DUNGWVNC 22:22 - Hawa Naga Bible 2001

²² Mvntix nyuiuz rvmuq ngoz ruiux nox jix sahez kuex nauk guirguenz kaz.

ASII LAKDAP Bible (BSI)

²² Manti nyung lo riimakla jechi se ka naq haihiikiq.

DUNGWVNC 22:22 Referencias Cruzadas

YOBA 31:16

Ngaz rueq htemc saz jix muex romc kuy tvkoc mkaq muinz tvlvlc mauk; thuinbac hunglaungc nulx yaq mvntix nyuiuz tamx muex mkaq muinz khiz mauk tvyaungc vtueq taq mauk,

YOBA 34:28

Tsuingshiq rueq Tishox kuex ramc tvkoc htemc vrvmc miqsaz htenc muex nvr yaq, vpiq rueq romc kuy tvkoc tsuingshiq rueq ramc yaq kuex tay tueq.

Tvtsvmc 10:14

Yuq muinz vkuilc vdaz nuiyc vjamz vjaux htenc kuex mnoz rueq khiz vtueq tvtsuingc taq vshuiux nuiyc romc kuy tvkoc mkaq muinz tvyoalc yoalx httax vtuiux. Romc kuy lvmx vguez waz kuex piq shauk pumz mnoz muex lekuq kvnvp httax ruiux; mnoz rueq rax yaq jix muex mkaq muinz romc kuq vshuiux.

Tvtsvmc 34:7

Yehowa muex tvtsanc nganc jix htenc kuex vpiq raungkamx bix rueq shunshvlx yaq, vhiz juing wawc muinz tsuing-shiq kuex tvguing wvnc tueq.

TAKSU LAK 22:23

Yehowa rueq tsuingshiq khac kuex romc jungx kuq shuex, tsuingshiq rullungx tvhiz sungx jix htenc kuex vpiq rueq tvhiz sungx shuex.

TAKSU LAK 23:10

Mvnnuex phuex vlvp taq ghaq mvhttarc lungshungc kuex nauk tvhttot kaz, nojix norvyx saz tamx rueq vlvp taq ghaqphux kuex nauk nyvlc laq kaz.

TAKSU LAK 23:11

Yehowa rueq tsuingshiq kuex luimc vkawc yunghvlc maq tvguing tvwungx kuq ruiux, vpiq rueq tsuingshiq khac kuex nuimshiq khawx gay kox nuex phox shuex.

ISAIA 1:17

vlvmx yauk shuimc kuex tvluing shuinz. Tvrac vlvmz kuex shuimx vtueq, vtuing vhtuing rvhumc yaq jix muex romc kuq shuiuz, nojix saz tamx muex vlvmx kuex kuq ruiux, mvntix nyuiuz tamx kuex tvwungx shuinz.”

ISAIA 1:23

M-walaungx bix kuex vlauc vlawc jix nuiyc vguiuq vrot jix hez kungjix muex yaungx yaq; tsuingshiq rueq yauk noalc htenc nuiyc khauloayc yauk noalc htenc kuex mkaq muinz lvmz wuez yaq. Tsuingshiq rueq phoc waz rungx maq nojix saz tamx kuex mkaq muinz tvguing muq, nuiyc mvntix nyuiuz tamx khuec vkhac kuex tay vtueq wisoz kuq muit.

ISAIA 10:2

Kvkhoc rvtueq nuimshiq rueq htemz vrvmz miqsaz htenc rueq lvp aungx yaq vkhangx nuiyc tvrac vlvmz lvp juing kuex tuinghtuing vshuinx. Nuimshiq rueq mvntix nyuiuz tamx nuiyc nojix saz tamx tsak vnyvmx kuex lvmz wvnc tuit.

JEREMIA 7:6

Juiuc vwuinz, nojix, mvntix hez htauk wawc mop jap vshuinx kuex httvr shuinz shex. Vruex mungtan wawc mvrax vguez miqsaz thvt vshuinx kuex httvr shuinz shex. Vganc tishox htenc muex nawk palx vshuinx kuex nuimshiq kuex tvbac gay dvyx rvtueq ningkhvnc nuex httvr gay shuinz.

JEREMIA 7:7

Kvkhoc nuimshiq kvlayc ruiux yuq, ngaz rueq nuimshiq jix vwaz tamx muex kuy tvlanc vkuq ghaq vraungx nuex tvhttoarc vtueq tvhttax yek phaungx.

