JOSHUA 4:5 - ASII LAKDAP Bible (BSI)

⁵ Kiimaq tsangshiq ma akha aming kuqto, “Namshiq ka Tatiwe Shiikeawe Tongshong Tek khaki na Jordan rai mong jüphii kiina wawanli ronglaq. Lanta namshiq maiq loweatek raq Israilnok maiq phantek miitu longkaü ka kaüchhuq chhuq phaq na piwan ronglaq.

Hawa Naga Bible 2001

⁵ “Nuimhez kuex Yehowa nuimshiq Tishox Bomkhvrc Jep max kac Yodan ruilx kvyuq svt kuinz. Israel phvnx ruip rawx laung lung vshiz phok miqmac phauk luimx nuex pic wvnc wuez shuinz.

JOSHUA 4:5 Referencias Cruzadas

RAPHA HIQWA LAK 31:46

Apaiq raq asenginok ma longkaü thun riichom ronglaq nguta thaüto. Raüta kiijaq longkaü thun ka tiiphongto. Kra raütiishe kra longphong tho na nga raüta tsangshiq raq phaqsea kloto.

DUNGWVNC 24:4

Kiimaq Mosheq raq Tatiwe raq akuq aming thun ka wiita waiq thüto. Kriimaq nap jai ranap chu maq apaiq raq kra pumji na berong-wacha ashi haito. Kiimaq longkaü roqshiri kaünai, Israilnok maiq phan phan roq shi ri phan nai kra miitu maiq phantek miitu kaüshi shi shongto.

TRI CHONGKE 27:2

Ümtiikaq ranaiq wa namshiq raq Jordan Rai ka mijin wan han, lanta Tatiwe nam Shiikeawe raq kuqtlaq mung kiijiishe misaü wan han, namshiq raq longkham kaütiim ajong jong wiq kra shong ronglaq. Lanta longkham kaütiim ka hamlii boq maq lo ronglaq.

TRI CHONGKE 9:1

“Israil lei tai laq! Ümchaü ranaiq ümniiraq Jordan Rai ka jin wan laüta ümthaq na maiq mung jonghea thun nai ümthaq na srea nola jongnok thun kra mijii wan haü. Tsangshiqnok chela thun ka jonghea hea siisaq. Kra chela thun tro na aruk thun ka chohea hea ra na saülili.

JOSHUA 22:10

Riita Reuben phan, Gad phan, kiimaq Shedong nü na siti Manase phan ka Jordan rai maq shenyap nü na Geliloth chela na saüto. Raüta tsangshiq raq kiijaq jürai tho na ajongwiq kiimaq atsomwiq berong-wacha ashi haito.

JOSHUA 4:4

Krai mren, Joshua raq Israilnok phongwa maiq ka weroqshi ri wenai tseato. Raüta heato.

JOSHUA 4:6

Ara longkaü thun arka mungmaiqse ma Tatiwe raq jamlai jaqwa shamkuqtaq kra tiitsang wan miitu miraq. Rawiichii ji na namsetiim raq ara longkaü phong arka jamlai miitu athü wa nguta miwai.