Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.
DUNGWVNC 24:4 - ASII LAKDAP Bible (BSI) Kiimaq Mosheq raq Tatiwe raq akuq aming thun ka wiita waiq thüto. Kriimaq nap jai ranap chu maq apaiq raq kra pumji na berong-wacha ashi haito. Kiimaq longkaü roqshiri kaünai, Israilnok maiq phan phan roq shi ri phan nai kra miitu maiq phantek miitu kaüshi shi shongto. Hawa Naga Bible 2001 Yehowa rueq jungx tueq lotlaz kuex Moshe rueq wuiyq taq tueq. Nvp yix raungnuiyq raungnvp saz maq piq rueq kanx yaz kvyuq shomrawx kuex tvhungx ruiux, Israel miqsaz phvnx rokshiz rac phvnx nueyc laung lung rokshiz rac vnueyc kuex shungc tueq. |
Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.
Jakob ka anap ranap na ranap chu maq tiidoto. Raüta rawa na akhu dea chang longkaü kra do raüta tsan na tiitsang miithii longkaü ma kiijaq shongto. Raüta apaiq raq kriithaq na oliptai maq tiibok raüta Shiikeawe ma kiinong kuqto.
Krai mren ara tsan na tiitsang chang miithii longkaü shong tiikang arba arka ümnaq shomnoq chang hiq ba miraq. Kiimaq ümniiraq ngi ma phanrap kuqtlaü kriiwa wiita, roqshi khu wa manshi ka ümniima mikuqha.”
Krai mren Jakob raq longkaü ashi do raüta shongto. Kriika pattup miitu tsan na tiitsang chang manphan longshong ma tiija miitu.
Kiijaq Ahija raq apaiq dü na samtlaq samtong jongkaü anye kra adü wa chhutto. Raüta kra samtong kaü ka man roqshi ri mannai na tiikho chaito.
Raüta apaiq raq longkaü kaüroqshi ri kaünai doto. Arka maiqphan phanroqshi ri phan nai kra miitu, phanshi miitu longkaü ka kaüshishi phongto. Arka Jakob setiim weroqshiri wenai mangtaq kra phan phan phongto. Jakob mang ka Tatiwe raq Israil ngutiishe mangto.
Tsangshiq raq Shomjam wa poi klo wan miitu, minsaü pongwetiim ka shishi, skukong ka shinai, kiimaq sku aransetiim ka shiblai honglu na na tato. Kiimaq hali, chhechhi ka roqshi ri anai kra tsangshiq ngarai tiidii wan miitu takuqto. Arka Israilnok maiqphan phanroq shi ri phannai sitlaq kra miitu, maiqphan phanshi miitu chhechhi ka kaüshi shi wea raüta takuqto.
Riita ara tongshong tri lakjaq na apha shaqshaq mangkhat wanti ka Hakalia se Nehemia wanghuptiwe raq suhito. Kiimaq apaiq jai niika, Jedekia raq suhito. Tsangnai jai niishetiq mung rüm damti welabi ariiraq suhi wanto. Tsangshiq mang thun ka ara:
Kiijiishe Tatiwe raq Mosheq ma nguto, “Ara re riikhat tang lan manphan raüpot ka ahea wiq waiq thülaq. Krai mren arka tsan na tiitsangshat mithülaq. Joshua ma chonglaq Ngi raq Amalakaiqnok ka miqchup mitiithen baiqha.”
Kiimaq Mosheq raq kiijaq berong-wacha ashi haito. Raüta kriika, “Tatiwe ka ngi Tanglap,” nguta mangto.
Kra raütiishe apaiq raq tongshong lakdam kra lamto. Kiijaq Tatiwe aming thun awaiq thü asi riito. Kiimaq kra mungmaiqse ma tiihong raüta phat kuqto. Tsangshiq raq nguto, “Naishiq raq Tatiwe bom mitai hai. Kiimaq apaiq raq aming tattaq kra phan phan miklohai.”
Ara longseng po thun armong niika Jakob setiim weroqshi ri wenai mang thun ka longseng poshi mong na weshi shi mang khat waiq raüta shaqbaiq chang. Raüta Israilnok maiqphan thun kra mang chong la na sichang.
Tatiwe raq Mosheq ma nguto, “Ara bomtsi thun ara awaiq laüta thülaq. Jamkhano ngukla ara bomtsi thaq na seng lata Ngi raq ümniirai kiimaq Israilnok rai ara tongshong wan tiikang ara.”
Kra akhing she saüwa raüla, Tatiwe shomnoq chang berong-wacha Ejip mung na ashi miraq. Kiimaq Ejip mung hiqrai na longkaü khamchong ashi apaiq mang na ashong asi miraq.
“Israilnok raq ümniima nyeakii roqshiri anai kuqlaq nguta chonglaq. Maiq phan wela ashi jaq wa nyeakii ka achhuq chhuq jaülaq. Laüta maiq welatek mang ka anyeakii kiijaq waiqlaq.
Krai mren, namshiq ka ngi rai i Mungtan na hokham ngachang na nga lanta, takshi pinshi maq miphaq siq wan dam han. Lanta namshiq ka Israilnok maiq phan, phan roqshi ri phan nai kra thaq na nga lanta, mungsea wan mungtubi ma mija wan han.
Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.
Krai mren, Mosheq raq Shiikeawe thungtri ka waiq thüto. Raüta Tatiwe Tongshong Tek liiti Lewi phan ramwebi nai Israilnok welabi jaq na kuqto.
Kiimaq tsangshiq ma akha aming kuqto, “Namshiq ka Tatiwe Shiikeawe Tongshong Tek khaki na Jordan rai mong jüphii kiina wawanli ronglaq. Lanta namshiq maiq loweatek raq Israilnok maiq phantek miitu longkaü ka kaüchhuq chhuq phaq na piwan ronglaq.
Kra chela tro na peruk haitaq kra tiichap wan chang ka longkaü roqshi ri anai thaq na sii wan raüta haito. Kra longkaü thun thaq na Skuse kiimwebi roqshi ri wenai mang ka tiiwaiq shat asi.