EJEKIEL 22:7

Kvruex ghaqyungx nuex httaz jix miq htenc uraq muinz miqmac nyuiuz waz muex tvtsanc nganc wuez muq. Mnoz rueq pungnuk wuinz waz kuex laulawc vtueq mvntix nyuiuz tamx nuiyc nojix sahez kuex guirguenz vshuiux.

JEKERIA 7:10

Mvntix nyuiuz tamx, nojix sahez, nuimshiq rulc httaz jix pungnuk miqsaz muex nuiyc htemsuiuz rvmsaz jix muex nauk tuinghtuing wuez kaz. Vshiz maq vshiz vdvmz dvmz tvthuiuz sac lvmz nauk kvmungx kaz.’

MALAKI 3:5

Tvphaungc Tvsuip Yehowa rueq, “Nuimshiq muex khac phoc tvkoc ngaz httuiuc kaz vtueq, luinglawc jix htenc, miqjuik miqwaz senc lvy jix htenc, vyaq vphaq hakhix khvmc jix htenc, yauk shuimc jix hez yauk mauk kuex laulawc phuiuz svy jix htenc, mvntix nyuiuz tamx, nojix sahez nuiyc pungnuk miqsaz htenc kuex yomnamc jix htenc maq phaungc vtueq, ngaz muex hiyaz tvtsanc nganc muq jix htenc muex lvmx lvy dvyx tvkhic tvtay shaungx.

Matthew 23:14

[Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq mvntix nyuiuz tamx yuimx vwuik htenc nuiyc hup vsvmx htenc kuex nyvlc wvnc vtueq, miq muik lawc tvhvlc muex vjux loayc hvlc thoz vshuinx. Kvkhoc rvtueq nuimshiq kuex murx yunghvlc tvgurc rvhumc tuinx!]

TRI CHONGKE 10:18

Vpiq rueq nojix norvyx nuiyc mvntix nyuiuz tamx muex tvrac rulc rv-ngvlc phox kuq yaq; naungshiq rulc vdvmz httaz jix pungnuk miqsaz htenc kuex lungwawx vtueq tsuingshiq muex phuiuz vsvy nuiyc khoz vkhvy htenc kuex kuq yaq.

TRI CHONGKE 15:9

Htawhtuimc tvmvy tvmauk gay raungwawc httuiuc wvnc muex vyek dvyx shex ningkhvnc nuex piq muex tvnvmc kuq muq maq nauk httax kaz. Mthuinz nuex kvkhoc nauk tvkhiq khvmz kaz. Mnoz rueq piq muex tvkhic nvmc kuq muq ngoz ruiux yuq, piq rueq Yehowa kox nuex tvtay jungc ningkhvnc nuex mnoz kuex mvrax yaq gay muex yaungx tuiux.

TRI CHONGKE 24:17

“Nuimshiq rueq pungnuk miqsaz nuiyc nojix sahez rueq lvp aungx yaq kuex tuingshaung tvwanc mvy muq; mvntix nyuiuz khoz vkhvy kuex kuimphox vnvmc laung khac taung hup vsvmx muex tvyaungc mvy muq.

TRI CHONGKE 24:18

Nuimshiq kuex Ejip mungx nuex dax muex yaungx wvnc tuit lvmz kvmuinz, Yehowa nuimshiq Tishox rueq nuimshiq kuex tvdung wvnc tueq lvmz kvmuinz rvwvl lvp wuez shuinz; kvkhoc rvtueq vruex vnvrc kvjaz kuex ngaz rueq nuimshiq muex kuq vphaungx.

TRI CHONGKE 27:19

“‘Pungnuk miqsaz htenc, nojix sahez nuiyc mvntix nyuiuz tamx rueq lvp aungx yaq kuex tvwanc jix waz rueq Tishox mvnhttonc m-gurx shueq.’ “Kvkaq miq lotlaz rueq, ‘Amen!’ ngoz tueq tvralc wuez rax.

James 1:27

Vwaz Tishox khaungkac nuex vsawc nuiyc rvkhauk laz nawk palx htungx ngoz yaq kuex, kuilc daz rvhumc yaq nojix saz tamx nuiyc mvntix nyuiuz tamx muex lawc mawc kuq vtueq, miqmac shauk gvnz muinz, mungkawx vshuy vshac muinz koayc gay lvmx rvtueq.