DUNGWVNC 24:7 - ASII LAKDAP Bible (BSI)

⁷ Kra raütiishe apaiq raq tongshong lakdam kra lamto. Kiijaq Tatiwe aming thun awaiq thü asi riito. Kiimaq kra mungmaiqse ma tiihong raüta phat kuqto. Tsangshiq raq nguto, “Naishiq raq Tatiwe bom mitai hai. Kiimaq apaiq raq aming tattaq kra phan phan miklohai.”

Hawa Naga Bible 2001

⁷ Kvruex yimaq Yehowa rueq nvr tueq htenc vwuiyq taq shec bomkhvrc luik dvp kuex lvmz vtueq, miq htenc rueq tay laz juing wvl kuq tueq. Tsuingshiq rueq, “Yehowa kvjaz kuex nuiyshiq rueq tay wuez shix nuiyc piq rueq nvr tueq phvnx ruip saz htenc kuex nuiyshiq rueq phvnx shix,” ngoz tueq jungx tueq.

DUNGWVNC 24:7 Referencias Cruzadas

1 HOKHVMX 8:9

Kra Tongshong Tek mong niika longpen kaünai anai, Mosheq raq Sinai pum maq, Tatiwe raq Israilnok ka Ejip mung maq manglaü wawantaq akhing na tong ashong wan kriili riito. Kriiwa chan raüta laihin hupsam ka jammin ahü.

2 KAÜWA WERAÜ 15:14

Raüta tiihong raüta tsangshiq tarü raq Tatiwe rai tongshong wantaq bomtsi kra milanghai nguta tumkham nyangto. Raütiishe tsangshiq ka gitrangto paison lerong kra tsü trangto.

Tvtsvmc 50:5

Apaiq raq ngutlo, “Iwokhong na tsapkapkap maq siti isenginok ngi phana adam riitam ronglaq, ngi ma honglu kuq raüta itongshong ramkham maq atiibok wan hati thun kra.”

Tvtsvmc 78:36

Shatmaq tsangnübok maq jamlai wa bomtlaq kriika arotli riitlo; tsangshiq raq jamlai wa bomtaq thun kriika tsan mong maq tengteng abom ka riimak.

DUNGWVNC 19:8

Kiijiishe mungmaiqse kunli raq adam na apaiq bom ka akha treto, “Tatiwe raq bom chongtaq thun ka naishiq raq wiita milanghai,” kiimaq Mosheq raq ara bom ka Tatiwe ma tiitaito.

JEREMIA 34:13

Israilnok Shiikeawe raq, ngi nangnga mungmaiqse ma akha chonglaq nguta thaüto: “Ngi raq ümtiikiiwa namtitiim ka Ejip mung wa dokda wan kang, lata wasetiim ma tiija wan kang akhing na, tsangshiq rai itongshong wan kang. Ngi raq tsangshiq ma akha chongkuq kang.

JEREMIA 42:6

Naishiq raq taima ahea riiklo, abi riiklo, naishiq raq Tatiwe, nashiq Shiikeawe jaq wa ümnaq nang nga achu jaü kuqlaq nguta chongtiikai kra mitaihai. Naishiq raq apaiq aming ka lang hai jiila, nashiq ma khu asang miraq.”

EJEKIEL 16:8

“Ngi jangshi ri hali kra lam maq alea wan chakang. Kiimaq Ngi raq ümniika maiq ma wacho she khana nguta liikang. Ngi raq ümkhum kheahü ma kra isamtong jong kaü kriimaq pangkuq kang. Lata ümniika milungwii kang nguta kiqkham kuqkang. Tengto. Ngi raq ümniika ijamti nyung ma nguta jaqkhaq raü tiipakuq kang. Krai mren, ümniika ijamti nyung miishe jaki laü.” Arka, Tati Rakaü Hiqwe raq ngutlo.

MALAKI 2:10

Nashiq tarü ka weshise li riimak shea? Nashiq phansang wanti Shiikeawe ka ashili riimak shea?. Ikhiijiika, nashiq liipan kiqkham raütu khatiikai ka jaram wa jintiikai, kiimaq Shiikeawe raq natitiim ma tongshong jaqkhaq raü tiipakuq wantaq kra jam nguto diibaiq tiikai?

Acts 13:15

Mosheq Thungtri lakdap wa nai Shammibi lakdap wa phat wan jai miishe, sinagok liiwanti maiqlare raq, tsangnai ma, “Phuno we nai, namnai raq tsaido jido bomtsi chongke chang tsishi ra asi jiila, nokwe ngatlaq arma chongke miitu akhing asi miraq,” nguta bom ka tiiwaito.

Colossians 4:16

Ara lak dap ara namshiq raq phatlot jai, Laodesia na siti phungtuti riimin akhek miphat laq. Kiimahali namshiq riimin, Laodesia phungtuti raq namshiq ma tiihoho tlaq, kra lak dap ka akhek phat rong laq.

1 Thessalonians 5:27

Ngi ma Tatiwe raq arang kuqtaq kriimaq, ara lak ara kamasham maiqse tlotli ma phat kuq ronglaq nguta thüda tiikang.

JOSHUA 24:24

Kiijiishe mungmaiqse raq Joshua ma nguto, “Naishiq raq nashiq Tati Shiikeawe kli mishli hai. Naishiq raq apaiq aming thun kra milang hai.”