DUNGWVNC 24:7 - Hawa Naga Bible 2001

⁷ Kvruex yimaq Yehowa rueq nvr tueq htenc vwuiyq taq shec bomkhvrc luik dvp kuex lvmz vtueq, miq htenc rueq tay laz juing wvl kuq tueq. Tsuingshiq rueq, “Yehowa kvjaz kuex nuiyshiq rueq tay wuez shix nuiyc piq rueq nvr tueq phvnx ruip saz htenc kuex nuiyshiq rueq phvnx shix,” ngoz tueq jungx tueq.

ASII LAKDAP Bible (BSI)

⁷ Kra raütiishe apaiq raq tongshong lakdam kra lamto. Kiijaq Tatiwe aming thun awaiq thü asi riito. Kiimaq kra mungmaiqse ma tiihong raüta phat kuqto. Tsangshiq raq nguto, “Naishiq raq Tatiwe bom mitai hai. Kiimaq apaiq raq aming tattaq kra phan phan miklohai.”

DUNGWVNC 24:7 Referencias Cruzadas

1 HOKHVMX 8:9

Israel miqsaz Ejip mungx maq kaz wvnc tueq nuex Yehowa rueq Sinai Kanx maq tsuingshiq rulc bomkhvrc taq ruiux, Moshe rueq vtaq lungdvmx vnueyc maq lvy vtueq Bomkhvrc Jep mungx nuex yvmx muinz httax muq.

2 KAÜWA WERAÜ 15:14

Bomkhvrc kvruex phvnx shix ngoz tueq tsuingshiq kuex guyc tvruingx wuez ruiux bolic tuimz vtueq Yehowa muingc maq daungdaungx guyc ramc wuez vtueq kvtuemc wuez tueq.

Tvtsvmc 50:5

Vpiq rueq, “Shomc nawk kuy shomc kuq vtueq ngaz rulc bom-khvrc tvy jix htenc, ngaz muex tvmtuing httax yaq miqsaz htenc kuex ngaz kox nuex tvtuimx shuiuz,” ngoz tueq jungx tueq.

Tvtsvmc 78:36

Yuq muinz tsuingshiq rueq jungphvnx yaq htenc kuex vrot vkaq kvjaz jvnc dvyx rvtueq; tsuingshiq rueq jungphvnx yaq lvmx htenc thuinz vlanx rvmuq.

DUNGWVNC 19:8

Kvkaq miq lotlaz rueq vrungx vraz maq tvralc tueq kuex, “Yehowa rueq jungx tueq phvnx ruip htenc kuex nuiyshiq rueq phvnx shix,” ngoz tueq tvralc wuez tueq. Moshe rueq muinz miq htenc rueq tvralc tueq kvjaz kuex Yehowa muex tvtay jungx tueq.

JEREMIA 34:13

Israel Tishox rueq, miq htenc muex jungc kuy tvkoc ngaz muex vkhoc jungx phuex: “Ngaz rueq tsuingshiq kuex Ejip mungx wawc daungc wvnc tauk nuiyc dax muex yaungx yaq wawc tsuingshiq tvdung wvnc tauk nuex, mjix m-waz tamx rulc ngaz rueq bomkhvrc taq tauk. Ngaz rueq tsuingshiq muex

JEREMIA 42:6

Kvruex nuiyshiq rueq raungc raq shix ruezruez, raungc raq miq ruezruez, mnoz rueq thoz kuy tvkoc nuiyshiq rueq thoz vphix Yehowa naungshiq Tishox kvjaz kuex phvnx shix. Nuiyshiq rueq vpiq kvjaz tay phvnx ruiux yuq, nuiyshiq kuex phvnx ruip saz nuex rungwanx wvnc wuez tix,” ngoz tueq jungx tueq.

EJEKIEL 16:8

“Kvruex lvmx maq ngaz laukshiz lvy wvnc yek tauk nuex, mnoz tvkoc rvlungc rvwawc thuinz tvy jauz shex httuiuc yaq kuex khiz phaungx. Ngaz rueq mnoz sawkumx ningkhvnc nuex ngvy svmhung yungx maq puingc ruiux, mnoz muex lungwawc bomkhvmc taq tauk. Rvtueq, ngaz kuex mnoz lvmc tvkoc bomkhvrc taq ruiux mnoz kuex itaungx nyuiuz muex yaungx wvnc toq.” Vruex kuex Johvlc Yehowa kvjaz rvtueq.

MALAKI 2:10

Naungshiq lotlaz nuex vwaz vshiz dvyx httax yaq rvmuq haz? Naungshiq lotlaz tvdungc sungc jix Tishox muinz vshiz dvyx rvmuq haz? Kvkhoc rvyruiux vdvmz nuex taq vshix bomkhvmc htenc kuex naungshiq rueq yvmx ngoz tueq tvbac gay lac, naungshiq jix vwaz tamx rulc Tishox rueq vtaq bomkhvrc kuex yvmx ngoz tueq lac wvlc guez waqguez tvyaungc vshuinx?

Acts 13:15

Kvruex yimaq Moshe Tvrac luik nuiyc shvmmax bix luik kuex wvllawc lot vtueq vjux thoz yuimx nuex yauk shuimc jix walaungx bix rueq miq tvkaz vtueq: “Phunox bix lex, nuk miqsaz muex bomjungc kuy juing vhttax shuex vguez lac vhttax yuq lec jungx kuq shuinz,” ngoz tueq.

Colossians 4:16

Vruex tvgurc laq vphaungx luik kuex nuimshiq rueq wvllawc lot yix, Laodikea phungc miqsaz rueq muinz m-wvllawc shueq. Laodikea phungc maq raz tueq vtvlvy kuq luik kvmuinz nuimshiq rueq wvllawc shuinz.

1 Thessalonians 5:27

Vruex tvlaq vphaungx luik kuex kvmluimx jix miqsaz lotlaz muex wvlc kuy tvkoc Taungjix rueq vlekuq vrangx vpangx maq nuimshiq muex ngaz rueq nvr vphaungx.

JOSHUA 24:24

Miq htenc rueq Yoshua muex ngoc, “Yehowa naungshiq Tishox muex nawk palx wuez shix. Vpiq rueq nvrc kvjaz kuex phvnx shix,” ngoz tueq jungx wuez tueq.