DUNGWVNC 22:22 - ASII LAKDAP Bible (BSI)

²² Manti nyung lo riimakla jechi se ka naq haihiikiq.

Hawa Naga Bible 2001

²² Mvntix nyuiuz rvmuq ngoz ruiux nox jix sahez kuex nauk guirguenz kaz.

DUNGWVNC 22:22 Referencias Cruzadas

YOBA 31:16

Ngi raq miitsan maiqse khrum jaqsham ka naq nguta jangshi min tlea mang; ngi raq manti-nyungre ka ümtiikiimin tlitkot mang

YOBA 34:28

Tsangshiq raq miitsan maiqsetiim ka tiichamchao raüta Shiikeawe man na tiihoqtlo, krai mren apaiq raq tsangshiq khrum jaü hoqtrang tlaq kra taito.

Tvtsvmc 10:14

Shatmaq, ümniiraq chhitlaü; ümniiraq litkot chamchao maiqse ka achhi haü, laüta wranaiqshe tsangshiq khrumke miitu khekham sitlaü. Ümkoq ümphaqti raq akhum ka ümniima kiinong kuqtlo; ümniiraq athüm alitti ka wranaiq she khrum tlaü.

Tvtsvmc 34:7

Apaiq rase raq Tatiwe shrengtibi ka kheshat tiiwongtlo kiimaq akhlaq chang wa tsangshiq ka tiichhiikuqtlo.

TAKSU LAK 22:23

Tsangshiq kha phoketi ka Tatiwe asi. Raüta tsangshiq tiiphiipjiipti ka, Tatiwe raq mitiiphiipjiip wan.

TAKSU LAK 23:10

Richüpat na ashongthü, trai longkaü ka naq tiisotkiq. Kiimaq jechisetiim hiq ka naqnitkiq.

TAKSU LAK 23:11

Tsangshiq tiikhup wongketi ka, ajong Tatiwe asi, krai mren apaiq raq, ümniima rung maq kha minyan.

ISAIA 1:17

Laüta tingting jaqsham kra shrinlaq. Liilaq, riikhaqli tingting jaqshamlaq. Di ama ikha maiq raq tiichamchaotlaq kra khrumlaq. Thüm waq mantise re ma tsangshiq raq jamlai phan lap phaq sea wan chang wa sitlaq kra khashkhaq kuqlaq. Kiimaq manti nyungre kra tiikhup wongkuq shat maq riimlaq.”

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

ISAIA 10:2

Akha lanta namshiq raq miitsan maiqse ka ajiq tri kriimaq khatlan. Lanta tsangshiq raq lapchang arang kiimin namshiq raq nyeahotlan. Lanta rung maq tsangshiq raq lap chang kiimin tlapkuq man ajiq photlan. Akha namshiq raq manti-nyungre nai jechisetiim tachong hupsam kra nyeahotlan.

JEREMIA 7:6

Pongmungti wanshawe namshiq rai sidamtlaq kra, manti liihi sekong, kiimaq manti nyungre kra naq nanshan rongkiq. Armung na maiqsangti ka kha ahü na naqtsatbaiq rongkiq. Sumla phra kong shomnoq ka athaqshe riibaiq ronglaq. Kra shomnoq tlan kriiriili namshiq ka mishthen baiq.

JEREMIA 7:7

Namshiq klai wan han jiila, armung ara ngi raq namtitiim ma pattup tachong hupsam miitu akuqha mung arjaq, namshiq ka rilung alu maq tiishongnga wan ruq mirha.

EJEKIEL 22:7

Chela na siti jurmin anyungwe ka shreng mak. Namshiq raq pong mungtibi ka laotlan. Kiimaq manti nyungre nai jechisetiim ka nanshan shan haihiitlan.

JEKERIA 7:10

Mantinyung re, jechi nomisetiim, kiimaq pongmungti namshiqnok rai sitlaq kra, kiimaq juwa alit akot sitlaqti ka nanshan raamak. Kiimaq weshi raq weshi haihii maimak,’

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Matthew 23:14

Phorisinok nai Thungtri shrinketibi le, namshiq ma phiiptsi chang asi! Mongnam nok le! Namshiq raq thümwaq mantibi ka nanshan shan lao phaqsiq tlan. Lanta maiq ma tiichhi ma nguta shetangtang achu jaü tlan! Arkha na Shiikeawe raq namshiq ka achan ana mitsa sha wan. Raüta namshiq ka mitiicham-chao!”

TRI CHONGKE 10:18

Apaiq raq jechi nomisetiim nai thümwaq manti-nyungre ka tiishaüji mak maq khrum kuqtlo. Apaiq raq pong mungti nashiqnok rai shongti kra lungwiitlo. Raüta tsangshiq ma phaq nai sea kiimaq khu akhea kra kuqtlo.

TRI CHONGKE 15:9

Thiitham raüpot diike wan rawii saü wan ka ajeli she nguta, apaiq ma phanshi ra tiinamke ka naq khun niikiq. Akha abi hon atsii ka ümkhutsai na naq tiinyap kiq. Kiimaq ümniiraq apaiq ma kampho ka tiinam kuq maü riihaüla, apaiq ka Tatiwe phana wa raüta ümniika mishok wa. Krai mren, ümniika ashut we miishe mija haü.

TRI CHONGKE 24:17

“Pong mungti nai jechi setiim ka tsangshiq raq jamlai lap chang wa kra naq ningtangkiq. Kiimaq manti-nyung raq phanshi ra ümjaq wa anam raüla, kra rii thiitham kongphiq kha thü na apaiq khu akhea kra naq lam thükiq.

TRI CHONGKE 24:18

Ümtsan na tiitsangshat riilaq, man na ümniika Ejip mung na maiqdi siwan laü. Kiimaq Tatiwe üm Shiikeawe raq ümniika dokda wan raüta wase ma tiija wanto. Kra ningkhan Ngi raq ümniima ara aming ara kuqtiikang.

TRI CHONGKE 27:19

“‘Jurwa pong mungti wan shawetiim, jechisetiim, kiimaq manti-nyungre raq alap chang wa kuq mak haihiitlaq, kriiti ma Shiikeawe manson minilaq.’ “Kiimaq mung maiqse kunli raq mitre ‘Amen!’

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.