DUNGWVNC 22:21 - Hawa Naga Bible 2001

²¹ “Pungnuk miqsaz kuex wvlc guez waqguez nauk tuinghtuing; nuimshiq kuex Ejip mungx nuex pungx phvnx miqsaz muex yaungx wvnc tuit kuex rvwvl wuez shuinz.

ASII LAKDAP Bible (BSI)

²¹ “Pong mungti wanshawe ka naq haihiikiq. Riimakla ji maq nishishi naq raq riikiq. Tsan na tiitsanglaq, ümniika ka Ejip mung na wanshawe jalaü.

DUNGWVNC 22:21 Referencias Cruzadas

YOBA 6:27

Nuimshiq rueq nojix sahez kuex nuimdax tvyaungc muex hangchac maq toc wuez ruiux, nuimshiq kungjix htenc kvmuinz shaung phauk vshuinx!

Tvtsvmc 146:9

Naungshiq ghaq vraungx nuex httax yaq pungnuk miqsaz htenc kuex vpiq rueq tvkhup wungx kuq yaq, mvntix nyuiuz tamx nuiyc nojix saz tamx muex vpiq rueq romc kuq yaq, yuq muinz layx bac jix htenc rueq kvmungx yaq lvmx kuex tvsuimz rvgay tueq.

DUNGWVNC 20:2

“Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk.

DUNGWVNC 23:9

“Pungmungx miqsaz kuex nauk guirguenz kaz; pungmungx miqsaz thuinz nuex rvhumc yaq kuex nuimshiq rueq tuiuz yaq, yvmx khoc lac ngoz ruiux lec nuimshiq kuex Ejip mungx nuex pungmungx miqsaz muex yaungx wvnc tuit.

ISAIA 1:17

vlvmx yauk shuimc kuex tvluing shuinz. Tvrac vlvmz kuex shuimx vtueq, vtuing vhtuing rvhumc yaq jix muex romc kuq shuiuz, nojix saz tamx muex vlvmx kuex kuq ruiux, mvntix nyuiuz tamx kuex tvwungx shuinz.”

JEREMIA 22:3

“Ngaz, Yehowa rueq vlvmx nuiyc tsuingrux kuex shuimc tvkoc mnoz muex nvr vphaungx. Piq laulawc yaq waz kox wawc vlauc vlawc rvhumc muq tvkoc kvruex waz kuex tvkhup wungx shuiuz. Wuinz waz hez, nojix saz hez nuiyc mvntix nyuiuz hez muex tvrac muq nuiyc vtuing vhtuing kuex nauk ruez kaz, vruex vsawc baung vyuq mvrax vguez miq nauk thvt kaz.

JEREMIA 7:6

Juiuc vwuinz, nojix, mvntix hez htauk wawc mop jap vshuinx kuex httvr shuinz shex. Vruex mungtan wawc mvrax vguez miqsaz thvt vshuinx kuex httvr shuinz shex. Vganc tishox htenc muex nawk palx vshuinx kuex nuimshiq kuex tvbac gay dvyx rvtueq ningkhvnc nuex httvr gay shuinz.

EJEKIEL 22:7

Kvruex ghaqyungx nuex httaz jix miq htenc uraq muinz miqmac nyuiuz waz muex tvtsanc nganc wuez muq. Mnoz rueq pungnuk wuinz waz kuex laulawc vtueq mvntix nyuiuz tamx nuiyc nojix sahez kuex guirguenz vshuiux.

LEWI 19:13

“Miqmac htauk nuex hungc vlaungc vnulx waz kuex nauk yomnamc kaz, piq hup svmx nauk nyvlc kaz, vmauk kuy juing kuex raungnvp kvyix nuex httuiuc laz nauk tvhttvmc kaz.

LEWI 19:33

“Nuimshiq mungx nuex httax yaq pungnuk miqsaz htenc kuex nauk yomnamc kaz.

LEWI 19:34

Tsuingshiq kuex miqmac nuk vgaq ikhoc tvyaungc vtueq, miqmac pumz lungwawx shuinx ikhoc lungwawx shuinz. Nuimshiq muinz Ejip mungx nuex wuinz shaung yaungx wvnc tuit lvmz kuex rvwvl wuez shuinz. Ngaz kuex Yehowa nuimshiq Tishox rvtauk.

