DUNGWVNC 38:1 - ASII LAKDAP Bible (BSI)

¹ Raüta Bejalel raq honglu thun kra chaq chang akasia pe maq berong-wacha ashi haito. Kriika tsingblai riito. Alu nü na 2.2 mitar kiimaq ajong nü niimin 2.2 mitar. Kiimaq adii lu nü niika 1.3 mitar.

Hawa Naga Bible 2001

¹ Piq rueq wvr maq jauk shomc kuy tvkoc shomrawx vshiz kuex akasia pulx maq tvhungx guirx tueq. Kvruex kuex samx rv-ngvlc vloayc kox meter 2.2, vyungc kox meter 2.2, vjoz kox meter 1.3 maq guirx tueq.

DUNGWVNC 38:1 Referencias Cruzadas

2 KAÜWA WERAÜ 1:5

Kiimaq Bejalel, apaiq ka Ur se, Hur miika asaü raq miiki maq alo berong-wacha kiimin Gibeon hiq na Tatiwe Asi Tombu Tiip rinkea na riito. Hokhamwe Solomon nai mungmaiqse kun li raq Tatiwe ka kiijaq shomnoqto.

2 KAÜWA WERAÜ 4:1

Hokhamwe Solomon raq miiki maq berong-wacha ashi loto. Kriika ajong nai alu nü na mitar tiikaü tiikaü siisaq trotam na tapshok ikha. Adü lu nü niika mitar blai ri mitar thiq.

DUNGWVNC 25:5

sku pongse khü riiqshii maq atsi; nintatahea ngamkhü; akasia-pe;

DUNGWVNC 30:17

Tatiwe raq Mosheq ma nguto,

DUNGWVNC 31:9

wiipumtam-chaqtlii chang berong-wacha kra kiimaq kra miirii hupsam thun kra, jaqhechang-nüchhong pin nai ajichong khambu kra,

DUNGWVNC 38:2

Kiimaq apaiq raq arong ka tapshok blai akii kiijaq rongblai kloto. Kra arong blai wiita berong-wacha krai bushi wiili haito. Apaiq raq kra trotam na miiki maq jobaiqto.

DUNGWVNC 40:29

Raüta kiijaq kra kilamchong kheathum chantaq khaki na honglu thun chaq chang berong-wacha kriishe tiihong thüto. Raüta kriijaq apaiq raq wiipumtam-chaqtlii honglu kra takuqto kiimaq rai-awong honglu kra kuqto. Arka Tatiwe raq aming kuqtaq kra phan phan kloto.

DUNGWVNC 40:6

Laüta Tombutiip rinkea na honglu thun chaq chang berong-wacha kra tiihonglaq.

John 6:37

I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

Hebrews 13:10

Jehudinok shomjam na, Shiikeawe shomnoqti ramwebi riika, nashiq raq Shiikeawe shomnoq tiikai, nashiq berongwacha na honglu ngamrea kuq tiikai kra, wa nyiim wan dam miitu arang ahü.

Hebrews 13:8

Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.

Hebrews 3:1

Shiikeawe raq ngi rai ahea wan damti, asii lungwii Phungmaiqse phunainotiim lei! Nashiq raq Shiikeawe ma kam tiikai lamphan na, nashiq shunshea wanti we, Jesuq ka Shiikeawe raq Ramwe Ajong Pinthum ma shong raüta tiikito. Apaiq raq nashiq ma Ramwe Ajong jaqsham kuq tlaq kra atsi dada maq tiima laita si rong i.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

1 Peter 2:5

Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.

Revelation 21:16

Kra Chela ka tapshok ikha, siimblai wiita na ajong, alu, adiilu na riingea riingea siisaq. Rase raq chela ka ajaq na sham tlaq ashin chang nyeakii kiimaq shinto. Kra shin kiita, chela ruk ka alu nü na kilumitar 2400 riito. Kiimaq adü lu nai athea nü na kiimin kiitinkhan siisaq riito.