DUNGWVNC 24:6 - ASII LAKDAP Bible (BSI)

⁶ Kiimaq Mosheq raq nyamse ataakuq ngam tiijai thun ka man nai wa manshi lamto. Raüta nüchhong winpin thun na thiito. Kiimaq ngam tiijai khoko kriika berong-wacha kiijaq raüto.

Hawa Naga Bible 2001

⁶ Moshe rueq nyvmx saz tvguiy wvyvmc kuex pankhuix nuex htawc ruiux; wvyvmc kuex shomrawx htauk nuex buit tueq.

DUNGWVNC 24:6 Referencias Cruzadas

2 HOKHVMX 17:15

Apaiq raq tsangshiq ma hon atsii achongkuq thun kra tai mak tleato. Apaiq raq tsangtitiim rai tongshong wantaq raükha thun kra lang mak riito. Kiimaq apaiq raq tsangshiq honlam tsü achongkuq bomtsi thun kiimin wiita shipoq wanto. Tsangshiq raq thiihü sumla phra thun shomnoq wanto. Raüta tsangshiq maiqmii kiimin hiqtili miishe jakito. Kiimaq tsangshiq raq tsangshiq tro na siti thatsang maiqse pongmungti thung alai thun kra lang wanto. Raüta Tatiwe raq tsangshiqnok jai naq phan rongkiq nguta aming akuq kra jinbaiq wanto.

Tvtsvmc 99:6

Mosheq nai Aron ka apaiq ramwenai, kiimaq Samuel ka apaiq jaq wa achu jaütiwe; tsangshiq raq Tatiwe mang chongto; kiimaq apaiq raq tsangshiq achujaü treto.

DUNGWVNC 12:22

Lanta hissop pekü nyamtu lam lanta nüchhong winpin na ngam tiijai kiijaq tsam ronglaq. Lantiishe kra ngam tiijai maq namjam kilamchong siimko nai ri pumpat kiijaq nai kilamchong pumpat ra nüti kiijaq nei ronglaq. Namshiq jamti maiq jumin ranap ra miwü shaq wiiwii kinphai na dongkai maimak.

DUNGWVNC 12:7

Raüta mungmaiqse raq ngam tiijai wiijam ka lam raüta kra nyamse taphaqtlaq jamti raq kilam chong kop tsangkilii siimko nai wiita na kiimaq kilamchong kop chang ra nü na kriijaq ngam tiijai ka nyat chang.

DUNGWVNC 24:8

Kra raütiishe Mosheq raq ngam tiijai nüchhong win pin thun wiika lamto. Raüta mungmaiqse thaq na batto. Kiimaq apaiq raq akha nguto, “Arka Tatiwe raq namshiq rai tongshongtaq raüta aming thun kuqtaq kra neichang ram tiibok chang tiijai.”

DUNGWVNC 29:16

Laüta kra talaq. Laüta ngam tiijai ka lam laq kiimaq berong-wacha siimblai ri wiita na wanbaiqlaq.

DUNGWVNC 29:20

Laütiishe kra talaq. Kiimaq kra ngam tiijai wiijam ka lamlaq. Laüta Aron nai asetiim niban nitsi nü thun kiijaq ngam tiijai maq nyat kuqlaq. Kiimaq tsangshiq jaq jaq tsi nü shilawe thun kiijaq nyat kuqlaq. Kiimaq tsangshiq hok hoktsi nü shilawe thun kiijaq nyat kuqlaq. Laütiishe kra ngam tiijai chantlaq thun kriika berong-wacha siimblai ri na raübaiqlaq.

JEREMIA 31:32

Kriika Ngi raq tsangtitiim ka Ejip mung wa Ijaq maq hit lata sheawan kang akhing na tongshong chü shong wan kang kiikhiika riimak she miraq. Kra pat na Ngi ka tsangshiq ma awese ikha siwan kang. Shatmaq tsangshiq raq itongshong tri raütu ka lang wan mak riito.

LEWI 1:11

Apaiq raq nyamse ka berong-wacha shekhu nü siim na tachang. Kiimaq ramwebi raq ngam tiijai ka berong-wacha siimblai ri wiita na miwan.

LEWI 1:5

Apaiq raq kra minsaü pongwe ka kiijaq ataa miraq. Kiimaq Aron phan ramwebi raq ngam tiijai ka Tatiwe ma mikuq. Raütiishe Tombutiip kilamchong tho na berong-wacha sitlaq kra arong shokblai ri wiita na ngam tiijai ka miwan.

