Biblia Todo Logo
La Biblia Online
- Anuncios -




DUNGWVNC 24:6 - Hawa Naga Bible 2001

6 Moshe rueq nyvmx saz tvguiy wvyvmc kuex pankhuix nuex htawc ruiux; wvyvmc kuex shomrawx htauk nuex buit tueq.

Ver Capítulo Copiar

ASII LAKDAP Bible (BSI)

6 Kiimaq Mosheq raq nyamse ataakuq ngam tiijai thun ka man nai wa manshi lamto. Raüta nüchhong winpin thun na thiito. Kiimaq ngam tiijai khoko kriika berong-wacha kiijaq raüto.

Ver Capítulo Copiar




DUNGWVNC 24:6
22 Referencias Cruzadas  

Tsuingshiq kuex vpiq rueq jungphvnx wvnc tueq kvjaz htenc kuex phvnc tvkoc tvlvlc wuez ruiux, vpiq nuiyc tsuingshiq jix vwaz tamx rulc vtaq bomkhvrc kuex phvnx muq nuiyc vpiq rueq tvhonc tvsvmz bomc htenc kuex tsuingshiq rueq wvlc guez tvyaungc tueq. Tsuingshiq rueq khuec guez yac yuimx htenc kuex nawk palx ruiux miqmac shauk pumz kuex htawz guez tvyaungc gay tueq, tsuingshiq rueq tvroz wawc miqphvnx htenc htungx vlayx kuex phvnx vtueq, tsuingshiq honc vyaungc htenc kv-phelc wvnc muq tvkoc Yehowa rueq jungx tueq kvjaz htenc muinz phvnx muq rvtueq.


Moshe nuiyc Arun kuex vpiq shomc waz nueyc rvtueq, Samuel muinz vpiq kox wawc vjux thoz jix waz rvtueq; tsuinghez rueq Yehowa kuex gvl wuez koq tueq vpiq rueq muinz tsuinghez muex tvralc kuq tueq.


Ekvmaq hisop yauk tushiz lvmz vtueq panx wawc ngvmx tvguiy kvyuq thuimc ruiux, kaluix daungx khux kvyuq nuiyc kaluix daungx htung samx nueyc nuex tsac shuinz. Raungx nvp nuex httuiuc laz ukhaq muinz miqmac yuimx maq dungc kay mvy muq.


Miq htenc kvraq tvguiy kuex lvmz vtueq yuimx kaluix khux wawc daungx kvyuq nuiyc kaluix daungx htung nueyc kvyuq nyvt ruiux, vngvmx kuex mphauk shueq.


Kvruex yimaq Moshe rueq pankhuix wawc tvguiy kuex lvmz vtueq miq htenc htauk kvyuq buit tueq. Piq rueq, “Yehowa rueq nuimshiq muex vruex htenc kuex nvr ruiux, nuimshiq rulc bomkhvrc vtaq kuex vruex tvguiy maq tvsik tvkop shex tueq,” ngoz tueq jungx tueq.


Khelbuenx pung kuex thvt vtueq, tvguiy kuex shomrawx samx bvlic rac kvyuq buit shuiuz.


Khelbuenx kuex thvt ruiux, vtvguiy raungluingx lvmz vtueq Arun nuiyc vsaz hez nac keq kox nac sawx kvyuq nyvt shuiuz, vkeq kox yashix kuiux kvyuq nuiyc vkeq kox yaukshix kuiux kvyuq tauk nyvt shuiuz. Kvjungx yaq tvguiy kuex shomrawx kawx bvlic htauk kvyuq buit wuinc shuiuz.


Kvruex bomkhvrc kuex ngaz rueq tsuingshiq kuex Ejip mungx wawc yauk maq het vtueq shvlx wvnc tauk nuex, tsuingshiq jix vwaz tamx rulc vtaq ikhoc rvmuq. Ngaz kuex tsuingshiq tvkoc vtaungx waz ikhoc yaungx vtaungx rvhvt maq tsuingshiq rueq bomkhvrc kuex phvnx muq.


Piq rueq shomc kuy juing kuex shomrawx khux kox nuex thvy rax. Shomc waz bix rueq vtvguiy kuex shomrawx samx bvlic nuex buit rax.


