DUNGWVNC 30:25 - Hawa Naga Bible 2001

²⁵ vhomc tix ikhoc ruimruimc puiz tix kuex tvhungx shot taq shuiuz.

ASII LAKDAP Bible (BSI)

²⁵ kiimaq kra laüta asii ramram chang tel kra klolaq, laüta homseng ikha triishot laq.

DUNGWVNC 30:25 Referencias Cruzadas

1 HOKHVMX 1:39

Zadok rueq Yehowa httax yaq Tap wawc vlvmz laq olip puiz tix maq Solomon kuex shvy vtueq ruimruimx kuq tueq. Kvkaq bolic kuex tuimz koq tueq, miq lotlaz rueq, “Hokhvmx Solomon rullungx mluz kueq!” ngoz tueq guyc wuez tueq.

1 KAÜWA WERAÜ 9:30

Yuq muinz vhomc vtumc phvnx tvrvshot yaq yauk shuimc kuex shomc waz bix nuex dvyx seng yaq.

Tvtsvmc 133:2

Kvruex kuex Arun khux maq kaq mul nuex raz tueq piq svm-hung phauk nuex httuiuc laz, yvlx wvnc tueq ruimruimc puiz tix ikhoc yaungx yaq.

Tvtsvmc 89:20

Ngvy nvrc waz Dawid muex vsawc puiz tix maq ruimruimx kuq ruiux, hokhvmx muex tvyaungc tauk.

DUNGWVNC 28:41

Kvruex khvy htenc kuex mphuz Arun nuiyc vsahez muex tvsvmc kuq shuinz. Kvruex yimaq tsuinghez rueq ngvy yauk shuimc lot tvkoc shomc waz hez ngoz tueq mnoz rueq tsuinghez muex olip puiz tix maq ruimruimx kuq shuiuz.

DUNGWVNC 29:21

Shomrawx htauk nuex httax yaq tvguiy raungluingx nuiyc ruimruimc puiz tix raungluingx kuex lvmz vtueq, Arun nuiyc piq khoz vkhvy htauk kvyuq muinz, vsaz hez nuiyc tsuinghez khoz vkhvy htauk kvyuq muinz buit shuiuz. Piq nuiyc vsaz hez tsuinghez khoz vkhvy htenc kuex ngaz muex lez kuy rvtueq.

DUNGWVNC 29:7

Kvruex yimaq piq khux kvyuq vpuiz tix maq shvy kuq vtueq, ruimruimx kuq shuiuz.

DUNGWVNC 30:24

kasia kilogram 6 rvtueq vhvlx pinhtumc vhomc vtumc phvnx htenc kuex (htvp htaz tvy yoalx tawk maq shenc juing). Olip puiz liter 4 maq shot vtueq,

DUNGWVNC 30:32

Vpuiz tix vruex kuex miq talaz gvnz nuex shvy kuy mvy muq, vruex vpuiz tix rulc rv-ngvlc laz muinz tvdungc mvy muq. Vpuiz tix kvruex kuex vsawc ningkhvnc nuex, vsawc puiz tix muex tvy rax.

DUNGWVNC 30:35

Homc tix tvhungx tvkoc kvruex htenc kuex shuimx vtueq vhomc vtumc httax laz shot tvhungx shuiuz. Kvruex htenc kuex vmuik shauk nuiyc vsawc vhomc vtumc yaungc tvkoc shumz tvrvp htawc shuiuz.

DUNGWVNC 35:15

vhomc vshot juiuz juing shomrawx nuiyc kantaung htenc, ruimruimc puiz tix, vhomc vtumc phvnx, Tap kaluix tuk juing mvnz;

DUNGWVNC 37:29

Piq rueq vsawc ruimruimc puiz tix nuiyc vhomc tumc hvlc muik shauk kuex homc thuingx wvnc laz tvhungx shot tueq.

DUNGWVNC 40:9

“Tap nuiyc kvyuq httax yaq phvnx htenc kuex ruimruimc puiz tix maq shvy vtueq tvsawc shuiuz, ngoz ruiux yuq kvruex kuex vsawc muex yaungx tuex.

THARC TVLUINGC 10:1

Shoaykumx maungx htenc rueq vhomc waq vpuiz tix sheshac vshiz kuex vnvmx thuingc tvthuingx gay yaq ikhoc, raungluingx saz ngauk ngaz rueq yungc loayc hvlc taksux tharc kuex tvbac gay lot yaq.

LEWI 8:10

Kvruex yimaq Moshe rueq ruimruimc puiz tix kuex lvmz vtueq, Yehowa httax yaq Tap nuiyc kvyuq httax yaq hup svmx phvnx ruip saz kuex nyvt ruiux, kvruex hup vsvmx htenc kuex Yehowa muex lekuq tueq.

LEWI 8:2

“Ngaz httax yaq Tap kaluix daungx kvyuq Arun nac sahez kuex shvlx laq loq, shomc waz rueq svmc juing khvy, ruimruimc puiz tix, mvrax kvdawc shomc kuy juing manx roalc pung, khelbuenx pung nueyc, wisiz lomx muq wanx boarshiz kuex lvmz laq loq.

WEAWEA 35:25

Mungx miqsaz rueq miq thvy gay jix waz kuex thueyc kaz tueq waz muex taungnyuing sanox yauk wawc palc wvnc vtueq, yuz kvhttuiyq httax kaz tueq ghaq kvyuq tvyek gay rax. Piq kuex kvtanc jauz yauk shuimx yaq Shomc Wayungx kuex thueyc kaz tuex nuex httuiuc laz kvruex ghaq kvyuq dvyx httaz rax.

Hebrews 1:9

Mnoz rueq vlvmz kuex lungwawx ruiux, vyaq kuex shuiuc gay vshuiux. Kvkhoc rvtueq m-Tishox ngoz yaq Tishox rueq mnoz kuex thvl wvnc vtueq, mkungjix muex kuq tueq htauk nuex muinz vyungx pinhtumc vkoz vkez tvtsanc nganc tueq,” ngoz tueq.