DUNGWVNC 37:29 - ASII LAKDAP Bible (BSI)

²⁹ Kiimaq apaiq raq asii ramram chang tel kra kiimaq ahomwiq-homseng honglu kra khum na nyat chang homseng riishottlaq ikha kloto.

Hawa Naga Bible 2001

²⁹ Piq rueq vsawc ruimruimc puiz tix nuiyc vhomc tumc hvlc muik shauk kuex homc thuingx wvnc laz tvhungx shot tueq.

DUNGWVNC 37:29 Referencias Cruzadas

Tvtsvmc 141:2

Ngi raq achu jaütiikang arka honglu akuq ikha taolaq, ijaq ra na dotiikang arka raji honglu akuq ikha taolaq.

Tvtsvmc 23:5

Ümniiraq ngi miitu phaqsea poi jonghea tiihonglaü, kiiwa ijaqtinok tlotli raq ngi ka michhi; ümniiraq ngi ka akiwe ikha taolaü kiimaq ikok na asho awo thiikuqlaü.

Tvtsvmc 92:10

Ümniiraq iningkun ka rum na siti minsaü pongwe ningkun ikha kuqlaü; ümniiraq ngi ma peohea shiiman kuqlaü.

DUNGWVNC 30:22

Tatiwe raq Mosheq ma nguto,

DUNGWVNC 37:28

Kiimaq apaiq raq apichang pepum ka pumnai wiita akasia pe maq kloto. Raüta chaq maq jopto.

THARC TVLUINGC 10:1

Shekaü maa thun ka homseng chü mong na namrai raüla, homseng ka anam she mirki. Kiikhiisii phanshi ashut klo raüla, taksu pinthumwe mangchong kiimin abi mirki.

ISAIA 11:2

Tatiwe wenyi raq apaiq ma taksutsii mikuq, kiimaq asenginok peng wan miitu apaiq ma anyan phaqchi nai jaqsham sma mikuq. Apaiq raq Tati tiima tsantsii kra mikhon; kiimaq apaiq ma shreng manto thüshat miraq.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

Hebrews 5:7

Jesuq ka mangjong hiq na siji na, achu jaü maq siwanto. Apaiq tsan mong na tiima tsantsii atsin maq, apaiq ka atsai chang wa tiichhii lotti, Shiikeawe jaq wa achu jaüto. Kiimaq makphai trok raüta, ajong maq hong raüta, Shiikeawe ma tiitaito. Apaiq ka Shiikeawe wokhong na phaqchii nichii maq siti kha maq, Shiikeawe raq apaiq achu jaü bomtsi thun kra tre kuqto.

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

1 John 2:20

Shatmaq namshiq riiwe kla, Khristo raq Wenyi ramkham kok maq ram raüta, namshiq jaq ka akhaqke wishe. Kiimaq Asii Wenyi raq namkhum na, Asii phumram kham maq abat wishe. Krai mren, namshiq raq tengteng bomtsi ka sap lan she.

1 John 2:27

Riita ümchaü kla, namshiq raq jamlai chapa chang min ahü she. Khristo raq apaiq Wenyi ka namshiq khum na araüke wishe. Asii Wenyi ka namshiq khum na sishat sitlaq wiiwii, maiqse raq namshiq ma shrinke rea ngo min rarai mak she. Apaiq Wenyi raq namshiq ma phanrap hon atsii ka kunkun she chongkuq tlo. Kiimaq apaiq raq namshiq ma jamlai wa shrinkuq tlaq kriika tengteng. Ajiq ka tlang kuq mak phan. Krai mren, Asii Wenyi raq namshiq ma jamlai wa chongkuq tlaq, kra lang lanta sirong laq. Lanta Khristo rai pumshi hanshi maq tiipum lanta sironglaq.