Tsuinghez rueq kvruex baung kvyuq manx pung waz kuex thvt vtueq, Arun sahez shomc waz bix rueq tvguiy kuex Yehowa muex kuq ruiux, Tap kaluix daungx nuex httax yaq shomrawx samx shuk bvlic kvyuq buit rax.


Piq rueq manx khux htauk kvyuq yauk kuex tvdaungc ruiux Yehowa httax yaq Tap kaluix daungx kvyuq thvy rax. Arun sahez shomc waz bix rueq tvguiy kvmaq shomrawx samx bvlic wvtaungx nuex buit ruiux,


vyauk kuex khelbuenx khux poz nuex tvdaungc ruiux, Tap kvlc kvyuq mthvt shueq. Shomc waz bix rueq tvguiy kuex lvmz vtueq shomrawx samx bvlic kvyuq mbuit shueq,


Piq yaukshix kuex tvguiy kvyuq thuimc vtueq vsawc baung tuk juing vjuinx khvymvnz max kvyuq tvguiy maq lauk mvshix mbuit shueq.


Kvrulc rv-ngvlc raungyac dungc svy lot yix kok kuex lvmz vtueq, “Vruex kok kuex ngvy tvguiy rulc tvsik vtawk wung taq Tishox bomkhvrc vnyalx rvtueq. Vruex kok wawc svpiq tix nuingx shuinx ruip rawx ngaz kuex rvwvlc lvp tvkoc shuimx wuez shuinz,” ngoz tueq jungx tueq.


Kvkhoc rvtueq Tishox rueq Vsaz maq raungx phaungc ghaq waungc lotlaz kuex vpiq kox nuex yek waungc tvkoc htvp htaz taq tueq. Vsaz kuex yauk juinc bulx nuex vthueyc tvrvhumc vtueq nomic tvyaungc tueq. Ekvkhoc maq ghaq htauk nuex nuiyc raungmungx nuex httax yaq lotlaz kuex vpiq kox nuex tvyek wvnc tueq.


Nuimshiq kuex bomkhvrc vnyalx tvhungx jix Yesu kox nuex muinz, Abel tvguiy htauk nuex muinz vhvlx pinhtumc bomkhvmc ngoz yaq buit wuinc tueq tvguiy nuex muinz httuiuc wvnc vtuinx.


Vruex bomkhvrc kuex tsuingshiq ngaz rueq yauk maq het vtueq Ejip mungx wawc shvlx wvnc tauk nuex, tsuingshiq jix vwaz tamx rulc ngaz rueq vtaq bomkhvrc rulc rv-ngvlc muq. Tsuingshiq kuex ngaz rulc vtaq bomkhvrc nuex tvmtuing httax muq ningkhvnc nuex, Ngaz rueq tsuingshiq kuex lawc mauk shex.


Kvkhoc rvtueq vphaungc wawc bomkhvrc doc muinz tvguiy shuimx vtueq jix tvhungx tueq.


Vphaungc Moshe rueq tvrac nuex httax yaq bomkhvrc lotlaz kuex miq htenc muex jungc kuy lot yix, khelbuenx mulshawx nuiyc hisop kawz kuex shuimx ruiux manx tvguiy, khelkhix tvguiy htenc rulc yuix kuex shot vtueq luik tul htauk nuex muinz miq lotlaz muex muinz buit kuq tueq.


Kvrulc rv-ngvlc Moshe rueq nawk palx juing tap htauk nuex muinz, nawk palx shuex nuex shuimx yaq taungx vwawx lotlaz htauk nuex muinz tvguiy kvmaq buit tueq.


vmac vtsac vguez khelbuenx saz rulc rv-ngvlc yaq Christu thuiuzthuic kuex shomc nawk kuy gay tueq.


Vpiq Siyac nuex vsawc miqsaz tvyaungc vtueq, Yesu Christu kvjaz tay phvnc muex nuiyc vpiq tvguiy maq tvsawc kuy tvkoc Vwaz Tishox rueq mvnnuex phuex kvmungx wvnc tueq rulc rv-ngvlc nuimshiq kuex thvl wvnc tueq. Nuimshiq rueq vpiq kox wawc kejux nuiyc nomic kuex hunghtaungx mvrc laz mhttax wvnc kueq.


Síguenos en:

Anuncios


Anuncios


¡Síguenos en WhatsApp! Síguenos