DUNGWVNC 32:7 - Hawa Naga Bible 2001

⁷ Yehowa rueq Moshe muex ngoc, “Kanx khung kvyuq yauk lox svt kaz kuiuz, yvmx khoc lac ngoz ruiux lec Ejip mungx wawc mnoz rueq tvdung shvlx laq toq miq htenc kuex mvrax yaq vtueq ngaz tvdux gay phuex.

ASII LAKDAP Bible (BSI)

⁷ Kiijiishe Tatiwe raq Mosheq ma nguto, “Jaqlo sat-hotlo laq. Jamkhano ngukla ümsenginok ümniiraq Ejip mung wa tsuq wan laü kriiraq ngarai tangto kiimaq Ngi ka no niishe tsuq baiqto.

DUNGWVNC 32:7 Referencias Cruzadas

2 KAÜWA WERAÜ 27:2

Piq kuex vwaz rueq shuimx wvnc tueq ikhoc Yehowa rueq raungc raq yaq yauk shuimc kuex shuimx tueq; yuq muinz vwaz rueq ikhoc Shomc Yuimx nuex vhomc vtumc phvnx jauk vtueq mvrax yaq muq. Mungx miqsaz kuex mvrax yaq hvt dvyx yaq wuez tueq.

Tvtsvmc 78:36

Yuq muinz tsuingshiq rueq jungphvnx yaq htenc kuex vrot vkaq kvjaz jvnc dvyx rvtueq; tsuingshiq rueq jungphvnx yaq lvmx htenc thuinz vlanx rvmuq.

DUNGWVNC 19:24

Yehowa rueq, “Mnoz svt kaz vtueq Arun kuex gvl wvnc loq. Yuq muinz shomc waz bix nuiyc miq htenc kuex ghaqruiy yanz vtueq, ngvy kox nuex duic waungc mvy muq, rvmuq ngoz ruiux ngaz rueq tsuingshiq muex murx tvgurc shaungx,” ngoz tueq jungx tueq.

DUNGWVNC 32:1

Miq htenc rueq kanx kvyuq Moshe kuex loayc hvlc httax kaz vtueq svt kaz muq shex kuex khiz vtueq, tsuinghez kuex Arun kox nuex komc tuimz rvtuimx kaz vtueq, “Nuiyshiq kuex Ejip mungx wawc tvdungc shvlc lvy jix waz Moshe kuex yvmx khoc wuez yaungx vtvnx nuiyshiq rueq tuiuz miq; kvkhoc rvtueq nuiyshiq muex lvmx shvlc kuy jix tishox vshiz kuex tvhungx guirx kuq koq,” ngoz tueq thoz wuez tueq.

DUNGWVNC 32:11

Yuq muinz Moshe rueq Yehowa piq Tishox muex kvmenc jenc jungx tueq kuex, “Yehowa lex, mnoz rueq Ejip mungx wawc kvmungx yunghvlc luimc vkawc maq palc daungc wvnc toq mphvnx miq htenc muex yvmx ngoz tueq lac khaq vtuiux?

DUNGWVNC 32:4

Piq rueq kuimshawx nac jic htenc kuex tvyuimx shuz vtueq, manx saz vshiz kuex tvhungx tueq. Miq htenc kvraq, “Israel miqsaz lex tishox vruex kuex Ejip mungx wawc nuimshiq tvdungc shvlc lvy jix naungshiq tishox rvtueq!” ngoz tueq jungx tueq.

DUNGWVNC 33:1

Yehowa rueq Moshe muex ngoc, “Mnoz nuiyc mnoz rueq Ejip mungx wawc tvdung shvlx wvnc toq miq htenc kuex vruex hong vmaq kvtenc kaz wvnc vtueq, ngaz rueq Abraham, Esak, Yaku nuiyc tsuingshiq suiuz vsaz muex kuq phaungx ngoz tueq bomkhvmc vkuq mungx kvyuq kaz kuiuz.

