DUNGWVNC 28:41 - ASII LAKDAP Bible (BSI)

⁴¹ Arthun rohun arka ümphu Aron ma tiisam kuqlaq. Kiimaq asetiim ma tiisam kuqlaq. Kra laütiishe tsangshiq ka shonglaq. Laüta tsangshiq dü na oliptai maq ram laüta, tsangshiq ka kiinong kuqlaq. Kra raütiq tsangshiq raq ramwebi ma ja raüta Ngi mishkumpan.

Hawa Naga Bible 2001

⁴¹ Kvruex khvy htenc kuex mphuz Arun nuiyc vsahez muex tvsvmc kuq shuinz. Kvruex yimaq tsuinghez rueq ngvy yauk shuimc lot tvkoc shomc waz hez ngoz tueq mnoz rueq tsuinghez muex olip puiz tix maq ruimruimx kuq shuiuz.

DUNGWVNC 28:41 Referencias Cruzadas

DUNGWVNC 28:1

Tatiwe raq Mosheq ma nguto, “Ümphu Aron nai asetiim Nadab, Abihu, Eleajar, kiimaq Ithamar thun ka tiihea kikiq. Laüta tsangshiq ka Israilnok phong wa pong na tsea laüta thülaq. Raüta tsangshiq ka ramwebi ma ja raüta Ngi mishkumpanlaq.

DUNGWVNC 28:4

Tsangshiq ma khuk na samchang miirii, asii kheaphu, samtong jong kaü, rai maq sumla akokrat samtong, akhuphok, kiimaq kheabuntusetiim thun kra klo ronglaq nguta chonglaq. Tsangshiq raq ara ramwe rohun thun ara ümphu Aron nai asetiim miitu kloke chang. Raütiq tsangshiq ka ramwebi ma ja raüta Ngi ka mishkumpanlot.

DUNGWVNC 29:24

Laüta arthun aphaq seachang arka Aron jaq na nai asetiim jaq na tiishamlaq. Laüta tsangshiq ma arka akhek atiitsang honglu Ngi ma kiinong kuq ronglaq nguta chonglaq.

DUNGWVNC 29:35

“Ngi raq ümniima aming kuqkang kra phan phan riikhaqli, Aron nai asetiim ka ramwe shong wan ramram klo ka ramiishi na saüli klolaq.

DUNGWVNC 29:7

Kra laütiishe khum na nyat chang ramkham tel kriishe akhupo na nyuklaq. Laüta apaiq ka ramtel maq nyat laüta ramwe ma shonglaq.

DUNGWVNC 29:9

Kiimaq khea shinket thun kra tsangshiq chhü na tiipa kuqlaq. Kiimaq khuphok thun ka tsangshiq khu na tiiphok paq kuqlaq. Akha Aron nai asetiim ka ümniiraq ramwe ma mishong haü. Tsangshiq nai tsangsaütiim raq Ngi shiikumpan miitu pattup pat-sa ramwebi jaq misham wan.

DUNGWVNC 30:35

Laüta arthun armaq homseng honglu kra klolaq. Arthun arka homseng ikha adam na riishot laüta phoqlaq. Laüta chiisan kiimaq asii maq thü miitu shum ri shot damlaq.

DUNGWVNC 40:13

Laüta Aron ma ramwe rohun thun kra tiisam kuqlaq. Laüta akhum na asii tel ma nyat laüta ramkuqlaq. Akha klo laüta apaiq ka kiinong kuqlaq. Kra raüla apaiq raq iramwe jaq sham raüta Ngi mishkumpan milot.

DUNGWVNC 40:15

Kra laüta tsangshiq ka awe jamkho asii ramkham tel ma nyat laüta kiinong kuqlaü kiikhiisii, tsangshiq kiimin ramkham tel maq nyat laüta kiinong kuqlaq. Kra riihaüla tsangshiq ka ramwebi ja raüta Ngi shiikumpan jaqsham milot. Ara ramkham tel maq nyattlaü ariiraq tsangshiq ka pattup pat-sa ramwebi ma mitiija wan.”