LEWI 3:2

Kriiwe raq ajaq maq nyamse khupo na shamchang. Raüta nyamse ka Tatiwe asi Tombutiip na walam kilam chong kiijaq ta chang. Raüta Aron phan ramwebi raq ngam tiijai ka berong-wacha siimblai ri na miwan.

LEWI 3:8

apaiq raq ajaq maq nyamse khupo na shamchang, raütiishe Tombutiip rinkea na tachang. Raüta ramwebi raq ngam tiijai ka berong-wacha siimblai ri na miwan.

LEWI 4:6

Raüta ajaqshi ka minsaü tiijai na mitsam. Raüta asii kheathum khok rai chang chan tlaq khaki na jang miishe mibat.

1 Corinthians 11:25

Ikiikhiisii hali, raji dungsea lot jai, apaiq raq kok ka do raüta, akha nguto, “Ara kok arka Shiikeawe tongshong nye kok. I tiijai maq anei. Ümtiikiiwa namshiq raq ara nyang tlan, ngi ka tiima lanta nyang ronglaq.”

Colossians 1:20

Riita ara chongtiikai krai mren, Shiikeawe raq Ase pum lümaq, ara ra nai hiq wiita apaiq wokhong na tiinyap wan nong ma nguta tri raü ka shatto. Krai mren, Shiikeawe raq arka, Ase pumsongkham na tsaitaq kra lümaq, ra nai hiq wiita ramungtan kiimaq mangjong hiq na ümchuwa sitlaq thun ka apaiq rai wehea miishe tiijato. Raütiishe awokhong na asengi miishe tiija wanto.

Hebrews 12:24

Namshiq ka, Jesuq phana she saü wan lan. Apaiq raq tongshong anye shongkuqto. Kiimaq Abel tiijai nam ma araa, apaiq tiijai maq nei kuqto. Raüta ümchaü sanha, araa phan mikuq ha nguta kiqkham kuqtaq kriiwe phana niishe saü wan lan!

Hebrews 8:9

Kra tongshong anye shong nong tiikang kriika, man na tsangti tsangwitiim pat na, ngi raq tsangshiq ka I jaq maq hit wan lata, Ejip mung jaqkhon mong wa, tiidong shea wan kang ranaiq na, tongshong kang kiikhiika riimak she miraq. Ngi raq tsangshiq ka tongshong ramkham maq bat kang. Shatmaq tsangshiq raq tongshong bomkham ka shishe wanto. Kriikha na, Ngi riimin tsangshiq ka, I wura maq tiihamkuq mang she riikang.

Hebrews 9:18

Ara chongtiikai akhiisii hali, man niiwa tongshong chü bomkham raükha kiimin, tiijai tiidong raütiitiq, Shiikeawe jam na dü wan tlo.

Hebrews 9:19

Kra pat na, Mosheq raq nokwe kunli ka jolitiip rinkea na tiithung tlo. Raüta, nokwe ma, Shiikeawe thungtri aming raü thun kra, araü araü maq phankuq wan wan riitlo. Kra phanke lot jai shetiq, apaiq raq minsaü pongwetiim ataa tiijai, kiimaq chhechhi kong ataa tiijai kra, kham rai nyiim tlo. Raüta, kra tiijai kiimaq Shiikeawe Thungtri lakdam kom thaq na bat tlo. Raüta, nokwe thung tlaq kra khuthaq niishe bat tlo. Riita, ara bat tlaq arka, khoqramkii ikha hissop pecham wa, ahii tu kra lam raüta, kra nyiimhii tu kiijaq, skurai raishii lotu kra wiiwottsaitam ikha, kra paq dam raüta bat tlo.

Hebrews 9:21

Ara chongtiikai akhiisii hali, Mosheq raq, kra chongtiikai tiijai maq tongshong jolitiip kiijaq min bat tlo. Kiimaq, Shiikeawe shomnoq na lang chang, hup asam ümchuwa sitlaq thun wiita thaq na, tiijai maq nei tlo.

1 Peter 1:19

Kra ri chang ka athii tsinhea, Jesuq Khristo ka skuse ashi, akhum na jamlai phan kojo min ahü, siirairai rilung khum ka honglu na takuqtaq kra lümaq ari wan.

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.