ISAIA 1:4

Nuimshiq kuex vphoc rvhumc tuinx, nuimshiq kuex ngarvyx vhttax phvnx rvtuit, nuimshiq kuex miqsuirc vsac nuiyc layx vbac rvtuit! Nuimshiq mvrax htenc rueq nuimshiq kuex tvrul het wvnc kv-phuinx! Nuimshiq rueq vsawc Israel Tishox kuex khawx lvlx vtueq yix tvnungx shung kuq wuez tuit.

DANIEL 9:24

“Lauk mvshix shix maq wawc rok mvshix ngoz yaq kuex mvrax nuiyc layx bac wawc mmiqsaz nuiyc mnoz vsawc ghaqyungx dungc wvnc tvkoc Tishox rueq vhtvp htaz vkhing vluz rvtueq. Mvrax dawc kuy rvhumc ruiux pattup tvrac vlvmz kuex phaungx ngaungx tuex, kvkaq romzyac tvkhic nuiyc rawshvmx bomc kuex vsuing yaungx wvnc vtueq vsawc Shomc Yuimx lekuq shuex.

Hosea 9:9

Tsuingshiq kuex Gibea ghaq nuex httax tueq jauz ikhoc, tsuingshiq rueq shuimx yaq lotlaz kuex layx bac yauk shuimc jvnc rvtueq. Tishox rueq tsuingshiq mvrax kuex rvwvl vtueq kvruex tvkoc tsuingshiq muex murx tvgurc shuex.

TRI CHONGKE 31:29

Ngvy thueyc kay yix vruex miq htenc kuex honc tvbac vtueq ngaz rueq tvluing jungphvnx kuq wvnc tauk htenc kuex tvdux gay shuex ngaz rueq tuiuz yaq. Yehowa rueq tvwanc ruez yaq phvnx kuex shuimx kaz vtueq tsuingshiq rueq vpiq thuinz tvkhvy yaq ningkhvnc nuex yix maq pat nuex kuilc daz jamjaux tvrvhumc shuex,” ngoz tueq jungx tueq.

TRI CHONGKE 32:5

Yuq muinz nuimshiq kuex tvm- tuing httax muit, vpiq miqsaz muex yaungc aungx muq, vlauc vlawc nuiyc thuinz vkoarx phvnx rvtuit.

TRI CHONGKE 4:16

yix maq pat nuex nuimshiq yaq phaq wvnc vtueq miqwaz shvmx, yalxjuik shvmx ikhoc vtvhungx yac yuimx;

TRI CHONGKE 9:12

“Kvruex yimaq Yehowa rueq ngaz muex ngoc, ‘Ejip mungx wawc mnoz rueq shvlx wvnc toq mmiq htenc rueq miqsuirc vsac yauk shuimc htenc shuimx wuez yaq ningkhvnc nuex kanx vmaq lvmx lvy svt kaz kuiuz. Tsuingshiq rueq shuimc kay tvkoc ngaz rueq nvr tauk kvwawc kvroz wvnc vtueq, tsuingshiq tvkoc yac yuimx kuex tvhungx guirx wuez yaq ningkhvnc nuex kanx maq yauk lox svt kaz kuiuz,’ ngoz tueq jungx phuex.

TRI CHONGKE 9:8

Nuimshiq rueq Yehowa kuex Sinai Kanx maq doc muinz tvkhaq tuit ningkhvnc nuex nuimshiq tvthueyc gay dvnc laz juing khaq tueq.

PHOWEBI 2:19

Yuq muinz shunshvlc jix vyungx vlaungx waz kuex thueyc kaz ruiux yuq, miq htenc kuex lvmx kez nuex kvwek phvnx wvnc yek vtueq, lvy wvnc tueq pat wawc miqsaz htenc rueq shuimx wvnc tueq htauk nuex muinz pinhtumc bac hvlc shuimx wuez yaq. Tsuingshiq rueq vganc tishox htenc kuex nawk palx vtueq tsuingshiq nuex httax yaq layx vbac lvmz htenc kuex tvhttoarc shuimx wuez yaq.