ISAIA 10:27

Kra akhing she saüwa raüla, Ngi raq namshiq ka Asiria mungti kharii mong wa mitiidong baiqha. Raüla namshiq ka wase she mijahan kiimaq tsangshiq kharii ka namshiq raq homan she mirhan.”

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

EJEKIEL 43:26

Ramwebi raq ra miishe na saüli ara berong-wacha ka tiisii wan chang. Raüta kiinongke wan chang kiimaq alang miitu tiijeje she thü chang.

LEWI 10:7

Akha akhing na namshiq ka Tombutiip kilamchong wa ahin na kaiho raa mak. Riimakla namshiq kiimin atsai mirhan. Jamkhano ngukla namshiq ka Tatiwe tel ramkham maq atiibok wishe.” Krai mren tsangshiq riimin Mosheq raq chongkuqtaq kra phan phan kloto.

LEWI 16:24

Raüta apaiq raq ajü ka asii hiq ba na heraatlo. Raütiishe apaiq khu akhea kriishe samraatlo. Kra lot jaishetiq, apaiq ka Tombutiip mong wa kinphai niishe midongki. Raüta apaiq ngarai nai mungmaiqse ngarai tiisii wan chang chaqtlii-honglu kriishe mitaa.

WEAWEA 16:5

Kra raütiishe apaiq raq Kora nai asenginok ma akha nguto, “Anap ranap Tatiwe raq nashiq ma, apaiq rii maiq ka juwa tsea wantaq, kriiwe ka nashiq ma mitiichhikuq. Apaiq raq juwa ajaqshi ma shongtaq, kriiwe ka apaiq phana mitiiwa. Raüta berong-wacha na honglu ka mitiikuq wa.

WEAWEA 3:3

Tsangshiq ka ramwebi miitu tsangshiq khuna ramkham tel maq nyat kuqto. Raüta ramwebi ma shongto.

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

Hebrews 5:4

Ju riimin ramwe ajong jaqsham ka maiqmii raq rit mak phan. Shiikeawe raq Aron ka jamkho shongtaq kiikhiisiitiq shong chang.

Hebrews 7:28

Mosheq lümaq akuq Thungtri riika, maiqse ka minhap kechu maiqse miika tiija lot mak. Riita, ningkun ka ajom li jiimin, tsangshiq raq ramwe jong bi ma maiqse ka shong chang thung she raa kito. Shatmiitiq, Thungtri ka kewan jai miishe, Shiikeawe raq sinkham maq ramram raüta, tongshong wantaq, kra thungtri riika, Ase, phanrap na minhap maq jaqsham keti we kriishe, pattup pat-sa ramwe jongwe miishe shongto.

1 John 2:20

Shatmaq namshiq riiwe kla, Khristo raq Wenyi ramkham kok maq ram raüta, namshiq jaq ka akhaqke wishe. Kiimaq Asii Wenyi raq namkhum na, Asii phumram kham maq abat wishe. Krai mren, namshiq raq tengteng bomtsi ka sap lan she.

1 John 2:27

Riita ümchaü kla, namshiq raq jamlai chapa chang min ahü she. Khristo raq apaiq Wenyi ka namshiq khum na araüke wishe. Asii Wenyi ka namshiq khum na sishat sitlaq wiiwii, maiqse raq namshiq ma shrinke rea ngo min rarai mak she. Apaiq Wenyi raq namshiq ma phanrap hon atsii ka kunkun she chongkuq tlo. Kiimaq apaiq raq namshiq ma jamlai wa shrinkuq tlaq kriika tengteng. Ajiq ka tlang kuq mak phan. Krai mren, Asii Wenyi raq namshiq ma jamlai wa chongkuq tlaq, kra lang lanta sirong laq. Lanta Khristo rai pumshi hanshi maq tiipum lanta sironglaq.