DUNGWVNC 30:25 - ASII LAKDAP Bible (BSI) kiimaq kra laüta asii ramram chang tel kra klolaq, laüta homseng ikha triishot laq. Hawa Naga Bible 2001 vhomc tix ikhoc ruimruimc puiz tix kuex tvhungx shot taq shuiuz. |
Kiijaq Jadok raq olip tsai thüchang tsabum apaiq raq Tatiwe asi Tombutiip mong wa alamho kra ajaq na lamto. Raüta Solomon khum na nyukto. Raüta tsangshiq raq lerong ka tsüto. Krai mren, mungmaiqse tarü raq, “Hokhamwe Solomon ka rilung alu misilaq!” nguta siitrangto.
Arka rahea phan ramwe shongwan na, Aron khupo na ramkhamtel nyuk tlaq ikha, akhupo maq riitea anübin na sawantlo, raüta asamtong jong dangkong nilok na sawan tlaq ikha.
Arthun rohun arka ümphu Aron ma tiisam kuqlaq. Kiimaq asetiim ma tiisam kuqlaq. Kra laütiishe tsangshiq ka shonglaq. Laüta tsangshiq dü na oliptai maq ram laüta, tsangshiq ka kiinong kuqlaq. Kra raütiq tsangshiq raq ramwebi ma ja raüta Ngi mishkumpan.
Kiimaq berong-wacha kiiwa tiijai wiijam ka lamlaq. Kiimaq ram ram chang tel kiiwa wiijam lamlaq. Laüta kriimaq Aron nai apaiq khea thun kiijaq kiimaq asetiim dü na kiimaq tsangshiq khea thun kiijaq bat kuqlaq. Kiimaq, apaiq, nai asetiim ka kiimaq tsangshiq khea thun kriika ngi ma akiinongke kun asii she miraq.
Kra laütiishe khum na nyat chang ramkham tel kriishe akhupo na nyuklaq. Laüta apaiq ka ramtel maq nyat laüta ramwe ma shonglaq.
kiimaq ahomwiq phan kassia ngutlaq ka kilogram trok lamlaq (arthun tlotli ka mung tok maq riikhaqli shinchang). Kriithaq na kilogram blai olip tai kra tiitsuqlaq,
Arka miinan joli maiqse khum na nyuk maimak. Kiimaq ümniiraq ara jamkho klo laü kra lang laüta, laihin na lang wan miitu tel ka phoq maimak. Arka asii, kiimaq ümniiraq arka asii hupsam nguta pinthum shreng ratlo.
Laüta arthun armaq homseng honglu kra klolaq. Arthun arka homseng ikha adam na riishot laüta phoqlaq. Laüta chiisan kiimaq asii maq thü miitu shum ri shot damlaq.
homseng honglu chaqchang berong-wacha nai kra pichang pepum wiinai kra; ramram chang tel kra; ahomwiq-homseng honglu kra; Tombutiip na wachang kilamchong na chanchang kheathum kra;
Kiimaq apaiq raq asii ramram chang tel kra kiimaq ahomwiq-homseng honglu kra khum na nyat chang homseng riishottlaq ikha kloto.
“Kra laütiishe Tombutiip nai kiijaq lang chang hupsam thun tlotli ka asii ramkham tel maq nei laüta kiinong kuqlaq. Raüla kriika asii she miraq.
Shekaü maa thun ka homseng chü mong na namrai raüla, homseng ka anam she mirki. Kiikhiisii phanshi ashut klo raüla, taksu pinthumwe mangchong kiimin abi mirki.
Raütiishe Mosheq raq ram ram chang tel kra lamto. Raüta Tatiwe asi Tombutiip nai kra mong na hupsam ümchuwa sitlaq kriithaq niishe batto. Apaiq raq akha ramtiibok raüta arka wiita Tatiwe ma kiinong kuqto.
“Aron nai asetiim ka ngi asi Tombutiip rinkea na shea wanlaq. Kiimaq ramwebi rohun thun kra, ram ram chang tel kra, ngarai-honglu minsaü pongwe arese kra, sku pongse nai arese nai kra, kiimaq pi maq shohü winsii taükok thun kra lam wan laq.
Mungmaiqse raq matwe ka ajaqtiwe apaiq phuk lam rittlaq kriiwe jaq wa tiiwongke chang. Kiimaq tsangshiq raq apaiq ka atiipaü chang chela apaiq jutaq kiijaq hali tiijang wan nong chang. Apaiq ka kra chela na kra matdong akhing na Ramwe Ajong Pinthumwe kra mitsai shaq wiiwii siruqli sichang.
Ümniiriika tingting jaqsham kli lungwii tlaü, Abi jaqsham ka asaisi riitlaü. Arkha miitiina, ngi Üm Shiikeawe raq, ümniika shong wan kang. Kiimaq, ümniima ümkongti tiim tarü thaq na, chochi ajong pinthum shreng lap wan miitu, shong wan kang.”