DUNGWVNC 30:26 - ASII LAKDAP Bible (BSI)

²⁶ Laüta armaq Ngi asi Tombutiip nai Tongshong Tek kra tiiboklaq,

Hawa Naga Bible 2001

²⁶ Vruex vnyvt juing puiz vmaq ngaz httax taungx Tap nuiyc Bomkhvrc Jep nuex muinz,

DUNGWVNC 30:26 Referencias Cruzadas

DUNGWVNC 30:27

kiimaq chamrii nai kra miirii laihin hupsam thun kra, lem-kham kra kiimaq kra miirii laihin hupsam thun kra, homseng honglu chaq chang berong-wacha kra,

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

EJEKIEL 28:14

Ngi raq ümnaq kheti kinsongti phiiptsi chang rase ashi shongkang. Ümniika ngi sichang asii pum na silaü. Laüta achhai anyii jem longseng phong maq ahai lam na khumlaü.

WEAWEA 17:2

“Israilnok raq ümniima nyeakii roqshiri anai kuqlaq nguta chonglaq. Maiq phan wela ashi jaq wa nyeakii ka achhuq chhuq jaülaq. Laüta maiq welatek mang ka anyeakii kiijaq waiqlaq.

WEAWEA 7:1

Ranaiqshi Mosheq raq Tatiwe asi Tombutiip kra chan lotto. Raüta Tombutiip nai kiijaq lang chang ta awii thun kunli kiimaq berong-wacha kiimaq krai lang chang hupsam thun kra ramkham tel maq nyatto. Raüta Tatiwe ma kiinong kuqto.

WEAWEA 7:10

Kiimahali welabi riika berong-wacha kra kiinong kewan akhing na lang chang honglu thun kiimin kuq wanto. Ümtiikiiwa tsangshiq ka berong-wacha na tsangshiq kongphiq thun kra kewan akhing na saütaq,

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

1 John 2:20

Shatmaq namshiq riiwe kla, Khristo raq Wenyi ramkham kok maq ram raüta, namshiq jaq ka akhaqke wishe. Kiimaq Asii Wenyi raq namkhum na, Asii phumram kham maq abat wishe. Krai mren, namshiq raq tengteng bomtsi ka sap lan she.

1 John 2:27

Riita ümchaü kla, namshiq raq jamlai chapa chang min ahü she. Khristo raq apaiq Wenyi ka namshiq khum na araüke wishe. Asii Wenyi ka namshiq khum na sishat sitlaq wiiwii, maiqse raq namshiq ma shrinke rea ngo min rarai mak she. Apaiq Wenyi raq namshiq ma phanrap hon atsii ka kunkun she chongkuq tlo. Kiimaq apaiq raq namshiq ma jamlai wa shrinkuq tlaq kriika tengteng. Ajiq ka tlang kuq mak phan. Krai mren, Asii Wenyi raq namshiq ma jamlai wa chongkuq tlaq, kra lang lanta sirong laq. Lanta Khristo rai pumshi hanshi maq tiipum lanta sironglaq.