LEWI 25:35

Mphuz mnox Israel miqsaz washiz kuex htemc saz ningkhvnc nuex piq tvluimc juing vguez ngoz ruiux yuq, mnoz rueq nvrc waz hez muex ikhoc romc lawc kuq shuiuz, ngoz ruiux piq kuex mhep nuex httax hvt rvtuex.

JEKERIA 7:10

Mvntix nyuiuz tamx, nojix sahez, nuimshiq rulc httaz jix pungnuk miqsaz muex nuiyc htemsuiuz rvmsaz jix muex nauk tuinghtuing wuez kaz. Vshiz maq vshiz vdvmz dvmz tvthuiuz sac lvmz nauk kvmungx kaz.’

MALAKI 3:5

Tvphaungc Tvsuip Yehowa rueq, “Nuimshiq muex khac phoc tvkoc ngaz httuiuc kaz vtueq, luinglawc jix htenc, miqjuik miqwaz senc lvy jix htenc, vyaq vphaq hakhix khvmc jix htenc, yauk shuimc jix hez yauk mauk kuex laulawc phuiuz svy jix htenc, mvntix nyuiuz tamx, nojix sahez nuiyc pungnuk miqsaz htenc kuex yomnamc jix htenc maq phaungc vtueq, ngaz muex hiyaz tvtsanc nganc muq jix htenc muex lvmx lvy dvyx tvkhic tvtay shaungx.

TRI CHONGKE 1:16

“Kvkaq ngaz rueq tsuinghez muex ngoc, ‘Nuimshiq miqmac phvnx nuex rv-ngoc rv-ngac rvthoz rvthvy khuec vkhac htenc tay kuq shuinz. Kvkhoc rv-ngoc rv-ngac rvthoz rvthvy kuex nuimshiq miq nuex dvyx seng yaq, nuimshiq rulc httax naungc jix pungnuk miqsaz htenc nuex seng yaq ngoz ruiux muinz, kvruex khuec vkhac phvnx ruip saz kuex tvrac rulc rv-ngvlc phox kuq shuinz.

TRI CHONGKE 10:18

Vpiq rueq nojix norvyx nuiyc mvntix nyuiuz tamx muex tvrac rulc rv-ngvlc phox kuq yaq; naungshiq rulc vdvmz httaz jix pungnuk miqsaz htenc kuex lungwawx vtueq tsuingshiq muex phuiuz vsvy nuiyc khoz vkhvy htenc kuex kuq yaq.

TRI CHONGKE 10:19

Kvkhoc rvtueq pungnuk miqsaz kuex lungwawx wuez shuinz, yvmx khoc lac ngoz ruiux lec mvnnuex nuimshiq kuex Ejip mungx nuex pungnuk miqsaz muex yaungx vtueq httax wvnc tuit ningkhvnc nuex rvtueq.

TRI CHONGKE 15:15

Nuimshiq kuex Ejip mungx nuex dax muex yaungx tuit wawc Yehowa nuimshiq Tishox rueq nuimshiq tvdung wvnc tueq kuex rvwvl wuez shuinz; kvkhoc rvtueq vruex nvrc kvjaz kuex majuiuc ngaz rueq nuimshiq muex kuq vphaungx.

TRI CHONGKE 23:16

Dax waz kuex nuimshiq ghaq htenc kvyuq piq httax roc roc ghaq nuex tvhttax shuinz, mnoz rueq piq kuex naqsaq guirguenc mvy muq.

TRI CHONGKE 23:7

“Edom miqsaz kuex wvlc guez waqguez nauk tvyaungc kaz, tsuingshiq kuex nuimshiq phvnx vmaq rvtueq. Ejip miqsaz kvmuinz wvlc guez nauk tvyaungc kaz; nuimshiq kuex mvnnuex tsuingshiq mungx nuex httax wvnc tuit.

TRI CHONGKE 24:17

“Nuimshiq rueq pungnuk miqsaz nuiyc nojix sahez rueq lvp aungx yaq kuex tuingshaung tvwanc mvy muq; mvntix nyuiuz khoz vkhvy kuex kuimphox vnvmc laung khac taung hup vsvmx muex tvyaungc mvy muq.

TRI CHONGKE 27:19

“‘Pungnuk miqsaz htenc, nojix sahez nuiyc mvntix nyuiuz tamx rueq lvp aungx yaq kuex tvwanc jix waz rueq Tishox mvnhttonc m-gurx shueq.’ “Kvkaq miq lotlaz rueq, ‘Amen!’ ngoz tueq tvralc wuez rax.