueq phvnx tueq, yuq muinz saz nyalx pat rueq phvnx wuez muq shex.

PHOWEBI 8:24

Yuq muinz piq rueq ngoc, “Nuimshiq kox wawc ngaz rueq thoz juing phvnx shiz httax yaq. Nuimshiq rueq lvp taq tuit kuimshawx najic htenc kuex ngaz muex kuq wuez kuit,” ngoz tueq jungx tueq. (Median miqsaz kuex vganc kumtsvy tvnx nuex httaz jix miqsaz ikhoc kuimshawx najic jic wuez yaq.)