DUNGWVNC 24:8 - ASII LAKDAP Bible (BSI)

⁸ Kra raütiishe Mosheq raq ngam tiijai nüchhong win pin thun wiika lamto. Raüta mungmaiqse thaq na batto. Kiimaq apaiq raq akha nguto, “Arka Tatiwe raq namshiq rai tongshongtaq raüta aming thun kuqtaq kra neichang ram tiibok chang tiijai.”

Hawa Naga Bible 2001

⁸ Kvruex yimaq Moshe rueq pankhuix wawc tvguiy kuex lvmz vtueq miq htenc htauk kvyuq buit tueq. Piq rueq, “Yehowa rueq nuimshiq muex vruex htenc kuex nvr ruiux, nuimshiq rulc bomkhvrc vtaq kuex vruex tvguiy maq tvsik tvkop shex tueq,” ngoz tueq jungx tueq.

DUNGWVNC 24:8 Referencias Cruzadas

1 HOKHVMX 8:21

Kiimaq ngi raq Tatiwe raq natitiim pat na apaiq raq tsangshiq ka Ejip mung wa tsuq wantaq akhing na tongshong raütu bomtsi longpen na waiq thütaq kra thüchang Tongshong Tek kaü kra tochang kriimin khok ashi Shomjam mong na tiijekang she.”

1 HOKHVMX 8:9

Kra Tongshong Tek mong niika longpen kaünai anai, Mosheq raq Sinai pum maq, Tatiwe raq Israilnok ka Ejip mung maq manglaü wawantaq akhing na tong ashong wan kriili riito. Kriiwa chan raüta laihin hupsam ka jammin ahü.

Tvtsvmc 78:36

Shatmaq tsangnübok maq jamlai wa bomtlaq kriika arotli riitlo; tsangshiq raq jamlai wa bomtaq thun kriika tsan mong maq tengteng abom ka riimak.

DUNGWVNC 24:6

Kiimaq Mosheq raq nyamse ataakuq ngam tiijai thun ka man nai wa manshi lamto. Raüta nüchhong winpin thun na thiito. Kiimaq ngam tiijai khoko kriika berong-wacha kiijaq raüto.

ISAIA 52:15

Shatmaq ümchaü ka maiq mung paheati raq apaiq ma pinthum awang mirwan, kiimaq hokhambi thun ka apaiq sham ka chhiraüta tsang nübok maq abom min dongmak she miraq. Tsangshiq raq michhi raüta misap wan, tsangshiq raq man na chhitai mak phan kriishe misap wan,”

JEREMIA 31:32

Kriika Ngi raq tsangtitiim ka Ejip mung wa Ijaq maq hit lata sheawan kang akhing na tongshong chü shong wan kang kiikhiika riimak she miraq. Kra pat na Ngi ka tsangshiq ma awese ikha siwan kang. Shatmaq tsangshiq raq itongshong tri raütu ka lang wan mak riito.

EJEKIEL 16:8

“Ngi jangshi ri hali kra lam maq alea wan chakang. Kiimaq Ngi raq ümniika maiq ma wacho she khana nguta liikang. Ngi raq ümkhum kheahü ma kra isamtong jong kaü kriimaq pangkuq kang. Lata ümniika milungwii kang nguta kiqkham kuqkang. Tengto. Ngi raq ümniika ijamti nyung ma nguta jaqkhaq raü tiipakuq kang. Krai mren, ümniika ijamti nyung miishe jaki laü.” Arka, Tati Rakaü Hiqwe raq ngutlo.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

LEWI 8:30

Mosheq raq ram ram chang tel kiiwa wiijam lamto. Kiimaq ngam tiijai berong-wacha kiiwa wiijam lamto. Raüta Aron nai asetiim dü na kiimaq tsangshiq dü na miirii samtlaq kiijaq batto. Akha klo raüta apaiq raq tsangshiq ka kiimaq tsangshiq miirii thun ka Tatiwe ma ngamrea ikha kiinong kuqto.

HAGAI 2:5

Man na namshiq Ejip mung wa laüwan lan akhing na, ngi ka namshiq rai pattup pat-sa adam siwanruq mirkang nguta kiqkham raü khakuq kang. Krai mren, ngi ka ümchaü min namshiq rai nongshnongli. Arningkhan namshiq naqhai rongkiq.

JEKERIA 9:11

Tatiwe raq chongtlo, “Ngi raq namshiq rai tongshong wan kang. Lata honglu tiijai maq nei wan kang. Kriikha na ngi raq namshiq ka, munglu shumwi kharü mong wa, wiita she midokda wan ha.

Matthew 26:28

“Arka i tiijai, Shiikeawe Tongshong kra nei chang. Maiqse pahea ngarai thun diike miitu araübaiq.

Mark 14:24

Jesuq raq, “Arka i tiijai. Maiq pahea miitu araü kuq. Shiikeawe raq tongshong wantlaq kra ram wan chang, ramkham.

Luke 22:20

Ikiikhiisii hali, apaiq raq raji dungsea jai, kok ka tsangshiq ma ake lam maq akha nguto, “Ara kok arka Shiikeawe Tongshong nye nei chang i tiijai. Namshiq miitu araü kuq.

1 Corinthians 11:25

Ikiikhiisii hali, raji dungsea lot jai, apaiq raq kok ka do raüta, akha nguto, “Ara kok arka Shiikeawe tongshong nye kok. I tiijai maq anei. Ümtiikiiwa namshiq raq ara nyang tlan, ngi ka tiima lanta nyang ronglaq.”

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

TRI CHONGKE 5:2

Sinai Pum maq Tatiwe nashiq Shiikeawe raq nashiq ma tongshong kuqto.

Hebrews 10:29

Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!

Hebrews 13:20

Shiikeawe raq nashiq Tati Jesuq ka amaa wa tiidong wanto. Apaiq ka skukong Rümti Ajong Pinthum. Arka apaiq miisaq honglu na kuq raüta tsaito kriikha maq jawanto. Kra tsaitaq kra maq pattup pat-sa tongshong kra atiijai maq nei wanto. Raüta sil maq san wanto. Riita hansang Shiikeawe raq namshiq ma namshiq raq apaiq raq rotlaq kra phan phan athuk atsom jaqsham wan miitu phanrap ahea awa phan rong raa tlaq kra namshiq ma asho awo michom rom kuqlaq. Kiimaq apaiq raq Jesuq Khristo lümaq, nashiq khum na apaiq tiichochi chang jaqsham thun kra mishamlaq. Kiimaq Khristo miituli khushü chhainyii jonglu kra pattup pat-sa misilaq! Amen.

JOSHUA 24:25

Krai mren, Joshua raq kra ranaiq niili mungmaiqse miitu tongshong kuqto. Raüta apaiq raq kra Shekhem chela kiimaq tsangshiq ma thungtri raütu kiimaq aming raütu tsangshiq raq lang chang thun kra kuqto.

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.