DUNGWVNC 22:20 - ASII LAKDAP Bible (BSI)

²⁰ “Jurwa Ngi Tatiwe ara tlea raüta laihin phra ma honglu takuqtlaq apaiq ka atsea baiq ratlo.

Hawa Naga Bible 2001

²⁰ “Ngaz, Yehowa maq lvy vtueq vganc tishox muex shomc kuy jix waz kuex vthueyc murx tvgurc rax.

DUNGWVNC 22:20 Referencias Cruzadas

1 HOKHVMX 18:40

Kiijiishe Elija raq, “Baal shammibi thun kra laptlo ronglaq. Tsangshiq phong wa weshi ra min naq tiiju rongkiq!” nguta aming kuqto. Mungmaiqse raq tsangshiq ka tarü laphoto. Kiimaq Elija tsangshiq ka Kishon Jürai kiiniishe sheahoto. Raüta tsangshiq ka jiipbaiqto.

2 HOKHVMX 10:25

Jehu raq honglu thun kra kuqlot raütiishe, apaiq raq kintsongti nai siihiipbi kriima, “Jammong na warong laq. Lanta tsangshiq ka wiita tsatbaiq ronglaq! Jumin naq tiiju rongkiq!” nguta thaüto. Kiimaq tsangshiq raq nepjasai doraq chhaq maq jam mong na nyaprang raüta, maiq ka wiita tsatbaiqto. Raüta maiqmaa phong ka kinphai na hitbaiqto. Kra raütiishe tsangshiq ka kra shomjam mong na asii khok mong niishe wato.

2 KAÜWA WERAÜ 15:13

Maiq ashi ra nose lo, nyungwe lo, maiqwe lo jechak lo, jurwa Tatiwe ka shomnoq mak riijiiq, kriiti ka atsa baiq raa.

DUNGWVNC 23:9

“Wanshawe ka naq haihiikiq. Ümniika Ejip mung na wanshawe silaü na, wanshawe rilung chamchao ka ümniiraq sap wan laü.

DUNGWVNC 32:8

Ngi raq tsangshiq ma aming kuq lata lamphan tiichhikuq kang kriika phan mak she miimbaiqto. Tsangshiq raq chaq maq saüla pongse ashi loto, raüta kriishe shomnoq hoto. Raüta kriima honglu thun takuqto. Tsangshiq raq arka tsangshiq phra kaü, tsangshiq ka Ejip mungwa shea wanti nguta ngutlo.

DUNGWVNC 34:15

Kra mungti rai namshiq raq wehea riija tongshong raamak. Jamkhano ngukla tsangshiq raq tsangshiqnok thatsang phra kong kra shomnoq tlaq akhing na kiimaq honglu takuq tlaq akhing na, tsangshiq raq namshiq min lomki dam rongkiq nguta, namshiq ka mihea, kiimaq namshiq ka tsangshiqnok phra kong ma honglu na ataakuq phaqsea kra lomdam chang she mijaki.

EJEKIEL 20:7

Ngi raq tsangshiq ma tsangshiq raq lungwii raüta shomnoqtlaq maiqphai asi sumla phra thun ka wiita tiikübaiq ronglaq. Kiimaq Ejip mungti arot akiq sumla phra thun kriimaq tsangshiq khum ka tiisheshi raamak nguta chongkuq kang. Jamkhano ngukla Ngi ka tsangshiq Tatiwe tsangshiq Shiikeawe.

LEWI 17:7

Israilnok raq man na tsangshiq raq nyamse thun ka chhechhi tsak kaü ma wak ram hiqsii thung na honglu takuq tlaq kiikha take wan ka maimak dongdii she. Israilnok raq ara thungtri ka pattup lang wan ratlo.

LEWI 19:33

“Nam mung na namshiq rai pong mungti sidamtlaq wanshanok ka naqhaihii rongkiq.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

WEAWEA 21:3

Kiimaq Tatiwe raq tsangshiq achu jaü ka taito. Raüta tsangshiq ka khrum kuqto kiimaq Kanannok ka tiitang kuqto. Krai mren Israilnok raq Kanannok ka miq chup jiip baiqto. Kiimaq tsangshiq chela thun kiimin wiita tiithen baiqto. Raüta kra hiq ka Horma nguta mangto.

TRI CHONGKE 10:18

Apaiq raq jechi nomisetiim nai thümwaq manti-nyungre ka tiishaüji mak maq khrum kuqtlo. Apaiq raq pong mungti nashiqnok rai shongti kra lungwiitlo. Raüta tsangshiq ma phaq nai sea kiimaq khu akhea kra kuqtlo.

TRI CHONGKE 18:20

Shatmaq shammi weshi ra raq, Ngi raq chongkuq mang taü maq, imang na apaiq tsiitsii maq shammi bomtsi la chong kuq raüla, apaiq ka atsai raa dongdii she. Krai mren sii hali, shammi weshi ra raq sumla phra thun mang na shammi bom chong kuq raü min, apaiq ka atsea baiq ratlo.’ ’

TRI CHONGKE 23:8

Tsangshiqnok wiika maiq pat pat tsam sijai maq Tatiwe sengi phungtu na tlom wan dam mimai.

TRI CHONGKE 24:17

“Pong mungti nai jechi setiim ka tsangshiq raq jamlai lap chang wa kra naq ningtangkiq. Kiimaq manti-nyung raq phanshi ra ümjaq wa anam raüla, kra rii thiitham kongphiq kha thü na apaiq khu akhea kra naq lam thükiq.