DUNGWVNC 22:20 - Hawa Naga Bible 2001

²⁰ “Ngaz, Yehowa maq lvy vtueq vganc tishox muex shomc kuy jix waz kuex vthueyc murx tvgurc rax.

ASII LAKDAP Bible (BSI)

²⁰ “Jurwa Ngi Tatiwe ara tlea raüta laihin phra ma honglu takuqtlaq apaiq ka atsea baiq ratlo.

DUNGWVNC 22:20 Referencias Cruzadas

1 HOKHVMX 18:40

Eliya rueq, “Bala shvmmax bix kuex lvp wuez shuinz; washiz muinz nauk tvyuz gay kaz!” ngoz tueq nvr tueq. Miq htenc rueq muinz tsuinghez lotlaz kuex lvp ruiux Kishon Ruilx nuex shvlx laq vtueq thvt gay tueq.

2 HOKHVMX 10:25

Jehu rueq shomc kuy lot yix, piq rueq vbvmc jix hez nuiyc vyungx vlaungx bix htenc muex ngoc, “Tsuinghez lotlaz kuex thvt gay shuinz; washiz muinz nauk tvdung kaz!” ngoz tueq. Tsuinghez kuex nyuip waung vtueq jvt yoalx yaung htenc maq lotlaz rumz gay ruiux vmaungx htenc kuex kanphic nuex tvdung het tueq. Kvruex yimaq tsuinghez kuex shomc yuimx vmungx khok nuex nyuip waung vtueq,

2 KAÜWA WERAÜ 15:13

Nyuiuz waz nosaz ukhaq yuq muinz vpiq muex nawk palx muq waz kuex vthueyc rvhumc tuex.

DUNGWVNC 23:9

“Pungmungx miqsaz kuex nauk guirguenz kaz; pungmungx miqsaz thuinz nuex rvhumc yaq kuex nuimshiq rueq tuiuz yaq, yvmx khoc lac ngoz ruiux lec nuimshiq kuex Ejip mungx nuex pungmungx miqsaz muex yaungx wvnc tuit.

DUNGWVNC 32:8

Tsuingshiq kuex ngaz rueq nvr tauk lvmx kvwawc rv-phvlc wvnc wuez vtuex; tsuingshiq rueq kuimshawx tvyuimx vtueq vlauz manx yac kuex guirx tvhungx ruiux, kvruex mac shomc nawk kuy shomc kuq vtueq nawk palx wuez yaq. Tsuingshiq rueq ngoc vruex kuex Ejip mungx wawc naungshiq tvdungc shvlc lvy jix tishox rvtueq, ngoz tueq ngoz wuez yaq.

DUNGWVNC 34:15

Nuimshiq rueq kvruex mungx wawc miqsaz rulc kungjix bomkhvmc nauk rvtvy kaz, yvmx khoc lac ngoz ruiux lec tsuingshiq rueq tsuingshiq tishox htenc muex nawk palx vtueq shomc nawk kuq shuex nuex nuimshiq kuex gvl ruiux, tsuingshiq tishox htenc muex vshomc kuq phuiuz vsvy maq laulawc rvhumc tuinx rvtueq.

EJEKIEL 20:7

Ngaz kuex tsuingshiq Yehowa Tishox rvtauk ningkhvnc nuex tsuingshiq rueq lungwawx yaq miqsuirc vsac yac yuimx htenc kuex tuip gay ruiux, sawc muq vrot vkaq Ejip tishox htenc nuex tsuingshiq shauk pumz tvshuy shac muq tvkoc ngaz rueq tsuingshiq muex jungx tauk.

LEWI 17:7

Israel miqsaz htenc rueq yaruix nuex tsuingshiq nyvmx saz htenc kuex thvt vtueq khelkhix htaungc htenc muex shomc nawk wvnc tueq kvkhoc maq Yehowa nuex tvmtuing vguez yaungx tuinx rvmuq. Vruex tvrac kuex Israel miqsaz htenc rueq pattup phvnc tvy juing rvtueq.

LEWI 19:33

“Nuimshiq mungx nuex httax yaq pungnuk miqsaz htenc kuex nauk yomnamc kaz.

MALAKI 3:5

Tvphaungc Tvsuip Yehowa rueq, “Nuimshiq muex khac phoc tvkoc ngaz httuiuc kaz vtueq, luinglawc jix htenc, miqjuik miqwaz senc lvy jix htenc, vyaq vphaq hakhix khvmc jix htenc, yauk shuimc jix hez yauk mauk kuex laulawc phuiuz svy jix htenc, mvntix nyuiuz tamx, nojix sahez nuiyc pungnuk miqsaz htenc kuex yomnamc jix htenc maq phaungc vtueq, ngaz muex hiyaz tvtsanc nganc muq jix htenc muex lvmx lvy dvyx tvkhic tvtay shaungx.

WEAWEA 21:3

Yehowa rueq muinz tsuingshiq rueq thoz tueq rulc rv-ngvlc Kanaan miqsaz kuex khvt tvtaungx gay tueq. Kvkhoc rvtueq Israel miqsaz rueq tsuingshiq ghaqyungx htenc kuex tvsawc ric tvbac gay ruiux, kvruex hong kuex Horma ngoz tueq muingc tueq.

TRI CHONGKE 10:18

Vpiq rueq nojix norvyx nuiyc mvntix nyuiuz tamx muex tvrac rulc rv-ngvlc phox kuq yaq; naungshiq rulc vdvmz httaz jix pungnuk miqsaz htenc kuex lungwawx vtueq tsuingshiq muex phuiuz vsvy nuiyc khoz vkhvy htenc kuex kuq yaq.

TRI CHONGKE 18:20

Yuq muinz ngaz rueq nvr shaungx ngvy bomjungc kvkhoc rvmuq maq, ngvy muingc ruingc vtueq jungphvnc kuy jix shvmmax kvmuinz, vganc tishox htenc muingc kuex ruingc vtueq jungphvnc jix shvmmax kvmuinz vthvy rvgay rax.’

TRI CHONGKE 23:8

Pat thuimx yix maq tsuingshiq suiuz vsaz phvnx htenc kuex Yehowa miqsaz phungc nuex lomx lot tuex.

TRI CHONGKE 24:17

“Nuimshiq rueq pungnuk miqsaz nuiyc nojix sahez rueq lvp aungx yaq kuex tuingshaung tvwanc mvy muq; mvntix nyuiuz khoz vkhvy kuex kuimphox vnvmc laung khac taung hup vsvmx muex tvyaungc mvy muq.