DUNGWVNC 22:21 - ASII LAKDAP Bible (BSI)

²¹ “Pong mungti wanshawe ka naq haihiikiq. Riimakla ji maq nishishi naq raq riikiq. Tsan na tiitsanglaq, ümniika ka Ejip mung na wanshawe jalaü.

Hawa Naga Bible 2001

²¹ “Pungnuk miqsaz kuex wvlc guez waqguez nauk tuinghtuing; nuimshiq kuex Ejip mungx nuex pungx phvnx miqsaz muex yaungx wvnc tuit kuex rvwvl wuez shuinz.

DUNGWVNC 22:21 Referencias Cruzadas

YOBA 6:27

Namshiq riika manti liihisere disetiim shaphaq miitu lang milii han kata lanta namkongtiwe tiim shaphaq lanta chiithejong ma mija han kata!

Tvtsvmc 146:9

Apaiq raq namung na siti wanshabi ka tiiwongkuqtlo; apaiq raq manti-nyungre nai jechise kong khrumtlo, shatmaq abi klotibi ka tsangshiq then wan lam na sheahotlo.

DUNGWVNC 20:2

“Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

DUNGWVNC 23:9

“Wanshawe ka naq haihiikiq. Ümniika Ejip mung na wanshawe silaü na, wanshawe rilung chamchao ka ümniiraq sap wan laü.

ISAIA 1:17

Laüta tingting jaqsham kra shrinlaq. Liilaq, riikhaqli tingting jaqshamlaq. Di ama ikha maiq raq tiichamchaotlaq kra khrumlaq. Thüm waq mantise re ma tsangshiq raq jamlai phan lap phaq sea wan chang wa sitlaq kra khashkhaq kuqlaq. Kiimaq manti nyungre kra tiikhup wongkuq shat maq riimlaq.”

JEREMIA 22:3

“Ngi Tatiwe raq namshiq ma jamlai wa tingting kiimaq riikhaqli kra sham ronglaq nguta aming tat tiikang. Wepuq weseti maiq raq laoliitlaq kriiwa, apaiq laotiwe jaq khon mong kiiwa tiichhii kuq ronglaq. Maiqse ka jimaq nishishi haihü maimak. Kiimaq pongmungti wanshawe kiimaq jechi nomisetiim kra, riimakla manti nyungre kra, nanshan shan haihü raamak. Kiimaq ara asii hiqshong arjaq maiqsang jamshut phit makti ka tsea baiq raamak.

JEREMIA 7:6

Pongmungti wanshawe namshiq rai sidamtlaq kra, manti liihi sekong, kiimaq manti nyungre kra naq nanshan rongkiq. Armung na maiqsangti ka kha ahü na naqtsatbaiq rongkiq. Sumla phra kong shomnoq ka athaqshe riibaiq ronglaq. Kra shomnoq tlan kriiriili namshiq ka mishthen baiq.

EJEKIEL 22:7

Chela na siti jurmin anyungwe ka shreng mak. Namshiq raq pong mungtibi ka laotlan. Kiimaq manti nyungre nai jechisetiim ka nanshan shan haihiitlan.

LEWI 19:13

“Maiq ka jumin nanshan maimak. Kiimaq jam min huk rot maimak. Namshiq raq maiq ningchang jaq tiisham tlan kra jaq maq kehü maq haihii maimak. Rawa shi miitu jiimin jaq maq kehü maq thü raamak.

LEWI 19:33

“Nam mung na namshiq rai pong mungti sidamtlaq wanshanok ka naqhaihii rongkiq.

LEWI 19:34

Namshiq maiqmii Israilnok jamkho makliishi maq liitlan kiikhiisii tsangshiq kiimin liironglaq. Kiimaq namshiq maiqmii ka jamkho lungwiitlan kiikhiisii tsangshiq kiimin lungwii ronglaq. Namtsan na tiitsang ronglaq akhing ashi na namshiq kiimin Ejip mung na wanshawe siwan lan. Ngi ka Tatiwe namshiq Shiikeawe.

LEWI 25:35

Kiimaq maiqmii Israilnok phan namshiq rai siti maiq ashi ra ka miitsan maiqse ma jaki raüta, apaiq ka maiqmii tiidung lot mak she jaki raüla, ümniiraq apaiq ka ningchang jaqshamti ma kuqtlaü kiikha, apaiq ka dunghea ratlo. Krai mren, apaiq ka ümtho na siraüta atra maq mitiipao lot.

JEKERIA 7:10

Mantinyung re, jechi nomisetiim, kiimaq pongmungti namshiqnok rai sitlaq kra, kiimaq juwa alit akot sitlaqti ka nanshan raamak. Kiimaq weshi raq weshi haihii maimak,’

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

TRI CHONGKE 1:16

“Kra akhing na ngi raq tsangshiq ma tsii ka akha chongkuq kang, ‘Namshiq sengi liipan na jamlai mra wa pintlaq, kra samhea tiitsang tai wan lili ronglaq. Lanta kha dongtlaq aweatek ka riikhaqli kappe maq shin lanta phokuq ronglaq. Kra kha thun ka namshiq maiqmiinokti liipan na lo, riimakla namshiq rai shongti pongmung maiqsetiim khü akha lo,

TRI CHONGKE 10:18

Apaiq raq jechi nomisetiim nai thümwaq manti-nyungre ka tiishaüji mak maq khrum kuqtlo. Apaiq raq pong mungti nashiqnok rai shongti kra lungwiitlo. Raüta tsangshiq ma phaq nai sea kiimaq khu akhea kra kuqtlo.

TRI CHONGKE 10:19

Arningkhan, pong mungti wanshawe thun kriima lungwiitsii tiichhikuq ronglaq. Jamkhano ngukla man na namshiq ka Ejip mung na wanshawe siwan lan.

TRI CHONGKE 15:15

Ümtsan na tiitsang laq, man na namshiq ka Ejip mung na maiqdi ma jalanta silan. Kiiwa Tatiwe üm Shiikeawe raq namshiq ka dokda wanto. Raüta wase ma tiija wanto. Kra ningkhan, ümchaü Ngi raq ümniima ara aming kuq tiikang ara.

TRI CHONGKE 23:16

Apaiq raq aroro ümchela thun phong kriiwa chela ashi na ümsilaq. Raüla ümniiraq apaiq ka shiikeng miileng naq tiihaikiq.

TRI CHONGKE 23:7

“Edomnok ka naq saisikiq. Tsangshiq ka ümniima tanyang seno. Kiimaq Ejip mungti kiimin naq saisikiq. Man na ümniika tsang mung na shong wan laü.

TRI CHONGKE 24:17

“Pong mungti nai jechi setiim ka tsangshiq raq jamlai lap chang wa kra naq ningtangkiq. Kiimaq manti-nyung raq phanshi ra ümjaq wa anam raüla, kra rii thiitham kongphiq kha thü na apaiq khu akhea kra naq lam thükiq.

TRI CHONGKE 27:19

“‘Jurwa pong mungti wan shawetiim, jechisetiim, kiimaq manti-nyungre raq alap chang wa kuq mak haihiitlaq, kriiti ma Shiikeawe manson minilaq.’ “Kiimaq mung maiqse kunli raq mitre ‘Amen!’