DUNGWVNC 22:23 - Hawa Naga Bible 2001

²³ Nuimshiq rueq tsuingshiq muex guirguenc kuy ningkhvnc nuex, tsuingshiq muex romc kuy tvkoc ngaz kox wawc thoz ruiux yuq, Ngaz, Yehowa rueq tay kuq shaungx;

ASII LAKDAP Bible (BSI)

²³ Ümniiraq haihü haüla, Ngi, Tatiwe raq tsangshiq raq khrum jaü hoqtlaq kra mitreha.

DUNGWVNC 22:23 Referencias Cruzadas

YOBA 34:28

Tsuingshiq rueq Tishox kuex ramc tvkoc htemc vrvmc miqsaz htenc muex nvr yaq, vpiq rueq romc kuy tvkoc tsuingshiq rueq ramc yaq kuex tay tueq.

YOBA 35:9

Miq htenc kuex vguirc vguenc rvhumc tuex nuex kvbot nyvnx rvyaq; tsuingshiq kuex tsuingshiq palc wvnc tvkoc miq vshiz shiz muex ramc yaq.

Tvtsvmc 10:14

Yuq muinz vkuilc vdaz nuiyc vjamz vjaux htenc kuex mnoz rueq khiz vtueq tvtsuingc taq vshuiux nuiyc romc kuy tvkoc mkaq muinz tvyoalc yoalx httax vtuiux. Romc kuy lvmx vguez waz kuex piq shauk pumz mnoz muex lekuq kvnvp httax ruiux; mnoz rueq rax yaq jix muex mkaq muinz romc kuq vshuiux.

Tvtsvmc 140:12

Yehowa lex, mnoz rueq htemc vrvmc jix htenc vjux nuiyc, rax yaq jix muex tvguing kuq vshuiux kuex ngaz rueq tuiuz vshaungx.

Tvtsvmc 145:19

Vpiq muex tvtsanc nganc jix htenc muex rax yaq htenc kuex vpiq rueq kuq ruiux; tsuingshiq guyc sez yaq kvjaz kuex tay vtueq tsuingshiq muex palc kuq tueq.

Tvtsvmc 18:6

Ngaz kuilc daz vtueq ngaz rueq Yehowa kuex gvl tauk; romc kuy tvkoc ngvy Tishox kuex ngaz rueq gvl tauk. Vpiq shomc yuimx maq ngvy thuic bomc kuex tay vtueq; romc kuy tvkoc ngaz rueq ramc tauk kuex vpiq rueq tay tueq.

Tvtsvmc 68:5

Vpiq vsawc Shomc Yuimx nuex httax yaq Tishox rueq, nojix sahez kuex tuimz guimz ruiux mvntix nyuiuz tamx kuex tvkhup wungx kuq yaq.

DUNGWVNC 22:27

yvmx khoc lac ngoz ruiux lec piq rueq svmc juing vruex vshiz lauk lauk dvyx wuez rvtvnx, kvkhoc ngoz ruiux piq kuex yvmx khoc lac kvtsoalx lot tvnx? Kvkaq ngaz rueq romc kuy tvkoc piq rueq thoz ruiux yuq, ngaz rueq piq muex tay kuq shaungx, yvmx khoc lac ngoz ruiux lec ngaz kuex menjenc thuinz vhttax waz rvtauk.

AJONJÜ 5:3

Nuiyshiq muex vwaz tamx kuex ralx rueq thvt gay wuez tueq, majuiuc nuiyshiq muex vnyuiuz tamx kuex mvntix nyuiuz muex yaungx wuez yaq.

Luke 18:7

Vthvlc vruez jix htenc rueq raungnuiyq raungwvrx guyc sez thoz ruiux yuq, Tishox rueq tvrac rulc rv-ngvlc yaungc tvkoc phox kuq muq dvyx haz rvshvnx? Vpiq rueq tsuingshiq muex romc kuy tvkoc kvyix hvlc haz rvtvnx?

TRI CHONGKE 10:18

Vpiq rueq nojix norvyx nuiyc mvntix nyuiuz tamx muex tvrac rulc rv-ngvlc phox kuq yaq; naungshiq rulc vdvmz httaz jix pungnuk miqsaz htenc kuex lungwawx vtueq tsuingshiq muex phuiuz vsvy nuiyc khoz vkhvy htenc kuex kuq yaq.

TRI CHONGKE 15:9

Htawhtuimc tvmvy tvmauk gay raungwawc httuiuc wvnc muex vyek dvyx shex ningkhvnc nuex piq muex tvnvmc kuq muq maq nauk httax kaz. Mthuinz nuex kvkhoc nauk tvkhiq khvmz kaz. Mnoz rueq piq muex tvkhic nvmc kuq muq ngoz ruiux yuq, piq rueq Yehowa kox nuex tvtay jungc ningkhvnc nuex mnoz kuex mvrax yaq gay muex yaungx tuiux.

TRI CHONGKE 24:15

Shalx max nyuip nuex wvraungx nuiyq tek piq yauk mauk kuex kuy rax; piq muex kuimphox rax yaq ningkhvnc nuex lvp aungx yaq kuex piq rueq tvluimc yaq. Mnoz rueq piq muex kuq muq ngoz ruiux yuq, piq rueq Yehowa muex tvtay ramc ningkhvnc nuex mnoz rueq mvrax lvp shuiux.

James 5:4

Nuimshiq rueq nuimshiq wuik vnax htenc nuex yauk shuimc jix hez muex yvmx yauk mauk muinz kuq muit. Tsuingshiq kvbot nyvnx yaq kuex tay shuinz! Nuimshiq tuiz vtsvmz gvnc kuy jix htenc guyc sez tvruingc kuex Tvphaungc Tvsuip Taungjix Tishox nac nuex nyuip waung vtuex.