JOSHUA 4:6 - ASII LAKDAP Bible (BSI)

⁶ Ara longkaü thun arka mungmaiqse ma Tatiwe raq jamlai jaqwa shamkuqtaq kra tiitsang wan miitu miraq. Rawiichii ji na namsetiim raq ara longkaü phong arka jamlai miitu athü wa nguta miwai.

Hawa Naga Bible 2001

⁶ Kvruex lung htenc kuex Yehowa rueq shuimx wvnc tueq phvnx kuex mungx miqsaz muex tvrvwvl yek shuex rvtueq. Yix maq nuimshiq saz tamx rueq, ‘Lungpoz htenc vruex vlvmz kuex yvmx khoc lac,’ ngoz rueq wiz ruiux yuq,

JOSHUA 4:6 Referencias Cruzadas

Tvtsvmc 44:1

Naishiq raq maiqmii ni maq taiwankai Shiikeawe lei, naititiim raq kra jaqsham kuqlaü kra chongto, tsangshiq pat na jaqsham jonghea shamlaü thun kra, man na rathup raphaji na shamlaü thun kra chongto.

Tvtsvmc 71:18

Riita ümchaü ngi ka tikiishe ikhu ikha min apü kaiwishe, ngi ka naq tiishaübaiqkiq, O Shiikeawe lei! Ümniika ngi rai lomshat riilaq, ngi raq üm ningkun nai üm hongla kra maiq pat ümchuwa saü wan tlaq tlotli ma chiiriim lata chongtiikang na.

DUNGWVNC 12:14

Namshiq raq ara ranaiq arka, Ngi Tatiwe raq jamlai wa shamkuq kang kra tsan na tiitsang wan miitu kamtsantsii poi ma seng lanta lang wan ratlo. Arka Ngi Tatiwe raq namshiq miitu jamlai jaqwa shamkuq kang kra nam tsan na tiitsang shat miitu akam alam poi nguta lang wan ratlo. Arka pattup pat-sa langruq ronglaq.”

DUNGWVNC 13:14

Rawiichii pat na ümse maiqwese raq ara poi lang tiikai arka jamlai liichum wiinya nguta wai raüla, ümniiraq apaiq ma akha bom ka mitre haü, ‘Tatiwe raq apaiq ningkun jonghea wokhong maq, nashiq ka Ejip mung na maiq dikong sikai kriiwa ana tsuq wanto.

DUNGWVNC 13:9

Ara poi lang wan tlan arka namshiq ma tsan na tiitsang wan miitu jaq na jaqkhaq raü apaq ikha riimakla nam khakam na phanshi ra atiipakuq ikha miraq. Ara poi klotlan ara lümaq namshiq ma Tatiwe Thungtri raütu kra riishrii maq phat wan nong miitu kiimaq atsaü maq sidi raüta phat wan miitu akhing lam wan ashi miraq. Jamkhano ngukla Tatiwe raq apaiq ningkun jonghea maq namshiq ka Ejip mung wa tsuq wanto.

DUNGWVNC 31:13

Israilnok ma akha chongkuqlaq nguta aming kuqto, “Asii Niitiitsak Ranaiq ka lang ronglaq. Arka Ngi niitiitsak ranaiq. Jamkhano ngukla namshiq nai Ngi liipan na pattup pat-sa miitu, Ngi, Tatiwe raq namshiq ka isenginok ma tiija wan kang nguta jaqkhaq raüpa saqse ka ara miraq.

ISAIA 38:19

Atrati raq ümniika tiitsamtlo; Ümchaü ngi raq ümnaq tiitsam tiikang akha. Awetiim raq asetiim ma üm tsapkap ka phankuqtlo.

ISAIA 55:13

Saipras pero ka ümchaü kiimko ro chamtlaq kiijaq cham raüta mijong wan; martel pero ka shuktam ro chamchang ba kiijaq micham. Ara miithii shong arka pattup pat-sa misi wan, arka Ngi Tatiwe raq jaq shamkang kra tsan na tiitsang miitu miraq.”

EJEKIEL 20:12

Ngi raq Asii Niitiitsak Ranaiq langwan ka Ngi nai tsangshiq liipan na tongshong raütu miithii kuqkang. Kriika Ngi, Tatiwe riidea tsangshiq ka asii maiqsetiim ma tiijatiikang nguta atiitsang bomtsi.

EJEKIEL 20:20

Asii Niitiitsak Ranaiq ka asii hai ranaiq ma tiija ronglaq. Krai mren, arka nashiq liipan na tongshong wan kai kra miithii ma mija. Kiimaq Ngi ardea namshiq Tatiwe namshiq Shiikeawe nguta tsan na tiitsangshat maq miraq.

WEAWEA 16:38

Kra wawinpin thun ka ümtiikiiwa Tatiwe berong wacha na kuqtaq kriikha maq asii she jakito. Kra ningkhan tsangshiq ngarai tang kha na tsaitaq wetiim wa winpin thun kra adam na riichomlaq. Laüta pisaisai diimsetiim ma tiiqlaq. Laüta kra diimsetiim maq berong-wacha kra joblaq, kriika Israilnok miitu tsii lam chang saqse misilaq.”

Acts 2:39

Ara jamkhano chong tiikang ngukla, Shiikeawe raq ara kiqkham raüpot khakuq wantaq arka namshiq miitu. Kiimaq, namsaü namsetiim miitu. Kiimaq ara kiqkham arka, maiqse angu alulang na ümchuwa sitlaq kriiti thun ka, nashiq Tati Shiikeawe raq, apaiq rii she nguta hea wantiiti thun kra kunli miitu.”

TRI CHONGKE 11:19

Arthun ka namsetiim ma shrinkuq ronglaq. Namshiq ka jam na shon namsetiim ma phanchan kuq ronglaq. Kiimaq namshiq ka kinphai na shon min, namshiq ka niitiitsak anga shon min kiimaq namshiq ka jaqsham lam miimin chong kuq shat ronglaq.

JOSHUA 22:27

Shatmaq, arka namshiqnok nai naishiqnok liipan na, miithii shong ashi mirlaq nguta, kiimaq naishiq tsai jai, rawiichii saüpat sepat miitu, naishiq riimin Tatiwe ka apaiq sichang asii Tombutiip kiijii dea naishiq honglu wa na chaq chang kra lamho laita kiimaq nyamse take chang honglu kiimaq rintii honglu thun ka lamholaita shomnoq tiikai nguta mithii shong klokai. Arka namsaü namsetiim raq naishiq ma, naishiq riika Tatiwe rai riibom kai chang lam ahü nguta bom chang ahü mirlaq nguta klokai.

JOSHUA 4:21

Raüta Joshua raq Israilnok ma akha chongto, “Rawiichii namsetiim raq, ara longkaü phong arka jaram aphong wan wa nguta bom wai raüla,

JOSHUA 4:5

Kiimaq tsangshiq ma akha aming kuqto, “Namshiq ka Tatiwe Shiikeawe Tongshong Tek khaki na Jordan rai mong jüphii kiina wawanli ronglaq. Lanta namshiq maiq loweatek raq Israilnok maiq phantek miitu longkaü ka kaüchhuq chhuq phaq na piwan ronglaq.