DUNGWVNC 40:9 - ASII LAKDAP Bible (BSI)

⁹ “Kra laütiishe Tombutiip nai kiijaq lang chang hupsam thun tlotli ka asii ramkham tel maq nei laüta kiinong kuqlaq. Raüla kriika asii she miraq.

Hawa Naga Bible 2001

⁹ “Tap nuiyc kvyuq httax yaq phvnx htenc kuex ruimruimc puiz tix maq shvy vtueq tvsawc shuiuz, ngoz ruiux yuq kvruex kuex vsawc muex yaungx tuex.

DUNGWVNC 40:9 Referencias Cruzadas

Tvtsvmc 45:7

ümniiraq riikhaqli jaqsham kra lungwii tlaü; kiimaq abi kiimung ka tsaihai tlaü. Arningkhan Shiikeawe, üm Shiikeawe raq ümniika tsea wanto raüta hokham ahinti thaq na ümniima asho awo chochi kuqto,

DUNGWVNC 37:29

Kiimaq apaiq raq asii ramram chang tel kra kiimaq ahomwiq-homseng honglu kra khum na nyat chang homseng riishottlaq ikha kloto.

DUNGWVNC 39:39

miiki maq aklo berong-wacha nai amiirii jinchiiq kaü kra, kra pichang pepum wiinai kra, kiimaq berong-wacha rai lang chang amiirii hupsam thun kra; ahechang-nüchhong winpin nai kra tiichap chang ahokphi diim kra;

DUNGWVNC 40:8

Kiimaq Tombutiip keathung tro ka kheathum maq ruklaq. Laüta anyap wa chang kilamchong na kheathum ka chanlaq.

ISAIA 11:2

Tatiwe wenyi raq apaiq ma taksutsii mikuq, kiimaq asenginok peng wan miitu apaiq ma anyan phaqchi nai jaqsham sma mikuq. Apaiq raq Tati tiima tsantsii kra mikhon; kiimaq apaiq ma shreng manto thüshat miraq.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

EJEKIEL 28:14

Ngi raq ümnaq kheti kinsongti phiiptsi chang rase ashi shongkang. Ümniika ngi sichang asii pum na silaü. Laüta achhai anyii jem longseng phong maq ahai lam na khumlaü.

LEWI 8:10

Raütiishe Mosheq raq ram ram chang tel kra lamto. Raüta Tatiwe asi Tombutiip nai kra mong na hupsam ümchuwa sitlaq kriithaq niishe batto. Apaiq raq akha ramtiibok raüta arka wiita Tatiwe ma kiinong kuqto.

WEAWEA 7:1

Ranaiqshi Mosheq raq Tatiwe asi Tombutiip kra chan lotto. Raüta Tombutiip nai kiijaq lang chang ta awii thun kunli kiimaq berong-wacha kiimaq krai lang chang hupsam thun kra ramkham tel maq nyatto. Raüta Tatiwe ma kiinong kuqto.

Matthew 3:16

Khamlam lot ri she, Jesuq ka khamchum mong maq dong wanto. Kra akhing na Jesuq raq ramungtan ka atlin raü chhito. Kiimaq Shiikeawe Asii Wenyi ka haütaü kaü ikha ra wa satki raüta, apaiq khuthaq na ngakai chhito.

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

2 Corinthians 1:22

Kiimaq nashiq khum na apaiq raq, apaiq rii she nguta, Asii Wenyi miithii maq shongto. Kiimaq apaiq raq nashiq ma nashiq tsan mong na Asii Wenyi kiimin athiikewi she. Riita, ara Asii Wenyi thiikuqtaq arka, Shiikeawe raq nashiq miitu ümchuwa mikuqha nguta kiq kham raüpot khakuqtaq kra, rawiichii nashiq raq kunli milap wan rong i she dea nguta tiichhike wan kiqkham raükha tiipha khake la niishe kuqto.

2 Corinthians 1:4

Apaiq raq nashiq ka chamchao litkot riihum tiikai ranaiq na khrum kuq ruq riitlo. Krai mren, nashiq riimin nanok ahinti juwa chamchao litkot riihum tlaq, Shiikeawe raq nashiq ma jamkho khrum kuq tlaq kra ningkun lümaq khrum kuq lot tiikai.

Hebrews 9:21

Ara chongtiikai akhiisii hali, Mosheq raq, kra chongtiikai tiijai maq tongshong jolitiip kiijaq min bat tlo. Kiimaq, Shiikeawe shomnoq na lang chang, hup asam ümchuwa sitlaq thun wiita thaq na, tiijai maq nei tlo.

1 John 2:20

Shatmaq namshiq riiwe kla, Khristo raq Wenyi ramkham kok maq ram raüta, namshiq jaq ka akhaqke wishe. Kiimaq Asii Wenyi raq namkhum na, Asii phumram kham maq abat wishe. Krai mren, namshiq raq tengteng bomtsi ka sap lan she.